CCM yaridhishwa na miradi Jiji la Dodoma

By Halmashauri ya Jiji la Dodoma

Na. Dennis Gondwe, DODOMA

Chama cha Mapinduzi Mkoa wa Dodoma kimeridhishwa na utendaji kazi wa serikali baada ya kutembelea na kukagua miradi saba ya maendeleo yenye thamani ya shilingi 600,424,100,099 inayotekelezwa katika Halmashauri ya Jiji la Dodoma.

 

Mjumbe wa Halmashauri Kuu ya Chama Cha Mapinduzi Taifa, Donald Mejiti akiongea wakati wa majumuisho ya ziara ya Kamati ya Siasa ya CCM Mkoa wa Dodoma

Kauli hiyo ilitolewa na Mjumbe wa Halmashauri Kuu ya Chama Cha Mapinduzi Taifa, Donald Mejiti alipoongoza Kamati ya Siasa ya CCM Mkoa wa Dodoma kutembelea na kukagua utekelezaji wa miradi ya maendeleo inayotekelezwa katika Halmashauri ya Jiji la Dodoma.

 

Mejiti alisema kuwa kazi iliyofanyika ni kubwa na nzuri. Alisema kuwa timu yake imetembelea na kukagua miradi saba ya maendeleo yenye thamani ya shilingi 600,424,100,099 na kujiridhisha kuwa imetekelezwa kwa kiwango bora.

 

Aidha, alipongeza ushirikiano baina ya serikali na Chama Cha Mapinduzi kuwa ni mzuri. “Ndugu zangu tunapopita katika ziara zetu, pia tunaangalia uhusiano baina ya serikali na chama. Hapa Halmashauri ya Jiji la Dodoma uhusiano huo ni mzuri na ndiyo siri ya mafanikio. CCM hakuna sehemu tumeona tunakwamishwa na serikali. Kila mradi tulioukagua umejengwa vizuri na unavutia” alisema Mejiti.

 

Wakati huohuo, aliipongeza Halmashauri ya Jiji la Dodoma kwa kupunguza migogoro ya Ardhi. Alisema kuwa ushirikiano baina ya Ofisi ya Mkuu wa Mkoa wa Dodoma, Mkuu wa Wilaya ya Dodoma na Mkurugenzi wa Halmashauri ya Jiji la Dodoma umewezesha kupunguza migogoro ya Ardhi. “Miongoni mwa ushahidi ni kwamba malalamiko yanayokuja Ofisi ya CCM Mkoa wa Dodoma yamepungua sana. Ushahidi mwingine ni juhudi za Halmashauri ya Jiji la Dodoma kulipa fidia wananchi waliokuwa wakidai” alisema Mejiti.

 CCM 


Katika hatua nyingine Mbunge wa Jimbo la Dodoma mjini, Anthony Mavunde aliahidi kuchangia shilingi milioni 15 ujenzi wa nyumba ya Mkuu wa Shule ya Sekondari Zuzu na shilingi milioni tano ununuzi wa viti na meza kwa Shule ya Msingi Iyumbu.

 

Mkuu wa Wilaya ya Dodoma, Alhaj Jabir Shekimweri akitoa neno la utangulizi

Awali akimkaribisha Mjumbe wa Halmashauri Kuu ya Chama cha Mapinduzi Taifa, katika Wilaya ya Dodoma, Mkuu wa Wilaya ya Dodoma, Alhaj Jabi Shekimweri alimtaarifu kuwa timu yake ipo timamu katika kutekeleza miradi ya maendeleo na miradi yote ipo sawasawa. “Tunamshukuru sana Mheshimiwa Rais, Dkt. Samia Suluhu Hassan namna anavyotoa fedha za kutekeleza miradi ya maendeleo katika Wilaya ya Dodoma. Leo utatembelea miradi saba yenye thamani ya shilingi bilioni 600,424,100,099” alisema Alhaj Shekimweri.

 

Kamati ya Siasa ya CCM Mkoa wa Dodoma ilitembelea mradi wa ujenzi wa vyumba nane vya madarasa na matundu 10 ya vyoo Shule ya Sekondari Zuzu, ujenzi wa Hospitali ya Wilaya ya Dodoma, mradi wa ujenzi wa Barabara ya Mzunguko wa Nje, ujenzi wa Kiwanja cha Ndege cha Kimataifa Msalato, ujenzi wa Kituo cha Afya Ilazo, mradi wa Maji Nzuguni na ukarabati wa vyumba 10 vya madarasa Shule ya Msingi Iyumbu.

 
MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more