Wataalam watumike kukuza mapato ya ndani

By Halmashauri ya Jiji la Dodoma

Na. Faraja Mbise, DODOMA

Mamlaka za Serikali za Mitaa zimetakiwa kuwajengea uwezo wa kimbinu na kuwatumia wataalam wa ndani ili kuongeza mapato ya ndani sambamba na kubuni miradi ya kimkakati yenye tija kwa maendeleo ya nchi.


Mkurugenzi wa Jiji la Dodoma, Dkt. Frederick Sagamiko akifafanua jambo kwa mfano


Hayo yalisemwa na Mkurugenzi wa Jiji la Dodoma, Dkt. Frederick Sagamiko alipokuwa akizungumza na Madiwani wa Halmashauri ya Wilaya ya Kyerwa, waliotembelea Dodoma kwa lengo la kujifunza na kuongeza wigo wa namna sahihi ya kuongeza mapato ya ndani kupitia miradi mbalimbali, katika ukumbi wa mikutano wa Halmashauri ya Jiji la Dodoma. “Hakuna mapato madogo na hakuna mradi mdogo, ila tunapoandaa miradi, tujiulize tunaandaa miradi yenye mfumo gani?. Kwahiyo, tunavyofikiri miradi, hata yenye mtazamo wa kibiashara lazima tufikirie kwenye kukua kwake. Hivyo, kila kitu kinaweza kikaanza kwenye udogo, kikakua na mapato yaleyale madogo tunaweza tukaanzisha miradi kwa mapato ya ndani. Nilichokuwa nataka kusema cha kwanza ni kutumia wataalam ili kutuongoza katika namna bora ya kutekeleza miradi hiyo” alisema Dkt. Sagamiko.

Akizungumza kuhusu ziara ya Madiwani kutoka Halmashauri ya Wilaya ya Kyerwa, aliwataka watumie fursa hiyo ya ziara ili kuongeza nguvu katika kutekeleza miradi. “Naomba ziara hii itumike kuwajenga, kuwaongezea nguvu zaidi, kwamba tulipo tunaweza kufanya pakubwa zaidi badala ya kuwakatisha tamaa, ni kweli tumekuja kujifunza miradi. Lakini kikubwa tumekuja kutanua fikra zetu, tupate matamanio ya mambo ya kwenda kufanya Kyerwa, kikubwa tumekuja kupanua wigo” alisisitiza Dkt. Sagamiko kwa kauli ya kutia moyo.

Aidha, aliwataka watumishi wa serikali kukubaliana na maeneo ambayo wamepangiwa kazi, hata kama yana miundombinu mibovu wasihame na kuwataka wao ndio wawe chachu ya maendeleo ya sehemu hiyo na kutokimbilia mijini. “Watumishi tuna ‘tendency’ ya kwenda mahali ambapo ni pazuri, lakini hatujui kwamba kuna watu walifanya kazi mahali pale kuwa pazuri. Dodoma ilikuwa kama Kyerwa, lakini kuna watu wakafanya kazi, hakuna sehemu yoyote kabla ya uhuru tukasema ilikuwa kama vile ilivyo, hata Kyerwa hayo maendeleo mnayoanza kuyaona, kasi imeongezeka baada ya kuwa wilaya. Sisi binadamu wengi tunakuwa wavivu wa kufikiri, wengi tunatamani kwenda kutumia vya wenzetu kuliko kutengeneza vile tunavyotamani sisi. Tunaona tunakuja kupata changamoto, watumishi hawashiriki kufanya ‘transformation’ ya maendeleo ili waweze kuyaweka matamanio ya sehemu wanayoishi” alisema Dkt. Sagamiko.

Sambamba na hayo, aliwaasa kusimamia miradi ambayo wanaianzisha ili iwe na matokeo chanya, kutumia mapato ya ndani kwa busara na kufanya uwekezaji popote pale nchini pasi na kuwa na mipaka.

Kwa upande wake, Mkurugenzi Mtendaji wa Halmashauri ya Wilaya ya Kyerwa, kutoka Mkoa wa Kagera, SACF. James John, aliipongeza Hamashauri ya Jiji la Dodoma kwa uthubutu wa kufanya mambo makubwa zaidi katika kutekeleza miradi mbalimbali ya maendeleo. Sanjari na hayo, alieleza sababu ya kuelekeza ziara yao katika Halmashauri ya Jiji la Dodoma. “Tumetembelea miradi kadha wa kadha, ambayo imejengwa katika namna tatu. Kwanza, mapato ya ndani, pili, fedha kutoka serikali kuu na tatu, kutoka ufadhili wa Benki Kuu ya Dunia. Kimsingi miradi yote imenivutia kwasababu inaonesha tija na hadhi, kilichonivutia zaidi ni mradi wa Shule ya Dodoma English Medium School, kwasababu inatumia mtaala wa lugha ya kingereza kufundishia. Kwanini, tumekuja Dodoma, ni kwasababu ya kuwaonesha madiwani uthubutu waliokuwa nao wenzetu katika Jiji la Dodoma. Jiji la Dodoma sio kuwa linapata mapato makubwa zaidi nchini Tanzania, lakini wamefanya mambo makubwa zaidi kuliko halmashauri nyingi, tulichokiona zaidi ni uamuzi na uthubutu wa wataalam na madiwani katika kutekeleza miradi ya maendeleo” alisema SACF. John.




Akiongelea mambo ambayo amejifunza katika ziara hiyo, Diwani wa Halmashauri ya Wilaya ya Kyerwa, Devota Biashara, alisema “katika miradi yote tuliyozunguka, nimevutiwa haswa na mradi wa shule, katika Halmashauri yetu ya Wilaya ya Kyerwa nasi tunampango wa kujenga shule itakayotumia mtaala wa kingereza kufundishia. Kwahiyo, nilipoona mradi huu unaendelea vizuri na tulipoolezwa, hakika nilifurahi na nilijifunza vitu vingi. Jambo lingine, nimejifunza uthubutu, tukitaka kuamua kitu tunakuwa waoga, lakini ziara hii imetujengea ujasiri”

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more