Kata ya Chamwino yatakiwa kuchukua tahadhari ya Kipindupindu

By Halmashauri ya Jiji la Dodoma

Na. Dennis Gondwe, CHAMWINO

HALMASHAURI ya Jiji la Dodoma imefurahishwa na muitikio wa wakazi wa Kata ya Chamwino kushiriki katika mazoezi ya usafi wa mazingira na kuwataka kuendelea kuchukua tahadhari dhidi ya ugonjwa wa kipindupindu.

Mkuu wa Kitengo cha Usafi na udhibiti taka ngumu wa Halmashauri ya Jiji la Dodoma, Dickson Kimaro akiongea na mamia ya wakazi wa Kata ya Chamwino


Kauli hiyo ilitolewa na Mkuu wa Kitengo cha Usafi na udhibiti taka ngumu wa Halmashauri ya Jiji la Dodoma, Dickson Kimaro alipokuwa akiongea na mamia ya wakazi wa Kata ya Chamwino waliojitokeza kufanya usafi katika maeneo mbalimbali ya kata hiyo.

Kimaro alisema “nichukue nafasi hii kuwashukuru sana wakazi wa Kata ya Chamwino kwa jinsi mlivyojitokeza kwa wingi kufanya usafi katika eneo la makaburi ya Hijra na maeneo mengine ya kata. Tulichokifanya hapa ni ibada tosha kwa sababu tumesafisha eneo tulipowalaza ndugu zetu. Lakini niwapongeze kwasababu mmekuwa mkijitokeza kwa wingi kufanya usafi katika makazi na maeneo yanayowazunguka”.

Wakazi wa Chamwino wakishiriki zoezi la usafi


Akiongelea tahadhari ya ugonjwa wa kipindupindu aliwataka wakazi hao kuendelea kuchukua tahadhari. “Ndugu zangu, tuendelee kufanya usafi kwenye makazi yetu, amesema hapa mwenyekiti wetu kuwa tunatoa tahadhari kwa ajili ya ugonjwa wa kipindupindu. Na tumaini mmesikia kwenye vyombo vya habari kuwa ugonjwa wa kipindupindu upo katika baadhi ya maeneo nchini. Serikali imeshaanza kutoa tahadhari na halmashauri tunaendelea kusisitiza juu ya tahadhari hiyo. Ndugu zangu uwepo wa kipindupindu unatokana na uchafu na hasa kula kinyesi. Maana yake kuna sehemu usafi haukufanyika vizuri ukaacha nzi wakaingia kwenye vyakula na sisi tukala tukapata kipindupindu. Hivyo, jinsi ya kujikinga ni kufanya usafi kwenye makazi yetu” alisisitiza Kimaro.

Kwa upande wake Mkazi wa Kata ya Chamwino, Mwanaidi Juma alisema kuwa Halmashauri ya Jiji imejitahidi kutoa elimu juu ya usafi wa mazingira. “Niseme ukweli, suala la usafi na umuhimu wake tumeelezwa sana na halmashauri. Ni jukumu letu kufanya usafi wa mazingira. Natamani ifike wakati suala la usafi wa mazingira liwe ni utamaduni wetu na siyo kusubiri serikali kutuhamasisha kufanya usafi. Mfano bwana Kimaro kaongelea suala la kipindupindi, mtu akipata kipindupindu, inayoathirika ya kwanza ni familia yake na mtu akifa hawezi kurudi. Maana yake ni bora kuchukua tahadhari ya usafi ili tuendelee kuwa salama” alisema Juma. 

Usafi wa pamoja siku ya Jumamisi umefanyika katika Kata ya Chamwino ukihusisha maafisa waandamizi wa Halmashauri ya Jiji la Dodoma, mamia ya wakazi wa kata hiyo na Mbunge wa Jimbo la Urambo alikuwa sehemu ya washiriki.

Mbunge wa Urambo Mhe Magreth Sitta (kushoto) akifurahia jambo na Mkuu wa Kitengo cha Usafi na uthibiti wa taka ngumu Jiji la Dodoma, Dickson Kimaro baada ya kushiriki zoezi la usafi wa mazingira


MWISHO

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more