Chama cha AAFP chasifu mchakato wa uteuzi wagombea Uchaguzi wa Serikali za Mitaa

By Halmashauri ya Jiji la Dodoma

Na. Faraja Msibe, DODOMA

CHAMA cha Alliance for African Farmers (AAFP) kimeridhishwa na mchakato wa uteuzi wa wagombea uliofanywa na wasimamizi wasaidizi wa Uchaguzi wa Serikali za Mitaa katika Halmashauri ya Jiji la Dodoma na kuuita kuwa ulikuwa shirikishi.




Kauli hiyo ilitolewa na Mwenyekiti wa Vijana wa Mkoa wa Dodoma wa Chama cha AAFP, Fredrick Mapua alipokuwa akiongea na waandishi wa habari kuhusu mchakato wa uteuzi wa wagombea, mapingamizi na maamuzi ya rufaa katika Halmashauri ya Jiji la Dodoma.

Mapua alisema “nimekuja kuzungumzia mchakato wa Uchaguzi wa Serikali za Mitaa kuanzia uteuzi wa wagombea, mapingamizi na maamuzi ya rufaa. Nianze kwa kumshukuru sana Rais, mama Samia Suluhu Hassan kwa kazi nzuri anayoendelea kuifanya amejaribu sana kusimamia demokrasia nchini. Mchakato ulienda vizuri sana. Tulifanya vikao baina ya wasimamizi wa uchaguzi na vyama vya siasa kwa ajili ya kufanya uchaguzi kuwa huru na wa haki. Hivyo, mchakato ulikuwa shirikishi tangu awali. Kwa chama changu tulihudhuria vikao hivyo, nikiwepo mimi binafsi, tulikuwa tulipatiwa miongozo kila mjumbe nakala yake. Maelezo na kanuzi zilikuwa wazi. Wale wenye uwezo wa kusoma na kuandika walikuwa wanauwezo wa kusoma nakuelewa nini kilichokuwa kinahitajika na nini kilichokuwa hakihitajiki katika Uchaguzi wa Serikali za Mitaa. Maelezo yalikuwa yanajitosheleza kwenye kanuni kama ulizifuata sidhani kama unaweza kuwa muanga wa wale walioenguliwa katika mchakato wa uchaguzi huu”.


Alisema kuwa kufuatia mchakato huo haki ilijaribu kutendeka na ilipatikana. Kwa wale walioona wameonewa fursa ya rufaa ilikuwepo. “Chama changu tulikaa na kujadili wapi tunamapungufu na wapi wenzetu wametuzidi ili tusionekane bado wadogo sana. Sisi tulifuata taratibu na kanuni zote. Hivyo, kwenye chama changu hakuna aliyeenguliwa kutokana na makosa madogo madogo kama walivyokuwa wakilalamika vyama tofauti kwenye mitandao ya kijamii. Kwa chama chetu wote tulikuwa makini na kulifuata maelekezo ya mwongozo” alisema Mapua.


Akiongelea amani na utulivu alisema kuwa ni wajibu wa vyama vya siasa. Alisema kuwa chama chake kimeweka mkakati kuhakikisha uchaguzi unafanyika kwa amani na utulivu. “Sisi tunapenda amani, utulivu, siasa safi na salama. Hatupendi kuona watu wakiumia au kuharibikiwa mali kutokana na siasa. Ukiona mtu anatumia nguvu sana kutaka madaraka jiulize mara mbili” alisisitiza Mapua.


Katika hatua nyingine Katibu wa Chama cha Kijamii (CCK) Mkoa wa wa Dodoma, Abuutwahiru Iddi alisema kuwa mchakato wa kuteua wagombea ulifanyika vizuri ukiwa shirikishi. “Msimamizi wa Uchaguzi wa Serikali za Mitaa aliitisha vikao mbalimbali kwa lengo la kufanikisha zoezi la Uchaguzi wa Serikali za Mitaa. “CCK nayo ilishiriki kuhamasisha wananchi wake kuweza kuchukua fomu, zimejazwa na kurudishwa ofisi za serikali za mitaa kwa mujibu wa kalenda na ratiba. Mchakato umeenda vizuri na sasa tunajiandaa kufanya kampeni kwa ajili ya uchaguzi wa tarehe 27 Novemba, 2024. Chama kinaendelea kuhamasisha wananchi ili kuelewa zaidi maana ya uchaguzi na waweze kujitokeza kupigia kura viongozi wanaowahitaji tofauti na kubaki nyumbani na wanapopatikana vongozi ambao hawawahitaji watabaki kulalamika kwa miaka mitano inayofuata” alisema Iddi.

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more