DG TANESCO atembelea Banda la EWURA CCC, apongeza utendaji kazi

By Halmashauri ya Jiji la Dodoma

Na. Mwandishi wetu, DODOMA

Mkurugenzi Mtendaji wa Shirika la Umeme Tanzania (TANESCO), Lazaro Twange, amelipongeza Baraza la Ushauri la Watumiaji wa Huduma za Nishati na Maji (EWURA CCC), kwa mchango wake katika kupokea, kusaidia na kufuatilia utatuzi wa malalamiko ya watumiaji wa huduma za nishati na maji, hatua inayosaidia huduma zinazodhibitiwa na EWURA ikiwemo huduma ya umeme kuboreshwa kwa maslahi ya wananchi.


Twange ametoa pongezi hizo leo, Juni 19, 2026, baada ya kutembelea banda la EWURA CCC katika Maonesho ya Wiki ya Utumishi wa Umma yanayoendelea katika Viwanja vya Chinangali Park jijini Dodoma.

Akizungumza katika banda hilo, Twange amesema kazi inayofanywa na EWURA CCC ya kupokea, kusaidia na kufuatilia utatuzi wa malalamiko ya huduma za umeme imekuwa chachu ya maboresho ya huduma hiyo, ikiwemo kupungua kwa baadhi ya changamoto zilizokuwa zikilalamikiwa mara kwa mara.

“Tunatambua mchango mkubwa wa EWURA CCC katika kuwawakikisha wananchi na kufuatilia utatuzi wa changamoto zao. Malalamiko mnayotupatia yanatusaidia kutambua maeneo yanayohitaji maboresho na kuchukua hatua stahiki ili kuendelea kuwahudumia wananchi kwa ufanisi zaidi,” amesema Twange.

Kwa upande wake, Afisa Huduma kwa Wateja Mwandamizi wa EWURA CCC, Amani Mbogo, amesema idadi ya malalamiko yanayohusu TANESCO imeendelea kupungua ikilinganishwa na miaka iliyopita, ambapo sehemu kubwa ya malalamiko hayo yalihusiana na huduma za kuunganishiwa umeme.


EWURA CCC inaendelea kutekeleza majukumu yake ya kulinda na kutetea watumiaji wa huduma za nishati na maji kwa kutoa elimu kuhusu haki na wajibu wa mtumiaji, kupokea malalamiko ya watumiaji na kuwaelekeza utaratibu wa utatuzi wake.

Aidha, EWURA CCC imekuwa ikifuatilia malalamiko hayo ili kuhakikisha yanatatuliwa kwa wakati na mamlaka husika kwa ustawi wa watumiaji na kufanya huduma ziwe bora na endelevu.

 

Chanzo: Fullshangwe Blog

Comments

Post a Comment

Popular Posts

Ujenzi wa madarasa 3 S/M Mazengo kukamilika Julai, 2026

By Halmashauri ya Jiji la Dodoma
Image
Na. Mwandishi wetu, KIKUYU KASKAZINI   Uongozi wa Mtaa wa Kigamboni, Kata ya Kikuyu Kaskazini umepongeza kasi ya ujenzi madarasa matatu katika Shule ya Msingi Mazengo kwa gharama ya shilingi 71,373,640 kwa lengo la kuboresha mazingira ya wanafunzi kujifunzia na kuelekeza mradi huo kukamilika kwa wakati.   Pongezi hizo zilitolewa na Afisa Mtendaji Kata ya Kigamboni, Farijala Kunga alipoongoza wajumbe wa Serikali ya Mtaa wa Kigamboni na maafisa ugani wa Kata ya Kikuyu Kaskazini kutembelea na kukagua maendeleo ya ujenzi wa madarasa matatu katika Shule ya Msingi Mazengo. Alisema kuwa wameridhika na kasi ya ujenzi wa madarasa hayo ambayo yanatarajiwa kukamilika Mwezi Julai, 2026 kabla ya shule kufunguliwa. “Ni matumaini yangu kuwa ujenzi huu utakamilika kwa muda ulipangwa ili wanafunzi watakapofungua shule waweze kuyatumia. Madarasa haya ni utekelezaji wa ahadi ya Rais, kuleta tabasamu kwa wananchi, hapa ni wanafunzi na walimu watakaotabasamu” alisema Kunga. ...
Read more

Bodaboda Mtaa wa Kigamboni wanufaika na Kliniki ya kutatua kero

By Halmashauri ya Jiji la Dodoma
Image
Na. Mwandishi wetu, KIKUYU KASKAZINI MTAA wa Kigamboni umewatembelea maafisa usafirishaji kusikiliza changamoto zao na kuwaelezea fursa ya mikopo isiyo na riba ya asilimia 10 inayotolewa na Halmashauri ya Jiji la Dodoma kwa makundi ya vijana, wanawake na watu wenye ulemavu ili waweze kunufaika nayo. Akizungumza na maafisa usafirishaji wa Mtaa wa Kigamboni Kata ya Kikuyu Kaskazini, Afisa Mtendaji Mtaa wa Kigamboni, Farijala Kunga alisema kuwa serikali ina wajibu wa kuwatembelea na kuwasikiliza wananchi wake. “Leo Serikali ya Mtaa wa Kigamboni imewatembelea maafisa usafirishaji (waendesha bodaboda) katika Mtaa wa Kigamboni kusikiliza kero zao na kuzipatia ufumbuzi. Huu ni utekelezaji wa maelekezo ya serikali wa kuyafikia makundi mbalimbali kuyasikiliza na kutatua kero zao. Aidha, tumewaelezea fursa za mikopo ya asilimia 10 inayotolewa na halmashauri ya jiji la Dodoma kwa makundi ya vijana, wanawake na watu wenye ulemavu. Tumewapa elimu kuhusu manufaa ya kiuchumi ya mikopo hiyo ukiwa ...
Read more