DC Shekimweri awataka wazazi kuwa karibu na watoto wao

By Halmashauri ya Jiji la Dodoma

Na. Arafa Waziri, DODOMA MAKULU

Mkuu wa Wilaya wa Dodoma, Alhaji Jabir Shekimweri aliwataka wazazi kuwa karibu na watoto wao ili kuwaepusha  na vitendo vya kikatili ili wawe katika mazingira salama.

 

Mkuu wa Wilaya wa Dodoma, Alhaji Jabir Shekimweri akiongea na walimu na wazazi 


Aliyasema hayo wakati alipotembelea Shule ya Msingi Kisasa na kuongea na walimu na wazazi shuleni juu ya masuala ya kupinga ukatili wa kijinsia na uelimu kwa ujumla.

Alhaj Shekimweri alisema kuwa ukatili wa kijinsia hutokea katika familia kutokana na kuaminiana sana baina ya wanafamilia. “Upo ukatili wa kijinsia, tafiti zinaonesha ukatili wa kijinsia kwa watoto asilimia kubwa wanafanyiwa na ndugu wa karibu Dunia imebadilika sana hivyo, nawasisitiza hatuna budi kuchukua tahadhari katika kuwaangalia watoto kwa karibu’’ alisema Shekimweri.

Alisema kuwa ni vema wazazi kufuatilia mienendo ya watoto wao kwa kuangalia watu wanaokutana na kuhusiana nao ili kubaini kama wanafaa kumjenga mtoto huyo kitaaluma. “Kijana wako ana marafiki gani anaokutana nao, wanaokuja nyumbani anamsaidia ama anampotosha mtoto wako?. Kwahiyo, niwaombe kama mzazi kuangalia marafiki wenye mchango wa watoto katika taaluma ya mtoto” alisema Alhaj Shekimweri.

Vilevile, alisisitiza wazazi kusimamia maadili ya watoto na kuepuka kuwapa adhabu kali ambazo zinasababisha kuathirika kisaikolojia. “Ukatili mwingine una athiri katika maendeleo ya mtoto kielimu, ni wajibu kama wazazi kusimamia maadili na kuwapa adhabu za kumfanya mtoto kujua amekosea na sio adhabu za kumuumiza mtoto kiasi cha kutoelwa darasani” alisema Shekimweri.

Kwa upande mwingine, aliwataka walimu kumaliza silabasi kwa wakati ili wanafunzi wapate muda mzuri wa kujisomea. Kumaliza silabasi mapema pia kunawapa nafasi wanafunzi kufanya mazoezi kwa ajili ya kujiandaa na mitihani. “Walimu kukamilisha silabasi mapema ili watoto wafanye mazoezi mapema na kufaulu kwa watoto ni matokea ya watoto kufanya mazoezi na kuzoea mitihani. Hivyo, ni bora walimu kumaliza silabasi mapema ili kuwe na muda mrefu wa wanafunzi kujisomea’’ alisisitiza Shekimweri.

Nae Mwalimu Mkuu wa Shule ya Msingi Kisasa, Mwl. Jesca Mwarabu wakati akisoma taarifa ya shule yake alisema kuwa imeendelea kufanya vizuri kwa upande wa taaluma kwa mitihani ya ndani pamoja na mitihani ya kitaifa.  Kwa miaka mitatu mfululizo shule imekuwa ikifaulisha kwa asilimia 99.

Walimu, wazazi pamoja na walezi wanamchango mkubwa katika kumkuza mtoto katika maadili na taaluma bora hivyo ni wajibu wao kushirikiana na hatimae kuwa na jamii bora.

 

MWISHO

 

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more