WAAJIRI DODOMA WATAKIWA KUSAIDIA WANAWAKE KUNYONYESHA WATOTO MAZIWA YA MAMA KAZINI

By Halmashauri ya Jiji la Dodoma

Na. Dennis Gondwe Dodoma,

WAAJIRI katika Mkoa wa Dodoma wametakiwa kutoa msukumo katika kurahisisha na kusaidia wanawake walioajiriwa kuendelea kunyonyesha watoto wao kwa mujibu wa taratibu ili wawe na lishe bora.

Mwakilishi wa Mkuu wa Mkoa wa Dodoma ambaye ni Mkuu wa Wilaya ya Dodoma, Jabir Shekimweri akiongea na mamia ya wananchi 


Kauli hiyo ilitolewa na Mkuu wa Mkoa wa Dodoma, Rosemary Senyamule katika hotuba yake kwenye matembezi ya hiari kuhamasisha unyonyeshaji wa maziwa ya mama na kusomwa na Mkuu wa Wilaya ya Dodoma, Jabir Shekimweri yaliyoishia uwanja wa Shule ya Msingi Chang’ombe jijini hapa.

Senyamule alisema kuwa lengo kuu la maadhimisho ya mwaka huu ni kuongeza uelewa wa jamii kuhusu umuhimu wa kusaidia wanawake waweze kufanya kazi za uzalishaji pamoja na utunzaji wa watoto wao. Alisema kuwa ili kufanikiwa “lazima kuhamasisha na kutetea utekelezaji wa mikakati inayowezesha waajiri kuwa karibu na familia, walezi au mama wa mtoto na kutoa msukumo katika kurahisisha na kusaidia wanawake walioajiriwa kuendelea kunyonyesha watoto wao. Kuwahimiza waajiri kutenga sehemu maalum kwa ajili ya wafanyakazi wanawake wanaonyonyesha ili waendelee kufanya hivyo mahali pa kazi”.

Alisema kuwa maadhimisho hayo yanalenga kuelimisha umma kuhusu sheria ya kulinda haki za uzazi kwa wanawake na nyingine za kitaifa. “Vilevile, kuwawezesha wanawake kufanya kazi na kunyonyesha watoto wao ipasavyo kwa kushawishi upatikanaji wa aina mbalimbali za msaada kutoka kwa wadau katika sekta zote” alisema Senyamule.

Akioanisha majukumu ya uzalishaji mali, uzazi na maisha ya wanawake na wanaume kwa pamoja, alisema kuwa kutaleta faida kwenye sekta zote katika jamii. “Faida zinazopatikana ni pamoja na uboreshaji tija, kipato cha familia na usalama wa kazi, ustawi na afya ya wanawake na watoto, kufaidika kwa waajiri na kuwepo kwa taifa lenye mfumo imara wa kijamii na kiuchumi” alisema Senyamule.

Kwa upande wake Mkurugenzi wa Mradi wa USAID/ Lishe Endelevu unaofadhiliwa na USAID na kutekelezwa na Shirika la Save the Children, Joyceline Kaganda alisema kuwa mchango wa mradi katika kufanikisha juhudi za serikali kuhusu afua ya unyonyeshaji wa maziwa ya mama ikiambatana na ufanyaji kazi kwa ajili ya kujikimu. “Mradi umewezesha mafunzo na vitendea kazi ili kuimarisha lishe ya wanawake wajawazito, wanaonyonyesha, watoto wachanga, wadogo na vijana balehe kwa WAJA wapatao 4,000, Mkoa wa Dodoma peke yake walikuwa WAJA 1,221. Hawa wanatumika kumfikia mlengwa katika elimu ya unyonyeshaji moja kwa moja hadi ngazi ya kaya. Mradi pia ulitoa mafunzo ya unasihi wa lishe kwa watoa huduma wa afya 600 na kwa Mkoa wa Dodoma ni 220 wanaendelea kuimarisha uelewa wa walengwa kila wanapohudhuria kliniki kuanzia ujauzito na ufuatiliaji wa hali ya lishe ya mtoto” alisema Kaganda.

Mkurugenzi wa Mradi wa USAID/ Lishe Endelevu unaofadhiliwa na USAID na kutekelezwa na Shirika la Save the Children, Joyceline Kaganda


Fursa nyingine ya mradi aliitaja kuwa ni kutoa mafunzo ya mbinu bora za kilimo, mifugo, na uvuvi kwa maafisa ugani 800 kwa lengo la kuimarisha upatikanaji wa chakula mchanganyiko chenye virutubishi vingi katika ngazi ya kaya na kuongeza kipato cha kaya. “Sote tutakubaliana ili mama atengeneze maziwa ya kutosha ni lazima apate mlo wa kutosha na wenye mchanganyiko wa vyakula kutoka makundi yote ya vyakula. Pia awe na mahitaji mengine ya msingi ili kumpunguzia msongo wa mawazo” alisema Kaganda.

Nae Afisa Lisha wa Halmashauri ya Jiji la Dodoma, Semeni Eva Juma alisema kuwa mama anayenyonyesha anatakiwa kupunguziwa kazi na msongo wa mawazo. “Siku 1,000 za mwanzo bora wa mtoto ndiyo maisha bora mtoto, ukikosea hapo mtoto anadumaa kiakili na uwezo wa kufikiria unadumaa. Hivyo, tunashauri maziwa ya mama mtoto aanze kunyonya ndani ya saa moja tangu anapozaliwa. Kipindi hiki ndiyo muda maziwa ya kwanza ya njano yanayokuwa na virutubishi vyote muhimu kwa lishe bora ya mtoto yanauhumu kwa mtoto. Baada ya hapo endelea kumnyonyesha mtoto kadri anavyohitaji” alisema Juma.

Maadhimisho ya wiki ya unyonyeshaji tarehe 1-7 Agosti, 2023 yanaongozwa na kaulimbiu isemayo “Saidia unyonyeshaji: Wezesha wazazi kulea watoto na kufanya kazi zao kila siku”.  



MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more