Wasimamizi wa vituo vya kupigia kura Waaswa kuviishi viapo vyao

By Halmashauri ya Jiji la Dodoma

Na. Faraja Mbise, DODOMA

Wasimamizi wa vituo vya kupigia kura katika Halmashauri ya Jiji la Dodoma wameaswa kuviishi viapo vyao walivyoapa ili wawe na muongozo mzuri pindi watakapokuwa katika vituo vyao vya kazi ifikapo tarehe 27 Novemba, 2024.


Msimamizi wa Uchaguzi wa Serikali za Mitaa wa Halmashauri ya Jiji la Dodoma, Dkt. Frederick Sagamiko wakati akifungua semina 


Hayo yalisemwa na Msimamizi wa Uchaguzi wa Serikali za Mitaa wa Halmashauri ya Jiji la Dodoma, Dkt. Frederick Sagamiko alipokuwa akifungua semina ya wasimamizi wa vituo vya kupigia kura iliyofanyika katika ukumbi wa mikutano wa Halmashauri ya Jiji la Dodoma uliopo Mji wa Serikali Mtumba.

“Mtaenda kuapishwa, naomba mkaishi kiapo mtakachokipata, ili iwe dira na ndio yawe makatazo ya mambo ya kutokufanya wakati wa usimamizi” alisisitiza Dkt. Sagamiko.

Akiongelea kuhusu kanuni na taratibu za Uchaguzi wa Serikali za Mitaa, aliwasisitiza wasimamizi wa vituo vya kupigia kura, kufuata kanuni za uchaguzi za mwaka huu 2024, kwasababu ni tofauti na kanuni za uchaguzi uliopita. Hivyo, aliwataka kuwa makini ili wasifanye makosa ifikapo tarehe 27 Novemba, 2024. “Najua wapo waliowahi kusimamia Uchaguzi wa Serikali za Mitaa mwaka 2019, Naomba niwaambie tunahitaji kuongeza umakini na usikivu wakati huu wa mafunzo, hata kama ulikuwa umesimamia mwaka 2019, uchaguzi huu ni wa mwaka 2024 na haujawahi kufanyika popote, utafanyika tarehe 27 Novemba, 2024. Na kama ni wafuatiliaji yapo mengi ya tofauti kati ya chaguzi za Serikali za Mitaa na Uchaguzi Mkuu. Moja ya tofauti ni mabadiliko ya kanuni. Kanuni zilizotumika katika uchaguzi wa 2019 na chaguzi nyingine kabla ya hapo ni tofauti sana na kanuni zinazotumika mwaka huu. Hivyo, niwasihi muongeze umakini katika kusikiliza ili tusiende kuharibu siku hiyo. Bahati nzuri wengi wenu ni walimu na miongoni mwenu mlishawahi kusimamia kazi maalumu na sisi tunasema miongoni mwa mambo ambayo hautakiwi kucheza nayo mojawapo ni uchaguzi, nafikiri ni miongoni mwa yale mambo makuu ambapo ukipata nafasi ya kushiriki unakosa usingizi ni pamoja na uchaguzi. Uchaguzi unatoa hatima ya usalama na utulivu wa taifa letu. Maendeleo ya sehemu yoyote yanategemea sana hali ya usalama katika eneo husika” alisema Dkt. Sagamiko.

Akiongelea kuhusu sifa na vigezo vilivyotumika kuchagua wasimamizi wa vituo vya kupigia kura, alikanusha madai ya kuwa wasimamizi hao walichaguliwa kwa upendeleo. “Leo mtapata mafunzo mafupi lakini pia zoezi kubwa la kuapishwa, kuwa rasmi kwenda kusimamia vituo vyetu kwa siku ya uchaguzi. Ninajua wapo wenzenu ambao waliwauliza kwanini mimi nimekosa na wewe umepataje? wengi wanaweza wakahisi kwamba kuna watu juu yenu waliofanya muwe hapo lakini niwahakikishie ni sifa zenu ndizo zilizowafanya muwe hapo” alisisitiza Dkt. Sagamiko.

Aidha, aliwapongeza wasimamizi wa vituo vya kupigia kura kwa kuchaguliwa kuwa miongoni mwa wasimamizi wa vituo siku ya Uchaguzi wa Serikali za Mitaa. “Niwapongeze sana kwa kupata nafasi ya kuteuliwa kuwa miongoni mwa wasimamizi wa vituo siku ya tarehe 27 Novemba, 2024 kwa ajili ya Uchaguzi wa Serikali za Mitaa. Jiji la Dodoma lina watumishi takribani 5,000 tano ‘plus’ na mliobahatika takribani 1,450 na, mnaweza mkaona ni namna gani mchujo ulikuwa mgumu, lakini niwaambie tu ni kutokana na weledi wenu, sifa zenu na uzalendo wenu kwa taifa letu, ndio maana leo mpo hapa kwa ajili ya kupata mafunzo mafupi lakini kwa tukio kubwa kabisa la kuapishwa” alipongeza Dkt. Sagamiko.

MWISHO

Comments

Post a Comment

Popular Posts

Mfumo wa Ufuatiliaji na Tathmini ni nyenzo ya utendaji kazi serikalini – Dkt. Biteko

By Halmashauri ya Jiji la Dodoma
Image
Na. Mwandishi Wetu, Naibu Waziri Mkuu na Waziri wa Nishati, Dkt. Doto Biteko, amehitimisha Kongamano la Nne la Kitaifa la Ufuatiliaji, Tathmini na Kujifunza lililofanyika jijini Mwanza akiweka mkazo kuwa mfumo wa ufuatiliaji na tathmini ni nyenzo muhimu katika kuhakikisha kuwa kila taasisi inatimiza wajibu wake kwa ufanisi na hivyo kufikisha huduma bora kwa wananchi. Kutokana na hilo, Dkt. Biteko amewataka Wataalam wa Ufuatiliaji na Tathmini nchini kufanya kazi kwa uaminifu na uadilifu bila kuogopa kuchukiwa kwani taifa linawategemea ili kuweza kutoa huduma bora kwa wananchi. “Hakuna mtu au taasisi inayoweza kufanikisha majukumu yake bila kufanya tathmini, ninyi ndio mnaoweza kutambua changamoto mapema na kuzitafutia suluhisho kabla hazijawa kubwa, taasisi yoyote inayokosa mfumo huu inafanana na timu inayoingia uwanjani bila refa..” alisema Dkt. Biteko. Alitoa mfano kuwa katika sekta ya umeme, kabla ya kupeleka huduma hiyo eneo lolote lazima tathmni ifanyike ili kuepuka kurudia...
Read more

JIJI LA DODOMA KUPELEKA MIL 50 ZAHANATI YA KIKUYU

By Halmashauri ya Jiji la Dodoma
Image
Na. Dennis Gondwe, KIKUYU KASKAZINI SERIKALI kupeleka shilingi milioni 50 kukamilisha jengo la wodi ya wazazi katika Zahanati ya Kikuyu iliyopo Halmashauri ya Jiji la Dodoma kwa lengo la kuwafikishia huduma za afya wananchi. Mbunge Anthony Mavunde Kauli hiyo ilitolewa Mbunge wa Jimbo la Dodoma mjini, Anthony Mavunde alipokuwa akiongea na mamia ya wananchi wa Kata ya Kikuyu Kaskazini waliojitokeza kushiriki zoezi la usafi wa mazingira na upandaji miti kuzunguka Zahanati ya Kikuyu. Mavunde alisema “Mheshimiwa Mkuu wa Wilaya ya Dodoma jengo unaloliona kushoto kwako ni jitihada zangu mimi na diwani wa hapa. Habari njema ni kwamba kabla ya Jumatano wiki ijayo tunaingiza shilingi milioni 50 ambazo zitakwenda kukamilisha jengo hilo. Na nategemea mwezi Oktoba mwaka huu kina mama wataanza kuhudumiwa katika wodi ya wazazi”. Akiongelea historia ya jengo hilo, alisema kuwa mwaka 2020 aliwaahidi wananchi wa kata hiyo kujengewa wodi ya wazazi. “Nilikuja hapa nikiwa na Diwani Mwansasu nikakut...
Read more

WENZA WA VIONGOZI WASHAURIWA KUANZISHA BUSTANI ZA NYUMBANI

By Halmashauri ya Jiji la Dodoma
Image
Na. Dennis Gondwe, NZUGUNI WENZA wa viongozi katika Halmashauri ya Jiji la Dodoma wameshauriwa kuanzisha bustani za nyumbani ili kusaidia familia zao na wageni wanaowatembelea. Afisa Kilimo katika Halmashauri ya Jiji la Dodoma, Lucy Kway Kauli hiyo ilitolewa na Afisa Kilimo katika Halmashauri ya Jiji la Dodoma, Lucy Kway alipokuwa akiongelea umuhimu wa bustani za nyumbani kwa wenza wa viongozi wa Halmashauri ya Jiji la Dodoma alipokuwa akihamasisha kilimo cha bustani hizo kwenye Banda la Jiji la Dodoma katika viwanja vya Nanenane Nzuguni. Kway alisema “nichukue nafasi hii kuwashauri wenza wa viongozi katika Halmashauri ya Jiji la Dodoma kulima bustani za nyumbani kwa ajili ya kusaidia familia zao na wageni wanaowatembelea. Hii ni muhimu kwa sababu wenza wa viongozi ni mfano wa kuigwa katika jamii hivyo ni rahisi kwa watu kuiga mfano mzuri kutoka kwa wenza wa viongozi hapa Halmashauri ya Jiji la Dodoma”. Akiongelea kilimo hicho kwa wananchi na watumishi wanaohamia Makao Makuu Do...
Read more