DC Shekimweri ahimiza mpango wa lishe bora shuleni

By Halmashauri ya Jiji la Dodoma

Na. Aisha Ibrahim, DODOMA

Mkuu wa Wilaya ya Dodoma, Alhaj Jabir Shekimweri aliwataka wakuu wa shule na walimu wakuu kutekeleza mpango wa huduma ya chakula kwa wanafunzi wote shuleni ili kuhakikisha wanapata lishe bora jambo litakalopelekea kujifunza kwa ufanisi.


Mkuu wa Wilaya ya Dodoma, Alhaj Jabir Shekimweri 


Aliyasema hayo ofisini kwake wakati akihamasisha wazazi na walezi kujitokeza kwa wingi kuandikisha watoto shuleni katika ngazi ya awali na msingi pia wale wanaojiunga na kidato cha kwanza kwa mwaka wa masomo 2025.

Akisisitiza kuhusu mpango wa huduma ya chakula kwa wanafunzi shuleni, “……kuna uhusiano mkubwa sana kati ya ufaulu na lishe, mtoto ambaye hajashiba ni ngumu sana kumsikiliza mwalimu akamuelewa na akazingatia, ni tofauti na mtoto aliyepata chakula shuleni” alisema Alhaj Shekimweri.

Kwa upande wa wazazi na walezi katika Jiji la Dodoma walisema kuwa wamepokea vizuri mpango wa huduma ya chakula kwa wanafunzi shuleni ili kuhakikisha wanapata lishe bora ikiwa ni chachu ya maendeleo ya wanafunzi kiujumla.

Charles Maganya, mzazi kutoka Kata ya Ihumwa alisema kuwa mpango huo kama utatekelezwa vizuri utasaidia katika maendeleo ya watoto wawapo shuleni kwa sababu ili mtoto ajifunze ni lazima awe ameshiba na kuwa imara kimwili na kiakili. “Ni mpango mzuri na umepokelewa vizuri. Mpango huu kwa namna moja utakuwa ni chachu kubwa ya maendeleo ya watoto wetu shuleni kwa sababu watapata nafasi ya kusoma bila shida wakiwa wameshiba” alisema Maganya.

Akiongelea kuhusu kuhakikisha wanafunzi wanapata lishe bora shuleni, mkazi wa Kata ya Ipagala, Bathseba Njigo, alifafanua kuwa wao kama wazazi wanahakikisha wanaunga mkono jitihada hizo kwa kuchangia vyakula shuleni ili kuhakikisha watoto wanakaa darasani wakiwa wameshiba tayari kwa kupokea kile wanachofundishwa na walimu. “Uzuri ni kwamba shule nyingi zina utaratibu wa kuchangia chakula, sisi kama wazazi kwa nafasi yetu sehemu kubwa tunajitahidi kuunga mkono hizo jitihada ili watoto waweze kukaa darasani wakiwa wameshiba, waweze kupokea kile walimu wanachowapatia” alisema Njigo.

Aliongeza kuwa kuna baadhi ya wazazi hupuuzia jambo hilo wakidhania kuwa ni michango isiyokuwa na ulazima. Alisema kuwa wazazi hao hawawatendei haki watoto wao na wadau wengine wa elimu wanaoweka jitihada katika kuboresha elimu, ufaulu wa wanafunzi na taifa kwa ujumla.

Nae, mkazi wa Kata ya Ihumwa, Esther Yohana, aliwashauri wazazi na walezi kujitoa ipasavyo katika kuchangia vyakula na michango mingine kwa wanafunzi ili kuimarisha mpango wa lishe bora shuleni kwa sababu ni faida kwa wanafunzi, wazazi na taifa kwa ujumla. “Wazazi tuchangie kwa sababu ni faida watoto wetu na kwa taifa letu” alisema Yohana.

Wazazi, walimu na wadau wote wa elimu nchini wanatakiwa kushirikiana ipasavyo katika kuhakikisha wanafunzi wanapata mahitaji muhimu shuleni ikiwemo elimu bora na lishe bora ili kuimarisha afya zao kimwili na kiakili kwa lengo la kutengeneza nguvu kazi ya taifa imara.

MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more