Barabara ya Judiciary kupunguza msongamano katikati ya Jiji la Dodoma

By Halmashauri ya Jiji la Dodoma

Na. Dennis Gondwe, TAMBUKARELI

UJENZI wa barabara ya ‘Judiciary’ yenye urefu wa kilometa mbili unalenga kupunguza msongamano wa magari katikati ya Jiji la Dodoma na kuharakisha huduma kwa wananchi.



Kauli hiyo ilitolewa na Meneja wa Wakala wa Barabara za Vijijini na Mijini (TARURA) Wilaya ya Dodoma, Mhandisi Emmanuel Mfinanga wakati akisoma taarifa ya mradi wa ujenzi wa barabara ya Judiciary yenye urefu wa kilometa mbili kwa kiongozi wa mbio za Mwenge wa Uhuru kitaifa.

Mhandisi Mfinanga alisema ”ndugu kiongozi wa mbio za Mwenge wa Uhuru kitaifa 2024, lengo la mradi huu ni kupunguza msongamano wa magari katikati ya Jiji la Dodoma, kurahisisha huduma kwa wananchi katika ofisi zilizopo katika eneo hili ambapo miongoni mwa ofisi hizo ni:- Ofisi ya Bima (NHIF), Ofisi ya Mkaguzi Mkuu wa Hesabu za Serikali (CAG), Wakala wa Ununuzi Tanzania (PPRA), Ofisi za Maadili ya Viongozi wa Umma na Ofisi za Mahakama Kuu ya Tanzania”. 



Kiongozi wa Mbio za Mwenge wa Uhuru kitaifa, Godfrey Mnzava baada ya kuweka jiwe msingi mradi wa barabara ya Judiciary KM 02


Alisema kuwa eneo la NCC Link lina barabara zenye jumla ya kilomita 9.8, barabara ya ’Judiciary’ ni miongoni mwa barabara hizo. Kutokana na umuhimu wa barabara katika eneo hili, Serikali ya Jamhuri ya Muungano wa Tanzania, kwa mwaka wa fedha 2022/2023 ilitenga fedha kiasi cha shilingi 2,409,187,951.00 kwa ajili ya ujenzi wa Kilomita mbili za lami ngumu, aliongeza.

Akiongelea hali ya utekelezaji wa mradi huo, alisema kuwa ulianza kutekelezwa tarehe 04 Julai, 2023 na ulitarajiwa kukamilika tarehe 13 Juni, 2024. Kutokana na sababu mbalimbali ikiwemo hali ya mvua, muda wa utekelezaji uliongezwa hadi tarehe 07 Agosti, 2024. ”Mradi huu una gharama ya shilingi 2,409,187,951.00 ambapo hadi sasa kiasi cha shilingi 1,330,768,612.00 sawa na asilimia 55.24 kimeshalipwa” alisema Mhandisi Mfinanga.

Kwa upande wake mkazi wa Tambukareli, Diana Misana alisema kuwa ujenzi wa barabara hiyo kwa kiwango cha lami utaongeza ufanisi kwa watumishi na watu wanaotumia barabara hiyo kutokana na kuwa na taasisi nyingi jambo linalosababisha msongamano.

MWISHO

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more