Kata ya Chamwino kipaumbele Lishe shuleni

By Halmashauri ya Jiji la Dodoma

Na. Dennis Gondwe, CHAMWINO

KATA ya Chamwino imetoa kupaumbele katika agenda ya lishe ili kuhakikisha wanafunzi wanakuwa na lishe bora na kuendelea na masomo yao vizuri.


Kauli hiyo ilitolewa na Afisa Mtendaji wa Kata ya Chamwino, Lucas Nkelege alipokuwa akiongea na walimu, wanafunzi na wadau wa masuala ya lishe katika Shule ya Msingi Chamwino iliyopo katika Kata ya Chamwino, Halmashauri ya Jiji la Dodoma.

“Leo ni maadhimisho ya kidunia kuhamaisha matumizi ya mimea jamii ya mikunde. Kama maharage, njegere, choroko, mbaazi. Sisi Kata ya Chamwino suala la lishe lina umuhimu mkubwa sana. Lengo ni kupinga hali ya udumavu, ukondefu na athari zote zinazotokana na lishe duni. Kata ya Chamwino tumeweka mikakati mizuri kuhakikisha wanafunzi katika shule zetu tatu za msingi na moja ya sekondari wanaweza kupata chakula shuleni. Na leo hapa tumekuja Shule ya Msingi Chamwino yenye wanafunzi takribani 2,500 kuhamasisha lishe. Na hii shule inafanya vizuri katika utoaji wa chakula shuleni, inafikia asilimia 92. Shule inatoa uji kwa madarasa ya awali na chakula cha mchana kuanzia darasa la tatu hadi la saba” alisema Nkelege.

Mkurugenzi wa Idara ya Usalama wa Chakula kutoka Wizara ya Kilimo, Dkt. Honest Kessy alisema kuwa maadhimisho ya siku ya kula mazao ya mikunde kuna lenga kuhamasisha ulaji wa vyakula vyenye virutubishi mwilini. “Wanafunzi mpende kula maharage na muwashawishi wazazi waweze kuwapikia maharage na mboga jamii ya mikunde. Vyote hivi vyakula vinaumuhimu sana kwa sababu vinatuongezea virutubishi katika miili yetu, vinaongeza uwezo wetu wa kufikiri na kuelewa darasani. Niwaombe sana tusipuuze vyakula vinayotokana na jamii ya mikunde” alisema Dkt. Kessy.

Akitoa shukrani kwa niaba ya Shule ya Msingi Chamwino, Mwl. Ezekiel Lenjima alisema kuwa shule hiyo imefurahia zoezi la upandaji wa mbogamboga. “Kwa niaba ya Shule ya Msingi Chamwisho niwashukuru viongozi wa serikali, sekta binafsi na waendesha baiskeli kufanya kilele cha maadhimisho haya katika shule yetu. Tuwahakikishie kwamba mbegu hizi za mboga tulizopanda shuleni hapa tutazitunza, tutazimwagilia na mavuno yake yatatusaidia sana katika kuchanganya mboga kwenye maharage. Maharage tunayotumia kwa chakula katika shule yetu yatakuwa yameongezewa virutubishi vitakavyoongeza lishe kwa wananfunzi wetu na kukuza uwezo wao wa kiakili” alisema Lenjima.

Zoezi la kusia mbegu za mboga katika Shule ya Msingi Chamwino lilitanguliwa na mbio za baiskeli zilizolenga kuhamaisha afya bora dhidi ya magonjwa yasiyo ya kuambuza na kuchochea masuala ya lishe bora kwa jamii.

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more