Wazazi watakiwa kutowafisha wanafunzi wenye ulemavu Dodoma

By Halmashauri ya Jiji la Dodoma

Na. Leah Mabalwe, DODOMA MAKULU

 

Mkuu wa Wilaya ya Dodoma, Alhaji Jabir Shekimweri amewataka wazazi kutowaficha watoto wenye uhitaji maalum na badala yake kuwapeleka shule kwa sababu nao wanatakiwa kupata elimu iliyo bora.

 

Mkuu wa Wilaya ya Dodoma, Alhaj Jabir Shekimweri akikagua kazi za watoto wenye mahitaji maalum

Kauli hiyo aliitoa alipokuwa akiongea na Jumuiya ya Shule ya Msingi Dodoma Viziwi alipofanya ziara ya kawaida kutembelea shule hiyo iliyopo katika Halmashauri ya Jiji la Dodoma.

 

Alhaji Shekimweri alisema kuwa kila mzazi anatakiwa kumpeleka mtoto wake shule hata kama anaulemavu kwasababu ni haki yake ya msingi. “Nitoe kauli hii kwa wazazi wote, kila mtoto asiachwe nyuma, kila mtoto ananafasi ya kupata elimu na sio elimu tu na baadae kuweza kuitumikia nchi katika nafasi mbalimbali. Wazazi wote wasifiche watotot wao wenye changamoto wakakosa nafasi ya kusoma, sio tu mnakuwa hamuwatendei haki watoto bali hamjitendei haki nyie kama wazazi. Wapo wazazi ambao wanawaficha watoto wao wenye ulemavu na kuwapendelea wasio kuwa na changamoto hizo, msifanye hivyo, kwa sababu hakuna ajuae mpango wa Mwenyezi Mungu” alisema Alhaji Shekimweri.

 


Aidha, mkuu huyo wa wilaya aliwataka wanafunzi wa shule hiyo kuendelea kuwa na nidhamu na kufuata taratibu zilizowekwa na kuwasikiliza wanaosimamia taaluma. “Na niendelee kuwaomba wanafunzi wote wanaosoma katika shule hii kuendelea kuwa na nizamu, kuendelea kufuata taratibu za kuishi kwenye maeneo rasmi kama hapa, kuendelea kuwasikiliza wanao simamia taaluma pamoja na nidhamu na wanafanya haya yote kwa manufaa yenu ninyi wenyewe, manufaa ya nchi yetu na manufaa ya wazazi wenu. Nawaomba muwe na nidhamu na msome kwa bidii na kila mmoja aweke malengo makubwa na mwisho wasiku kuyafikia malengo yake’’ alisema Alhaji Shekimweri.

 

Mkuu wa wilaya aliwashukuru walimu wote wa Shule ya Msingi Dodoma Viziwi kwa kuwa na moyo wa kujitoa kwaajili ya watoto wenye uhitaji maalumu. “Nawashukuru sana walimu wote mnaofundisha katika shule hii, tunawashukuru sana kwa kazi kubwa na nzuri mnayoifanya. Mimi naamini kukaa na watoto wa namna hii inabidi uwe na moyo wa upendo na kujitoa sana, mnafanya kazi nzuri sana na nazidi kuwaombea muwe na moyo huohuo wa upendo kwa watoto na Mwenyezi Mungu atawabariki sana” alisisitiza Alhaji Shekimweri.


Awali Mwalimu Mkuu wa Shule ya Msingi Dodoma Viziwi, Mwl. Awadhi Mbogo akiwasilisha taarifa ya shule ya shule hiyo kwa mkuu wa wilaya alisema kuwa shule hiyo ilipanga kuandikisha wanafunzi 12 wa elimu awali na wanafunzi 24 wa darasa la kwanza. “Mpaka sasa tumeandikisha wavulana saba na wasichana sita jumla 13 kwa darasa la kwanza na darasa la awali wavulana watano na wasichana wanne jumla tisa. Hivyo, kufanya jumla ya walioandikishwa mwaka 2024 kuwa 22 kati ya 34 ya lengo sawa na asilimia 61. Tunaendelea kutoa elimu katika jamii kwa kutembelea shule na mitaa mbalimbali ili kuhakikisha tunafikia lengo la uandikishaji kwa asilimia 100” alisema Mwl. Mbogo.



Shule ya Msingi Dodoma Viziwi ilianzishwa mwaka 2005 ikiwa na jumla ya wanafunzi watano lengo likiwa ni kutoa fursa ya elimu kwa watoto wenye mahitaji maalum (viziwi).

 

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more