KAMATI YA SIASA MKOA WA DODOMA YAPONGEZA USIMAMIZI UJENZI SHULE YA MIYUJI B

By Halmashauri ya Jiji la Dodoma

Na. Dennis Gondwe, MIYUJI

KAMATI ya Siasa ya Mkoa wa Dodoma imepongeza usimamizi mzuri wa shule mpya inayojengwa ya Miyuji B iliyopo Kata ya Miyuji jijini Dodoma na kusema kuwa shule hiyo itawapunguzia hadha ya kutembea umbali mrefu wanafunzi.

Katibu wa CCM Mkoa wa Dodoma, Pili Mbaga akisisitiza jambo


Pongezi hizo zilitolewa na Katibu wa Chama Cha Mapinduzi Mkoa wa Dodoma, Pili Mbaga alipoongoza Kamati ya Siasa ya Mkoa wa Dodoma kutembelea na kukagua maendeleo ya ujenzi wa shule mpya ya Miyuji B inayojengwa Kata ya Miyuji.

Mbaga alisema “nimpongeze mkuu wa shule jirani ya Miyuji anayesimamia ujenzi wa shule hii kwa kazi nzuru na usimamizi mzuri. Hakika majengo ni mazuri na yanapendeza. Aidha, niwapongeze na wahandisi kwa kusimamia vizuri shule hii. Maeneo mengine wahandisi hawasimamii miradi ya ujenzi jambo linalopelekea miradi mingi kujengwa chini ya kiwango kwa kukosa usimamizi”.

Vilevile, kiongozi huyo wa Kamati ya Siasa ya Mkoa wa Dodoma alielezea kufurahishwa kwake kwa taarifa ya shule kutambua mchango wa nguvu za wananchi katika ujenzi wa shule hiyo.

Akisoma taarifa ya mradi wa ujenzi wa shule mpya Miyuji B, Mkuu wa Shule ya Sekondari Miyuji, Greyson Maige alisema kuwa shule hiyo inakwenda kuwaondolea hadha wanafunzi ya kutembea umbali mrefu na kufika shuleni kwa wakati. Faida za mradi huu utakapokamilika ni kuwasaidia wanafunzi watatembea umbali mfupi na kufika shule kwa wakati. “Faida nyingine ni kupunguza idadi ya wanafunzi Shule ya Sekondari Miyuji ilipo Kata ya Mnadani na kupunguza mimba za utotoni pamoja na utoro wa wanafunzi. Kwa upande wa walimu watakaa kwenye mazingira ya shule na hivyo kuongeza ufanisi katika utendaji kazi na kuwezesha mazingira mazuri ya kuishi kwa walimu” alisema Mwl. Maige.

Mwl. Greyson Maige akisoma taarifa ya ujenzi wa shule mpya ya Miyuji B


Akiongelea utekelezaji wa mradi huo alisema kuwa ulianza kutekelezwa Mwezi Agosti, 2023 baada ya taratibu zote za manunuzi kukamilika na ujenzi unatekelezwa kupitia mfumo wa “Force Account”. “Mradi huu unahusisha miundombinu ifuatayo:- Ujenzi wa vyumba vinane vya madarasa yenye ofisi mbili, jengo la utawala, maabara tatu na jengo la maktaba. Mingine ni jengo la Tehama, Vyoo vya wanafunzi matundu nane na tanki la maji la ardhini. Utekelezaji wa mradi umefikia asilimia 95 ikiwa kazi mbalimbali za umaliziaji zinaendelea ambazo ni upakaji rangi, marumaru na usafi” alisema Mwl. Maige.

Matumizi ya fedha za mradi alisema kuwa Shule ya Sekondari Miyuji ilipokea kiasi cha fedha shilingi 544,225,626 tarehe 30 Juni, 2023 kwa ajili ya ujenzi wa shule mpya katika Kata ya Miyuji iliyopo eneo la Mpamaa kupitia mradi wa SEQUIP (Mradi wa uboreshaji wa miundombinu ya elimu). “Mpaka sasa kiasi cha shilingi 468,225,626 kimetumika” alisema Mwl. Maige.

Awali Mkuu wa Wilaya ya Dodoma, Alhaj Jabir Shekimweri alisema kuwa eneo la ujenzi wa shule hiyo limechaguliwa kimkakati katika Halmashauri ya Jiji la Dodoma kwa kuwa katikati ya maeneo ya wananchi na karibu na eneo zitakapojengwa nyumba 3,500 na Wakala wa Ujenzi Tanzania.

Mkuu wa Wilaya ya Dodoma, Alhaj Jabir Shekimweri akielezea umuhimu shule hiyo 


“Niwapongezi Diwani wa Kata ya Miyuji na Mkuu wa shule ya Miyuji kwa usimamizi mzuri wa ujenzi wa shule hii. Tulishauri pia kisima kuchimbwa katika eneo kwa lengo la kupata maji ya uhakika. Jukumu la wazazi sasa ni kuwapeleka shule watoto wao na kutafsi elimu watakayoipata kwenye fursa ya ajira” alisema Alhaj Shekimweri.

Ikumbukwe kuwa Shule ya Sekondari Miyuji ipo Kata ya Mnadani ambayo inahudumia wanafunzi kutoka Kata ya Mnadani na Kata ya Miyuji. Idadi ya wanafunzi katika shule ya Sekondari Miyuji ni 1,467 kati yao wavulana ni 650 na wasichana ni 817 na ina walimu 65.




MWISHO

 

 

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more