Jiji la Dodoma lakemea utapishaji maji taka

By Halmashauri ya Jiji la Dodoma


Na. Dennis Gondwe, CHAMWINO

HALMASHAURI ya Jiji la Dodoma imekemea tabia ya baadhi ya wakazi kutapisha vyoo kipindi cha mvua na kusababisha kinyesi kwenda kwenye maji yanayotumiwa na wananchi.




Maji taka


Kauli hiyo ilitolewa na Mkuu wa Kitengo cha Usafi na udhibiti wa taka ngumu, Halmashauri ya Jiji la Dodoma, Dickson Kimaro alipokuwa akiongea na mamia ya wakazi wa Kata ya Chamwino waliojitokeza kufanya usafi wa pamoja siku ya Jumamosi.

Kimaro alisema “kuna tabia imeibika kwa baadhi ya wakazi wa Kata ya Chamwino kutapisha vyoo. Ndugu zangu tabia hiyo halikubaliki kutapisha vyoo kwa sababu mvua inaponyesha inasomba kile kinyesi na kupeleka kwenye vyanzo vya maji. Maji hayo tunayatumia sisi wenyewe kwa matumizi ya kawaida. Nitumie nafasi hii kuwataka wenye tabia hiyo waache mara moja na tukikukamata tutakuchukulia hatua kwa mujibu wa sheria”.

Mkuu wa Kitengo cha Usafi na udhibiti wa taka ngumu, Halmashauri ya Jiji la Dodoma, Dickson Kimaro akitoa karipio


Alisema kuwa eneo la Kata ya Chamwino kuna mtandao wa maji taka wa Malmaka ya Majisafi na Usafi wa Mazingira Dodoma mjini (DUWASA). “Naomba pale mtakapoona kuna tatizo la mfumo wa maji taka mtoe taarifa mapema ili wenzetu waweze kulifanyia kazi. Maana tukiacha hivyo, itakuwa chanzo cha ugonjwa wa kipindupindu. Aidha, tunapokula chakula tule cha moto, tunawe mikono kwa maji na sabuni na hiyo ndiyo iwe tabia yetu. Tunafahamu usafi ni ustaarabu na unaanza na mimi” alisema Kimaro.

Wakati huohuo, alivitaka vikundi vya kuzoa taka katika maeneo mbalimbali ya Halmashauri ya Jiji la Dodoma kutimiza wajibu wao wa kuzoa taka kwenye makazi kwa wakati. “Nitoe wito kwa vikundi vya uondoshaji taka kwenye makazi ya watu kutimiza wajibu wao. Mimi sitasita kushauri kata kuondoa kikundi ambacho hakifanyi vizuru katika uondoshaji taka. Vikundi vyote tulivyovipa dhamana ya kuondoa taka kwenye makazi ya watu viondoshe taka na visiwe sababu ya kutusababishia ugonjwa wa kipindupindu kwenye makazi ya watu. Hatuwezi kukubali kipindupindu kutokea makao makuu ya nchi” alisisitiza Kimaro.

Kwa upande wake Mkazi wa Kata ya Chamwino, Mwanaidi Juma alisema kuwa Halmashauri ya Jiji la Dodoma imejitahidi kutoa elimu juu ya usafi wa mazingira. “Niseme ukweli, suala la usafi na umuhimu wake tumeelezwa sana halmashauri. Ni jukumu letu kufanya usafi wa mazingira. Natamani ifike wakati suala la usafi wa mazingira liwe ni utamaduni wetu na siyo kusubiri serikali kutuhamasisha kufanya usafi. Mfano bwana Kimaro kaongelea suala la kipindupindi, mtu akipata kipindupindu inayoathirika ya kwanza ni familia yake na mtu akifa hawezi kurudu. Maana yake ni bora kuchukua tahadhari ya usafi ili tuendelee kuwa salama” alisema Juma. 

Usafi wa pamoja siku ya Jumamisi umefanyika katika Kata ya Chamwino ukihusisha maafisa waandamizi wa Halmashauri ya Jiji la Dodoma, mamia ya wakazi wa kata hiyo na Mbunge wa Jimbo la Urambo alikuwa sehemu ya washiriki.



MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more