ELIMU JUMUISHI KUTOA FURSA KWA WATOTO WENYE MAHITAJI MAALUM KUSOMA JIJI LA DODOMA

By Halmashauri ya Jiji la Dodoma

Na. Dennis Gondwe, DODOMA

SERIKALI ya Jamhuri ya Muungano wa Tanzania imepongezwa kwa kujali elimu jumuishi katika shule za awali na msingi katika Halmashauri ya Jiji la Dodoma na kutoa fursa kwa watoto wengi kusoma.


Mwanafunzi akisaidiwa na Mkuu wa Divisheni ya Elimu Awali na Msingi, Prisca Myalla (kulia) na Mkuu wa Seksheni ya Elimu Maalum, Issa Kambi (kustono)


Pongezi hizo zilitolewa na Mkuu wa Divisheni ya Awali na Msingi wa Halmashauri ya Jiji la Dodoma, Mwl. Prisca Myalla alipoongoza zoezi la kutoa kadi za bima za afya na vifaa kwa wanafunzi wenye mahitaji maalum katika Shule ya Msingi Mlezi iliyopo katika Halmashauri ya Jiji la Dodoma.

Mwl. Myalla alisema “siku ya leo ni siku jumuishi ya kuhimiza elimu jumuishi kwenye shule zetu. Tunamshukuru Rais, Dkt. Samia Suluhu Hassan anaendelea kulisimamia hilo kwenye shule zetu kama ambavyo leo tumekusanyika hapa kugawa vifaa kwa wanafunzi wetu wenye mahitaji maalum kwa shule nane zilizopo katika Halmashauri ya Jiji la Dodoma. Tunaona kabisa ana nia ya dhati kuhakikisha na watoto wetu wenye mahitaji maalum wanapata elimu iliyo sawa na watoto ambao hawana mahitaji maalum”.

Alisema kuwa Wizara ya Elimu, Sayansi na Teknolojia imeandaa kadi za bima za afya 49 kati ya 100 kwa ajili ya kupata huduma za kiafya kwa wanafunzi wenye mahitaji maalum. “Ofisi ya Rais Tawala za Mikoa na Serikali za Mitaa imeandaa vifaa vya kufundishia na kujifunzia ili nao wapate elimu iliyo bora kwa watoto wetu wenye mahitaji maalum kupitia shule zetu zilizopo katika Halmashauri ya Jiji la Dodoma. Tunawashukuru wadau kwa kutoa vitimwendo kwa wanafunzi wetu wenye ulemavu. Tunatarajia wadau wa namna hii kuendelea kuiunga mkono halmashauri yetu. Huu ndiyo ushirikiano wa taasisi binafisi na serikali katika kuunga mkono maendeleo ya nchi yetu kupitia elimu” aliongeza Mwl. Myalla.

Akisoma taarifa fupi ya elimu maalum, Mkuu wa seksheni ya Elimu Maalum, Mwl. Issa Kambi alisema “tunaishukuru serikali ya awamu ya sita, kupitia Ofisi ya Rais, Tamisemi kwa kutenga kwenye bajeti ya mwaka 2023/2024 jumla ya shilingi 323,366,172 kwa ajili ya chakula cha wanafunzi wenye mahitaji maalum. Kila mwezi tunapokea jumla ya shilingi 26,947,181 kupitia ruzuku zinazoingizwa katika shule zenye wanafunzi wenye mahitaji maalum”.

Alisema kuwa katika bajeti ya Halmashauri ya Jiji la Dodoma kupitia fedha za uendeshaji imetenga jumla ya shilingi 26,460,000 kwa ajili ya shughuli mbalimbali na ununuzi wa vifaa visaidizi na vifaa vya kufundishia na kujifunzia wanafunzi wenye mahitaji maalum.

Akiongea kwa niaba ya maafisa elimu kata wa Halmashauri ya Jiji la Dodoma, Afisa Elimu Kata ya Hazina, Mwl. Zaituni Mkoyi alisema “kwa niaba ya maafisa elimu kata wa shule hizi nane ambazo tumekutana hapa, naishukuru serikali na wizara zake kuona umuhimu na kuwajali watoto hawa ambao ni kundi maalum.  Nipongeze wazazi kuendelea kuwaleta watoto ili waweze kupata elimu ambayo ni haki yao. Niombe muwe chachu na ushawishi kwa wazazi wengine ambao bado wanaendelea kuwaficha watoto kama hawa”.

Mzazi wa mwanafunzi mwenye mahitaji maalum, Hincha Kweji alisema kuwa walimu wanaofundisha watoto wenye mahitaji maalum wanaupendo mkubwa. “Walimu hawa wamekuwa ni elimu kubwa sana kiasi kwamba wazazi tumefika mahali tukawapenda watoto wetu, ina maana walimu wametufundisha kuwapenda watoto wetu wenye mahitaji maalum” alisema Kweji.

Ikumbukwe kuwa Halmashauri ya Jiji la Dodoam ina jumla ya shule 61 zinazopokea watoto wenye mahitaji maalum, kati ya shule hizo 10 ni vitengo vya watoto wenye mahitaji maalum na moja ni maalum na shule 50 ni jumuishi. Jiji likiwa na wanafunzi 1,056 wenye mahitaji maalum.

MWISHO


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more