SHIKUHA yatakiwa kutoa elimu ya haki za Abiria

By Halmashauri ya Jiji la Dodoma

Na. Asteria Frank, DODOMA

Shirika la Kutetea Haki za Abiria (SHIKUHA) latakiwa kuwapa elimu ya kutosha abiria kwa lengo la kutatua changamoto za usalama barabarani na kufanya abiria wajuwe haki na wajibu wao.




Kauli hiyo imetolewa na Mstahiki Meya wa Jiji la Dodoma, Prof. Davis Mwamfupe, katika mkutano uliofanyika ukumbi wa Rafiki Hoteli Dodoma alipomuwakilisha Mbunge wa Jimbo la Dodoma Mjini.

Prof. Mwamfupe alisema kuwa elimu itolewe wakati safari inapoanza ili abiria akipata sehemu ya kujitetea wanakuwa na amani na dereva akienda tofauti na sheria za barabarani waweze kutoa taarifa kuhusu tukio hilo kwa watu sahihi. “Rai yangu kubwa kama kuna kitu ambacho ningewahasa nyie kama shirika kulifanya hili basi ni kuwa na mpango mkakati na huo mpango utaonesha dira yenu kama mlivyosema kwenye risala na lakini mnataka kufikia wapi mwaka huu na je, tunapimaje viongozi maana nyie ni viongozi wa kitaifa kwa kutunza na kusaidia abiria” alisema Prof. Mwamfupe.

Mwenyekiti wa Taifa SHIKUHA, Solomon Nkiggi, alisema kuwa katika kipindi kifupi cha uwepo wa SHIKUHA imefanikiwa kwa kiasi kikubwa kuongeza uelewa wa abiria kuhusu haki na wajibu wao kwa kuwaelimisha abiria kupitia semina, mikutano na matangazo ya vyombo vya habari kwa baadhi ya mikoa. “Changamoto ni nyingi zinazowakabili abiria wetu ikiwemo kupanda kwa nauli isivyo rasmi, ukosefu wa huduma bora kwa baadhi ya maeneo pamoja na ukiukwaji wa haki za msingi za abiria. SHIKUHA imejipambanua kama daraja kati la abiria na watoa huduma za usafiri na serikali kwa lengo la kushughulikia changamoto hizi” alisema Nkiggi.

Kwa upande wake, Muhasisi wa Utetezi wa Abiria Tanzania, Hassan Mchangama, alisema kuwa SHEKUHA inatetea abiria wa nchi kavu na baharini na wamesimamia maeneo yote. Pia watawaelimisha abiria kujua haki zao mbalimbali kwa mujibu wa sheria za nchi ikiwemo za Latra, Usalama barabarani na kimataifa ikiwemo haki ya kupata fidia mtu anapopata ajali.

“Kwenye eneo la ajali kumekuwa na changamoto kubwa sana maana abiria wengi hawajui namna ya kufuatilia haki zao au baadhi ya sheria zimekuwa na changamoto. Matokeo yake abiria wengi nchini Tanzania wanafariki katika ajali, hawalipwi fidia na wanapata majeraha na hawapatiwi matibabu na wengine wanapoteza mali. Tunajua haki mbalimbali zimeimarishwa kutokana na sheria ikiwemo haki ya kusafiri salama” alisema Mchanjama.






MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more