Kata ya Kizota yajivunia maendeleo makubwa ya miradi

By Halmashauri ya Jiji la Dodoma

Na. Asteria Frank, DODOMA

Diwani wa Kata ya Kizota, Jamal Ngallya afurahia mafanikio ya serikali kwa kipindi cha miaka minne ya utekelezaji wa miradi ya maendeleo ya Kituo cha Afya, Shule ya Msingi Mahungu na stendi ya mabasi katika kata yake.




Aliyasema hayo alipokuwa akizungumza na waandishi wa habari waliotembelea kata hiyo kujionea miradi iliyotekelezwa na serikali katika Kata ya Kizota.

Alisema kuwa katika kipindi cha miaka minne ya serikali ya awamu ya sita, kata hiyo imeshuhudia maendeleo makubwa. “Mimi leo naweza kuzungumza kuwa Kizota ya sasa hivi na ya miaka 10 nyuma ni vitu viwili tofauti, wakati mimi nazaliwa tulikuwa tunapata huduma za afya Makole na taasisi ya Magereza Isanga lakini leo Kizota tunatamba tumepata kituo cha afya kikubwa ambacho kinagharimu kiasi cha zaidi ya shilingi 500,000,000 ambapo kwa Dodoma sasa hivi kituo hicho kitashika nafasi ya tatu kwa ukubwa na hivi karibuni kitaenda kufunguliwa ili kitoe huduma mbalimbali kwa wananchi” alisema Ngallya.

Aliongeza kuwa serikali imetoa fedha kwa ajili ya ujenzi wa stendi ya mabasi ambayo itahudumia wananchi wengi.

“Ila pia mama ametoa bilioni sita kwaajili ya ujenzi wa stendi ya kisasa ambayo itakuwa stedi ya pili kwa ukubwa baada ya stendi ya Nanenane. Stendi hiyo pia itahudumia magari yanayotoka ukanda wa magharibi kama Kigoma, Musoma na Tabora. Stendi hiyo itakuwa na uwezo wa kubeba mabasi zaidi ya 200 na mkandarasi alishasaini mkataba wa ujenzi wa stendi hiyo” aliongeza Ngallya.

Nae Afisa Mtendaji wa Kata ya Kizota, Aidan Libenanga alisema kuwa suala la utawala bora linafanyika kwa uthabiti. Migogoro ya ardhi imepungua sana kutokana na mkakati wa kuitatua kufanikiwa.



Akiongelea suala la lishe, alisema kuwa kata imekuwa ikiadhimisha maadhimisho ya siku ya afya na lishe kila baada ya robo mwaka kwa mitaa yote. “Kwa upande wa lishe bora huwa tunaadhimisha kwa ngazi za mitaa kila baada ya robo mwaka kwa kuwashirikisha jamii inayotuzunguka kwa kuwapa elimu ya lishe. Tumekuwa tukiwashirikisha wataalam wa afya kutoka maeneo mbalimbali kwa ajili ya kutoa elimu kwa vitendo ili wananchi waweze kuona na kuelewa kwa urahisi” alisema Libenanga.

Katika hatua nyingine Mkazi wa Mtaa wa Mbuyuni, Kata ya Kizota, Steven Kapangala alishukuru mafanikio ya serikali ya awamu ya sita kwa kuwapelekea miradi mikubwa ya maendeleo kama stendi ya mabasi kwa sababu itasaidia kufungua fursa za kiuchumi kwa wafanyabiashara na wajasiriamali. “Lengo kubwa la serikali ni kutusaidia zaidi kuboresha mazingira ya kufanya biashara katika mazingira rafiki yenye kufikika na yenye tija lakini mradi huu wa wa stendi utatuletea maendeleo makubwa sana hasa katika mkoa wetu wa Dodoma” alisema Kapangala.




Kwa upande mwingine mkazi wa Kata ya Kizota, Rachel John, aliishukuru serikali kwa kusikia kilio chao cha kutaka stendi ya Kizota iboreshwe. “Mradi utakapoanza tutakuwa na fursa ya kufanya biashara na tutapata maendeleo kwa hakika tutafanya mambo mazuri. Mimi kama mama lishe naamini nitaweza kufanya sana biashara” alisema John.

MWISHO

 

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more