Soko la Sabasaba kuongozwa kwa misingi ya uongozi bora

By Halmashauri ya Jiji la Dodoma

Na. Nancy Kivuyo, DODOMA

Kaimu Mkuu Divisheni ya Viwanda, Biashara na Uwekezaji Halmashauri ya Jiji la Dodoma, Abdul Chacha amewaasa viongozi wa Soko la Sabasaba kuzingatia weledi katika kufanya kazi zao ili kuiishi dhana ya uongozi bora.



Aliyasema hayo katika mafunzo waliyoandaa kwa viongozi wa Soko la Sabasaba yaliyofanyika katika Ukumbi wa Kituo kikuu cha Mabasi Dodoma.

Alisema kuwa sifa mojawapo kubwa ya kiongozi bora ni yule mwenye kuzingatia katiba au muongozo wa ushirika ili aweze kutenda haki. “Kiongozi bora ni yule anayejua namna ya kutuimia katiba vizuri. Labda niulize hapa, Katiba ya ushirika ipo? Kama ipo, je ilitumika wakati ule matatizo yameanza kutokea? Jibu litakua hapana. Nipende kuwaambia kuwa, ukiijua vizuri katiba na miongozo, ni rahisi sana Kutenda haki kwasababu utatenda haki kwa kuzingatia taratibu na hakuna atakayelalamika kuwa ameonewa” alisema Chacha.

Aliongeza kuwa zipo sifa zaidi ya 25 za kiongozi bora ambapo kila kiongozi wa soko la sabasaba anapaswa kuzifahamu na kujijengea uwezo ili kufanya kazi kwa weledi. “Leo tutajadiliana hizi sifa za kiongozi bora kwa pamoja. Ni muhimu kuzifahamu ili kujiboresha hata katika utendaji wenu. Jitafakari sana kama huwezi kuwa mbunifu au mtatuzi wa changamoto jua kuwa kuwaongoza watu itakua tatizo kwako. Ndiyo maana leo tupo hapa kukumbushana namna kiongozi bora anapaswa kuwa hususan kwa watu waliowachagua” aliongeza Chacha.



Nae, Mratibu wa Dawati la Wajasiriamali Mkoa wa Dodoma, Veronica Tarimo alisema kuwa mafunzo yaliyowakutanisha viongozi wa Soko la Sabasaba yatakua chachu ya mabadiliko kwa uongozi huo mpya ambao una miezi mitatu tangu kuchaguliwa kwao. “Ni matumaini yangu kuwa mafunzo haya ya kuwajengea uwezo namna ya kuongoza masoko na namna ya kuratibu masoko utawasidia. Tumewapatia pia elimu ya kulipa kodi kupitia mfumo wa tausi. Yote haya yataleta tija na bila shaka uongozi huu utafanya vizuri na kuwa wa tofauti” alisema Tarimo.



Kwa upande mwingine Afisa Maendeleo ya Jamii katika Halmashauri ya Jiji la Dodoma, Jumanne Sinoni alichagiza kwa kutoa elimu ya upatikanaji wa mikopo ya asilimia 10 inayotolewa na halmashauri na kuwaalika viongozi hao kuelimisha wafanyabiashara kuchangamkia fursa. “Mikopo ya asilimia 10 inayotolewa na halmashauri ina tija sana katika kukuza biashara, tuna mikopo ya makundi matatu ya wanawake, vijana na watu wenye ulemavu. Ninyi viongozi mliopo hapa mkahamasishe akina mama, vijana wenu na watu wenye ulemavu wajiunge kwenye vikundi ili waje halmashauri wapate mikopo itakayo wakwamua kiuchumi” alisema Sinoni.    



Mafunzo hayo yamefanyika katika Ukumbi wa Kituo kikuu cha Mabasi Dodoma yakiratibiwa na Divisheni ya Viwanda, Biashara na Uwekezaji Halmashauri ya Jiji ya Dodoma kwa lengo la kuwajengea uwezo viongozi wa Soko la Sabasaba kufanya kazi kwa weledi na kwa kuzingatia sifa za uongozi bora.

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more