Vitengo vya Mawasiliano Serikalini Mkoa wa Dodoma vyapongezwa kwa utendaji kazi mzuri

By Halmashauri ya Jiji la Dodoma

 Na. Dennis Gondwe, DODOMA

VITENGO vya Mawasiliano Serikalini katika Mkoa wa Dodoma vimepongezwa kwa kuhabarisha wananchi juu ya kazi nzuri zinazofanywa na serikali ya awamu ya sita inayoongozwa na Rais Dkt. Samia Suluhu Hassan baada ya Mkoa wa Dodoma kushika nafasi ya nne katika utoaji habari nchini kufuatia tathimini iliyofanywa na Idara ya Habari (Maelezo) chini ya Wizara ya Habari, Mawasiliano na Teknolojia ya Habari juu ya umahili wa utoaji habari kwa vitengo vya mawasiliano serikalini.



Kauli hiyo ilitolewa na Katibu Tawala Mkoa wa Dodoma, Kaspar Mmuya wakati akipokea zawadi ya kikombe na cheti baada ya Kitengo cha Mawasiliano Serikalini katika Ofisi ya Mkuu wa Mkoa kushika nafasi ya nne kati ya mikoa 26 ya Tanzania bara.

Mmuya alisema “napenda kuwapongeza kwa kazi nzuri ya kuhabarisha wananchi juu ya kazi na miradi mbalimbali ya maendeleo inayotekelezwa katika Mkoa wa Dodoma. Hakika mmemuheshimisha Mkuu wa Mkoa wa Dodoma, Mheshimiwa Rosemary Senyamule. Nimefahamishwa kuwa Kitengo cha Mawasiliano Serikalini katika Ofisi ya Mkuu wa Mkoa wa Dodoma kimeshika nafasi ya nne, Kitengo cha Mawasiliano Serikalini Halmashauri ya Jiji la Dodoma kimeshika nafasi ya 13 na Halmashauri ya Mji wa Kondoa nafasi ya 15. Mwaka huu tulioanza tunataka kupiga hatua zaidi na kushika nafasi ya kwanza kwa sababu Dodoma ndiyo fahari ya watanzania”.

Alisema kuwa serikali ya awamu ya sita inayoongozwa na Rais, Dkt. Samia Suluhu Hassan imejipambanua katika kukuza uhuru wa habari ili wananchi waweze kupata habari sahihi. Habari sahihi zinapatikana katika vitengo vya mawasiliano serikalini. “Nimefurahishwa na umahiri wenu katika kuuhabarisha umma, matumizi ya mitandao ya kijamii na uhuishaji wa tovuti za serikali. Wito wangu kwenu endeleeni kujipanga zaidi ili habari na taarifa sahihi ziwafikie wananchi wengi zaidi” alisema Mmuya.

Kwa upande wake Afisa Utumishi Mkuu katika Ofisi ya Mkuu wa Mkoa wa Dodoma, Lucy J. Timba, wakati akikabidhi zawadi ya kikombe na cheti kwa Katibu Tawala Mkoa wa Dodoma, alisema kuwa Ofisi ya Mkuu wa Mkoa wa Dodoma na halmashauri zake mbili wamefanya vizuri katika tuzo za umahili wa vitengo vya mawasiliano serikalini kwa utoaji wa habari kwa mwaka wa fedha 2023/2024.

Alisema kuwa katika tuzo hizo Kitengo cha Mawasiliano Serikalini Ofisi ya Mkuu wa Mkoa wa Dodoma kilishika nafasi ya nne na kupewa zawadi ya kombe na cheti cha utambuzi. “Kitengo cha Mawasiliano Serikalini Halmasahuri ya Jiji la Dodoma kilishika nafasi ya 13 na Kitengo cha Mawasiliano Serikalini Halmashauri ya Mji Kondoa kilishika nafasi ya 15 na wote kupewa zawadi ya cheti cha utambuzi.

Kwa upande wake Kaimu Mkuu wa Kitengo cha Mawasiliano Serikalini katika Ofisi ya Mkuu wa Mkoa wa Dodoma, Hellen Minja alisema kuwa kitengo chake kimejipanga kupiga hatua zaidi. “Kitengo cha Mawasiliano Serikalini katika Ofisi ya Mkuu wa Mkoa wa Dodoma tunampango wa kufanya vizuri zaidi na kuwa washindi namba moja katika kuhabarisha umma nchini. Tutafanya kazi zaidi ya mwanzo ili tuwe bora” alisema Minja.

Tuzo ya umahili wa vitengo vya mawasiliano serikalini vilivyofanya vizuri kwa mwaka wa fedha 2023/2024 ilitangazwa na Mkurgenzi wa idara ya Habari na Msemaji Mkuu wa Serikali mbele ya Rais wa Jamhuri ya Muungano wa Tanzania tarehe 18 June, 2024 katika Kongamano la pili la maendeleo ya sekta ya Habari nchini lililohudhuriwa na Rais, Dkt. Samia Suluhu Hassan na zawadi kukabidhiwa na Waziri wa Habari, Mawasiliano na Teknolojia ya Habari kwa niaba ya Rais wa Jamhuri ya Muungano wa Tanzania tarehe 21 June, 2024 katika ukumbi wa Mlimani City, jijini Dar es Salaam.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more