Barabara ya Lami ya Kilometa 6 yawanufaisha wakazi wa Kata ya Miyuji

By Halmashauri ya Jiji la Dodoma

Na. Abdul Juma, MIYUJI

Diwani wa Kata ya Miyuji, Beatrice Ngerangera amesema ujenzi wa Barabara ya kilometa sita ya kutoka Miyuji hadi Ipagala umesaidia kufikisha huduma za kijamii kwa wananchi na kuharakisha usafiri katika mazingira bora na salama.



Kauli hiyo aliiotoa alipokuwa akiwaelezea waandishi wa habari mafanikio ya serikali ya awamu ya sita kwa kipindi cha miaka minne katika Kata ya Miyuji.

Ngerangera alisema kuwa kilio kikubwa cha wananchi wa Miyuji ilikuwa ni barabara. “Nitumie fursa hii kumshukuru Rais wa Jamhuri ya Muungano wa Tanzania, Dkt. Samia Suluhu Hassan katika utawala wake, Kata ya Miyuji imepata mambo mengi mazuri hasa ujenzi wa Barabara. Hapo zamani ilikuwa ni vigumu kupita kwenye barabara hii ila hivi sasa tunapita kwa amani. Mradi wa barabara hii yenye urefu wa kilomita sita, inaunaganisha kati ya Kata ya Miyuji na Ipagala. Hivyo, umegharimu kiasi cha shilingi bilioni 6.7. Awali wananchi walikuwa wakipata taabu wakati wa mvua. Mimi, najisikia vizuri, kipekee nimpongeze mama, rais wa wanyonge kwakuwa amesikia kilio chetu niseme Mungu ambariki sana”.




Akiongelea faida za barabara hiyo alizitaja kuwa ni kuondoa changamoto ya kina mama kujifungulia njiani. “Hakuna kuharibika kwa vyombo vya usafiri, pia ajali zimepungia, zamani watu walikuwa wanafia njiani kwasababu ya ubovu na ufinyu wa barabara wakiwa wanafuata huduma ya afya katika hospitali ya St. Gemma” alisema.

Nae Mwenyekiti wa Mtaa wa Miyuji Proper, Hawardi Mbogela aliipongeza serikali ya awamu ya sita na Mbunge, Anthony Mavunde kwa kuweza kutimiza ahadi ya kuwajengea barabara yenye kiwango cha lami. “Rais wetu amekuwa akisikiliza sana kilio cha wananchi wake, sisi kama viongozi wa kata hii tulikaa pamoja na diwani tukawasilisha suala hili kwenye uongozi wa juu, hatimae limetekelezwa kwa asilimia miamoja. Hivyo, nimpongeze Rais mama Samia na mbunge wetu Mavunde bila kusahau Diwani wa Miyuji, Beatrice” alisema Mbogela.

Kwa namana nyingine wakazi wa Kata ya Miyuji waliweza kueleza ni kwa namna gani wamefurahi kwa kutekelezwa kwa mradi huo wa ujenzi wa barabara katika kata yao kwasababu mradi huo umekuwa fursa katika kata yao.

Akizungumza mkazi wa Miyuji Proper, Maria Juma aliishukuru serikali kwa kusikiliza malalamiko yao kwa kuwajengea barabara iliyowaunganisha na Kata ya Ipagala. “Kwa kweli tunamshukuru Mungu kwaajili ya barabara hii. Pia Rais wa Jamhuri ya Muungano wa Tanzania, kwa sababu barabara hii imetunufaisha sisi wananchi wa Miyuji. Kabla ya barabara hii hali ilikuwa mbaya hapa katika kata yetu kulikuwa na makorongo hata wananchi wengine walifia njiani na kujifungulia wakiwa wanaenda katika Hospital ya St. Gemma kupata huduma,” alisema Juma.

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more