Juhudi na nidhamu yatakiwa kwa washiriki wa mafunzo ya Jeshi la Akiba Dodoma

By Halmashauri ya Jiji la Dodoma

Na. Rahma Abdallah, MPUNGUZI

Mkuu wa Wilaya ya Dodoma, Alhaji Jabir Shekimweri amewataka washiriki wa mafunzo ya Jeshi la Akiba kuwa na nidhamu ya hali ya juu kwa muda wote wa mafunzo na kuzingatia yote watakayo fundishwa ili kuwa kuwa askari mahili.


Mkuu wa Wilaya ya Dodoma, Alhaji Jabir Shekimweri akifungua mafunzo ya Jeshi la Akiba


Hayo aliyasema wakati akifungua mafunzo ya 17 ya Jeshi la Akiba Wilaya ya Dodoma katika uwanja wa michezo wa Shule ya Sekondari Mpungunzi iliyopo Halmashauri ya Jiji la Dodoma.

Alhaj Shekimweri alisema kuwa wakufunzi wa mafunzo hayo wanauzoefu mkubwa utakaowasaidia kuimarika katika kozi mbalimbali za jeshi la akiba. “Niwaase mfuate maelekezo, mfuate mafunzo yote ya medani, mafunzo ya kitendaji, pia kuwa na nidhamu wakati wote wa mafunzo. Msingi mkubwa wa kazi za jeshi ni nidhamu. Huwezi kuwa askari kama huna nidhamu. Kwahiyo, mtapimwa viwango vyenu vya nidhamu” alisema Alhaj Shekimweri.

Pia aliongeza kwa kusema “tafsiri ya kwanza ya nidhamu ni kuheshimiana ninyi kwa ninyi, kuwaheshimu viongozi wenu wa kambi, kuwaheshimu viongozi wanaokuja kuwatembelea na kuwatia nguvu huku mkitambua kuwa yote mnayoyafanya ni chini ya mwamvuli wa jeshi la ulinzi na usalama wa nchi yetu”.

Sanjari na hayo aliwasisitiza kujitokeza na kushiriki katika uboreshaji wa taarifa kwenye daftari la mpira kura pamoja na kushiriki katika Uchaguzi wa Serikali za Mitaa unaotarajiwa kufanyika mwezi Novemba, 2024. “Hakikisheni mnahuisha taarifa zenu na kwa wale ambao walikuwa na umri mdogo katika uchaguzi uliopita na sasa wamefikia umri wa kushiriki mkajiandikishe. Ukiona una sifa za kuwa kiongozi, chukua fomu za kugombea nafasi mbalimbali na wakati ukifika shiriki kumpigia kura kiongozi atakayekufaa” Alhaj Shekimweri alisisitiza.


Washiriki wa mafunzo


Alihitimisha kwa kuwapongeza washiriki wa mafunzo kwa utayari wao na uzalendo na kuwatakia heri katika muda wote wa mafunzo. Aidha, aliwataka wakufunzi wa mafunzo hayo kuwaandaa kikamilifu washiriki hao ili wawe raia wema kwa nchi yao.

Akiwasilisha taarifa ya mafunzo hayo, SSGT. Lusajo Mwakanyamale, Kaimu Mshauri wa Jeshi la Akiba Wilaya ya Dodoma alisema kuwa washiriki wa mafunzo hayo wametoka tarafa ya Dodoma mjiji pamoja na Zuzu. Alisema baadhi yao ni walinzi kutoka makampuni binafsi na wengine ni kutoka kwenye mitaa wanayoishi kwa mujibu wa sheria. “Afande mgeni rasmi napenda kukuhakikishia kuwa mafunzo haya yatafikia viwango vinavyokubalika na jeshi la akiba na watakuwa tayari kulitumikia taifa. Mafunzo haya yatafanyika kwa majuma 18 (miezi 4)” alisema SSGT. Mwakanyamale.

Mafunzo ya Jeshi la Akiba Wilaya ya Dodoma ni mafunzo ya awamu ya 17 yakilenga kuwajengea washiriki utimamu wa mwili, ukakamavu, ujasiri na uzalendo kwa taifa lao kupitia masomo mbalimbali ikiwa ni pamoja na usalama wa raia, huduma ya kwanza, ramani, zimamoto, uhamiaji na elimu ya kupambana na rushwa, alisema SSGT. Mwakanyamale.




Kwa upande wake Lameck Mashaka, Mshiriki wa mafunzo hayo alisema kuwa uzalendo kwa nchi ndio msukumo uliomfanya kujitokeza na kupata mafunzo hayo. Aliahidi kuzingatia mafunzo hayo na kuyafanyia kazi mara baada ya kuhitimu. “Nashukuru kwa kupatiwa nafasi hii ya ushiriki kwenye haya mafunzo na imani yangu kubwa nitaimarika na kwenda kuitumikia nchi yangu kwa uzalendo” alisema Mashaka.

 

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more