Madiwani Jiji la Dodoma wapitisha taarifa ya ufungaji hesabu za mwaka 2023/2024

By Halmashauri ya Jiji la Dodoma

Na. Dennis Gondwe, DODOMA

Baraza la Madiwani la Halmashauri ya Jiji la Dodoma limepokea taarifa ya ufungaji wa hesabu kuishia tarehe 30 Juni, 2024 na kushauri kuwa changamoto zilizojitokeza katika mwaka ulioisha zitatuliwe ili zisijitokeze katika ufungaji hesabu ujao.

Mwenyekiti wa Mkutano huo, Prof. Davis Mwamfupe akifungua mkutano


Baada ya taarifa ya ufungaji wa hesabu kuishia tarehe 30/6/2024 kuwasilishwa kwenye mkutano maalum wa Baraza la Madiwani kwa ajili ya kupitia na kujadili taarifa ya ufungaji wa hesabu iliyowasilishwa na Mkuu wa Kitengo cha Uhasibu na Fedha Halmashauri ya Jiji la Dodoma, wajumbe waliipokea.

Mwenyekiti wa Mkutano huo, Prof. Davis Mwamfupe aliwahoji wajumbe kama wanaipokea taarifa hiyo na kwa kauli moja waliipokea taarifa hiyo. Alisema kuwa taarifa hiyo imehusisha mapendekezo ya Kamati ya Fedha na Utawala kama walivyoshauri.

Akiwasilisha taarifa ya ufungaji hesabu za halmashauri kuishia tarehe 30 Juni, 2024, Mkuu wa Kitengo cha Fedha na Uhasibu, CPA David Rubibira alisema kuwa taarifa hiyo inatokana taarifa za fedha ambazo huwasilishwa kwenye vikao vya kamati ya fedha na utawala kila mwezi. 

CPA. David Rubibira akiwasilisha taarifa


Akiongelea umuhimu wa kuwasilisha taarifa hizo, alisema kuwa ni takwa la kisheria kuandaa hesabu kwa mfumo wa kimataifa  yaani ‘International Public Sector Accounting Standard’ (IPSAS). “Umuhimu ni takwa la kisheria kwamba unapomaliza mwaka wa fedha halmashauri inatakiwa kuwa na hesabu za mwaka husika zilizowasilishwa kwa Mthibiti na Mkaguzi Mkuu wa Hesabu za Serikali ndani ya kipindi cha miezi 3. Kwa mujibu wa Kanuni ya Fedha ya Serikali za Mitaa ya mwaka 2009, kifungu cha 31 na kifungu namba 45 cha Sheria ya Serikali za Mitaa ya mwaka 1982 na marejeo yake ya mwaka 2000 kinatutaka kuandaa hizo hesabu na kuziwasilisha. Hivyo, baraza lako lazima lizipitie na kutoa maoni kwenye hizo hesabu ili tuziwasilishe kwa wakati” alisema CPA Rubibira.

Akiongelea maudhui ya taarifa hiyo, alisema kuwa inahusisha taarifa ya mali na madeni, mizania ya fedha, mapato na matumizi na mtiririko wa fedha. Maeneo mengine aliyataja kuwa ni utendaji kazi wa menejimenti kwa kushirikiana na madiwani, uhai wa halmashauri, taarifa hiyo inaonesha pia akaunti za halmashauri hadi kufikia tarehe 30 Juni, 2024, pamoja na mambo mengine.

Diwani wa Kata ya Chang’ombe, Bakari Fundikira akichangia taarifa ya ufungaji hesabu za halmashauri


Akichangia taarifa hiyo, Diwani wa Kata ya Chang’ombe, Bakari Fundikira alisema kuwa taarifa hiyo ni dira kwa mwaka wa fedha unaoendelea. “Tumeipokea taarifa na kuipongeza timu ya wataalam kwa uandaaji mzuri wa taarifa. Taarifa imetupa dira ya mwaka huu wa fedha ambao tunao. Yale mapungufu tukayafanyie kazi ili taarifa ya mwaka huu iwe bora zaidi na madeni yaweze kupungua kwa kiasi kikubwa. Taarifa hii itupe dira ya utekelezaji wa shughuli za halmashauri” alisema Fundikira.

MWISHO


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more