Dodoma Jiji FC, Fiti Kuwavaa Wajelajela

By Halmashauri ya Jiji la Dodoma

Na. Mussa Richard, DODOMA

Klabu ya Soka ya Dodoma Jiji FC, imejiandaa kuwakabili Klabu ya soka ya Tanzania Prisons katika muendelezo wa mbilinge mbilinge za duru ya pili ya Ligi kuu ya NBC Tanzania bara hapo kesho katika dimba la Jamhuri Dodoma.




Akizungumza katika mkutano na waandishi wa habari kuelekea mchezo wa Tanzania Prisons, Kocha Mkuu wa Dodoma Jiji FC,  Meck Mekisime alisema “Timu ipo tayari na tumejiandaa vizuri tukijua kuwa mchezo utakua mgumu kwasababu wapinzani wetu wametoka kupoteza michezo miwili mfululizo. Kwahiyo, sisi kama klabu tupo tayari kupambana na kuhakikisha alama tatu zinabaki Dodoma na niwaombe mashabiki na wanadodoma kwa ujumla kesho waje kwa wingi uwanjani kuja kuwaunga mkono wachezaji na kuwafariji kutokana na kile kilichotokea siku kadhaa zilizopita, jambo ambalo litawaongezea nguvu wachezaji kuipambania timu huku wakijua kuna namba kubwa ya watu jukwaani inawaunga mkono”.

Nae, Augustin Nsata, Nahodha wa klabu ya Dodoma Jiji FC, akaelezea hali ya utimamu wa wachezaji kuelekea katika mchezo huo. “Kama wachezaji morali ni kubwa na tupo salama kiakili na kimwili kuelekea katika mchezo huo, na kila mchezaji anautaka mchezo na yupo tayari kuipambania nembo ya klabu, kikubwa tuwaombe mashabiki waje kwa wingi uwanjani kutuunga mkono vijana wao ili kwa pamoja tuhakikishe tunashinda mchezo huu na kuendelea kujiweka katika nafasi nzuri katika msimamo wa ligi na kila mchezo kwasasa kwetu ni fainali” alisema Nsata.

Kuelekea mchezo huo Dodoma Jiji FC, imeanzisha kaulimbiu inayoitwa Mchezo wa Shukrani ambapo Dodoma Jiji FC, itatumia mchezo huo kumshukuru Mungu kutokana wachezaji wake, maafisa na benchi lake la ufundi kunusurika katika ajali waliyoipata wiki iliyopita wakati timu ikitokea mkoani Lindi ambapo ilitoka kulazimishwa sare na Namungo FC.





MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more