Ujenzi Queens bega kwa bega na Mwenge wa Uhuru, 2026 Dodoma

By Halmashauri ya Jiji la Dodoma


Na. Dennis Gondwe, DODOMA

WIZARA ya Ujenzi inaunga mkono Mwenge wa Uhuru Mwaka 2026 utakaoanza mbio zake tarehe 1 Juni, 2026 katika Wilaya ya Dodoma kwa kushiriki katika mashindano ya Mwenge Super Cup yakilenga kuhamasisha jamii kujiandaa na mapokezi ya Mwenge huo kwa kudumisha amani na umoja wa kitaifa.


Kocha wa Timu ya Wizara ya Ujenzi (Ujenzi Queens), Mwamvita Mzee

Kauli hiyo ilitolewa na Kocha wa Mchezo wa Mpira wa Pete wa Timu ya Wizara ya Ujenzi (Ujenzi Queens), Mwamvita Mzee alipokuwa akiongea na mwandishi wetu muda mfupi kabla ya kuanza mchezo wao na Timu ya Mpira wa Pete ya Dodoma Jiji katika viwanja vya Chinangali Park jijini Dodoma.


Mzee alisema kuwa hamasa ya Mwenge wa Uhuru Mwaka 2026 kwa wanamichezo ni kubwa katika Wilaya ya Dodoma. “Sisi Timu ya Mpira wa Pete ya Wizara ya Ujenzi tumehamasika kuja kuunga mkono ujio wa Mwenge wa Uhuru Mwaka 2026 katika Wilaya ya Dodoma. Lengo ni kuonesha umoja na mshikamano baina ya wanamichezo kama dhamira ya Mwenge wa Uhuru Mwaka 2026 ilivyo ya kuleta umoja na mshikamano wa kitaifa” alisema Mzee.


Kwa upande wake Afisa Michezo Halmashauri ya Jiji la Dodoma, Neema Kilongola alisema kuwa mashindano ya Mwenge Super Cup yanalenga kuwahamasisha wanamichezo na wananchi kujitokeza kwa wingi kwenye mapokezi ya Mwenge wa Uhuru Mwaka 2026 katika Wilaya ya Dodoma. Hamasa hiyo ni pamoja na kujitokeza kwa wingi katika maeneo yote yatakayopitiwa na Mwenge wa Uhuru Mwaka 2026.


Mwenge wa Uhuru Mwaka 2026 unaongozwa na kaulimbiu isemayo “Tanzania ni Yetu Sote, Tushikamane kwa Pamoja Kuleta Maendeleo”.






MWISHO  

 

Comments

Post a Comment

Popular Posts

Dodoma Jiji yaangukia pua dhidi ya Ujenzi Queens Mwenge Super Cup

By Halmashauri ya Jiji la Dodoma
Image
Na. Dennis Gondwe, DODOMA TIMU ya Mpira wa Pete ya Wizara ya Ujenzi (Ujenzi Queens) imeibuka kidedea kwa kuifunga Timu ya Mpira wa Pete ya Dodoma Jiji kwa magoli 37-33 katika mchezo wa kuvutia uliochezwa katika viwanja vya Chinangali Park. Mchezo huo ulianza kwa kasi ya kawaida na kuendelea kushika kasi kadri muda ulivyokuwa ukisogea. Hadi mchezo unamalizika, Timu ya Ujenzi Queens iliikuba na ushindi wa magoli 37 dhidi ya 33 ya Dodoma Jiji. Awali Kocha wa Timu ya Mpira wa Pete ya Ujenzi Queens Mwamvita Mzee alisema kuwa wamekuwa wakipata matokeo mazuri kutokana na kufanya mazoezi mara kwa mara. “Timu yetu inaamini katika mazoezi ya mara kwa mara. Kama unavyofahamu mazoezi hayadanganyi, tumekuwa tukifanya mazoezi kwa bidii ndiyo siri ya mafanikio yetu. Zidi ni kupendana kama timu na watu kujitoa kwa ajili ya timu na kuupenda mchezo. Pia, kwetu ni utekelezaji wa maelekezo ya Mheshimiwa Rais wa Tanzania ya kufanya mazoezi kwa watumishi mahala pa kazi” alisema Mzee.   Kwa upa...
Read more

Afisa Elimu Jiji la Dodoma anunua jina la Rais Samia kwa Laki 5

By Halmashauri ya Jiji la Dodoma
Image
Na. Dennis Gondwe, MIYUJI MKUU wa Divisheni ya Elimu Sekondari Halmashauri ya Jiji la Dodoma, Zainab Abdallah amefurahishwa na uwezo wa mwanafunzi mwenye mahitaji maalum, Angel Elias alipoandika jina la Rais, Dkt. Samia Suluhu Hassan kwa kutumia mdomo wake na kununua jina hilo kwa shilingi 500,000. Mwanafunzi Angel Elias wa shule ya Msingi Hombolo Bwawani anayeandika kwa kutumia mdomo Furaha hiyo aliionesha katika kikao cha wadau wa elimu wa Halmashauri ya Jiji la Dodoma kilichoambatana na utoaji tuzo za kitaaluma na kufanyika katika Shule ya Msingi St. Gasper iliyopo Miyuji jijini hapa. “Mheshimiwa Mwenyekiti kabla ya yote, ninaomba kwa ridhaa yako kama hautajari, hilo neno lililoandikwa na mtoto wangu Angel ‘I am so excited’. Nitalinunua kwa shilingi 500,000. Mheshimiwa Mkuu wa Wilaya ya Dodoma ni ukweli kwamba hata wale wanafunzi wasio na mahitaji maalum tunaowafundisha hawajifunzi haraka kama huyu anavyo fanya” alisisitiza Mwl. Abdallah. Akiunga mkono tukio hilo, Mkuu wa Di...
Read more