Ujenzi wa miundombinu ya Barabara yarahisisha usafiri kwa wananchi Mtumba

By Halmashauri ya Jiji la Dodoma

Na. Leah Mabalwe, MTUMBA

Kata ya Mtumba yanufaika na ujenzi wa barabara pamoja na kalavati kwa gharama ya shilingi 73,000,000 kwa lengo la kurahisisha upatikanaji wa usafiri na usafirishaji katika eneo hilo.

Diwani wa Kata ya Mtumba, Edward Maboje

Hayo yalielezwa na Diwani wa Kata ya Mtumba, Edward Maboje alipokuwa akizungumza na waandishi wa habari waliotembelea kata hiyo kuona miradi ya maendeleo mbalimbali iliyotekelezwa na serikali kwa kipindi cha miaka minne.

Diwani Maboje alisema kuwa kata yake imepata miundombinu mizuri ambayo inasaidia usafiri kupatikana kwa urahisi. “Katika kata hii ya Mtumba tulikuwa na changamoto ya ubovu wa barabara kwa kiasi kikubwa, hususan barabara za Mtaa wa Vikonje pamoja na barabara kutoka Mtumba Kibaoni hadi Shule ya Msingi Mtumba na hali hii ilikuwa ikiwapa changamoto wakazi wa mtaa huo kwasababu hapo mwanzo mvua zilipokuwa zikinyesha watu walikuwa wakipata shida kuvuka na kwenda sehemu nyingine” alisema Maboje.

Aliongeza kuwa wananchi wa Kata ya Mtumba wanafuraha kubwa kupata miundombinu hiyo. “Serikali imetuletea jumla ya shilingi 73,000,000 kwaajili ya ujenzi wa barabara hizi. Niseme kwamba toka ujenzi huu wa kalavati pamoja na kutengeneza barabara uanze ingawa sio kwa kiwango cha lami imeweza kuwarahisishia wananchi kuvuka na kwenda sehemu nyingine kwaajili ya kufuata mahitaji na hata wasafirishaji wanaweza kusafirisha watu pamoja na bidhaa kiurahisi” aliongeza Maboje.



Kwa upande wake mwananchi Cosmas Kanjongo alisema kuwa anaishukuru serikali kwa kuwajengea barabara ambayo inawasaidia kusafiri kwa haraka. “Kutokana na ujenzi huu wa kalavati pamoja na barabara hapa kwetu, tumesaidika sana. Kwanza kabisa hili kalavati linatusaidia kwa msimu huu wa mvua hatukupata madhara makubwa kwasababu linaruhusu maji kupita kiurahisi kuelekea sehemu zingine. Na hii barabara ilivyoboreshwa inatusaidia kwasababu inapitika kiurahisi, tunaweza kupitisha mizigo yetu kuelekea barabara kubwa” alisema Kanjongo.

Naye Celina Chibada aliipongeza serikali kwa kutatua changamoto ya barabara ambayo imeleta msaada kwa wanawake na watoto wanaotumia barabara hiyo.  “Kabla ya ujenzi huu wa barabara kulikuwa hapapitiki na mvua zilivyokuwa zinanyesha pikipiki zilikuwa hazipiti, sisi wanawake na watoto tulikua tunateseka sana kupita. Kwa sasa tunaishukuru sana serikali kwa kutujengea hii barabara pamoja na kalavati tunanufaika nayo sana” alipongeza Chibada.



MWISHO

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more