Mchengerwa: ALAT simamieni nidhamu ya Madiwani na Wakurugenzi

By Halmashauri ya Jiji la Dodoma

OR-TAMISEMI

Waziri wa Nchi Ofisi ya Rais, Tawala za Mikoa na Serikali za Mitaa, Mhe. Mohamed Mchengerwa amesema kushuka kwa nidhamu ya baadhi ya madiwani na wakurugenzi ni matokeo ya kulegalega kwa utendaji kazi wa Jumuiya ya Tawala za Mitaa Tanzania (ALAT).



Waziri Mchengerwa amesema jukumu la msingi la (ALAT) ni kuimarisha nidhamu na ushirikiano baina ya baraza la madiwani na watendaji wa serikali kuhakikisha wanaongea lugha moja katika kuwahudumia wananchi na kuwaletea maendeleo.

Amesema “Msingi wa uanzishwaji wa (ALAT) mwaka 1984, baba wa taifa Julius Kambarage Nyerere alikusudia mengi ambayo kama (ALAT) wakifanya vizuri leo, wataweza kutusaidia kuyaboresha na kutuweka sawa”

 

Waziri Mchengerwa ameyasema hayo katika kikao kazi kilicho wakutanisha wajumbe wa kamati tendaji ya Jumuiya ya Tawala za Mitaa Tanzania (ALAT) na viongozi wa juu wa OR – TAMISEMI na PPRA kilicholenga kujadiliana namna bora ya kuboresha utendaji kazi wa jumuiya hiyo.

 

Akizungumzia madai ya uwepo wa baadhi ya mifumo inayokwamisha manunuzi, Waziri Mchengerwa amesema wakati mwingine viongozi wa ngazi za juu wamekuwa wakichukua hatua za kinidhamu dhidi ya watumishi hasa wakurugenzi kwa madai ya kuchelewesha manunuzi ilihali wakati mwingine wakurugenzi wakikwamishwa na mifumo.

“Tumejikuta tunalazimika kuwaadhibu wakurugenzi, kumbe wakati mwingine makosa siyo yao ni ya mifumo ya manunuzi au pengine ni mipya kwao ama hawana elimu au uelewa wa kutosha kuhusiana na mifumo hiyo” alisema Waziri Mchengerwa

Ili kupata utatuzi wa hoja hizo za kimsingi zinazodaiwa kukwamisha utendaji kazi wa baadhi ya halmashauri, waziri Mchengerwa alimpa fursa afisa Mtendaji Mkuu wa Mamlaka ya Udhibiti wa Ununuzi wa Umma PPRA Bw. Eliakim Maswi kutoa ufafanuzi wa kina na elimu juu ya namna mifumo ya manunuzi inayotumiwa na serikali inavyopaswa kufanya kazi.

Akiongea kwa niaba ya wajumbe wa kamati hiyo mwenyekiti wa ALAT Taifa Mhe. Murshid Ngeze, amepongeza hatua ya kukutanishwa na watendaji wa juu wa OR – TAMISEMI na PPRA na kusema kuwa wamefarijika kukutanishwa na viongozi hao na kikao hicho ni mwanzo wa  kwenda kuonesha uimara wa serikali za mitaa na kuondoa kero ndogondogo ambazo zinamchukiza  Mheshimiwa Rais Dkt. Samia Suluhu.

 Chanzo: https://www.tamisemi.go.tz

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more