WAKAZI WA KATA YA NALA WAHIMIZWA KUJITOKEZA KUPIGA KURA KABLA YA SAA 10 JIONI

By Halmashauri ya Jiji la Dodoma

 Na. Theresia Nkwanga, NALA

MSIMAMIZI wa Uchaguzi Jimbo la Dodoma mjini, John Kayombo amewataka wakazi wa Kata ya Nala kujitokeza na kutumia haki yao ya kidemokrasia kupiga kura kumchagua mwakilishi wao.

Msimamizi wa Uchaguzi Jimbo la Dodoma mjini, John Kayombo akimsikiliza mpiga kura katika moja ya kituo cha kupigia kura Kata ya Nala


Kayombo alisema hayo katika kituo cha Sengu chini apokuwa akitoa muhtasari wa hali ya uchaguzi mdogo wa Diwani Kata ya Nala unaoendelea katika vituo 12 vya kata hiyo.

“Leo tarehe 19 Septemba, 2023 Kata ya Nala inafanya uchaguzi mdogo wa kuziba nafasi ya aliyekuwa Diwani aliyefariki. Zoezi la kufungua vituo lilifanyika kama sheria inavyotaka saa 1:00 asubuhi. Mpaka sasa saa 6 mchana zoezi la upigaji wa kura linaendelea vizuri na wananchi wamejitokeza kwa wingi kuja kuchagua mwakilishi wao. Niwaombe wananchi waendelee kujitokeza muda bado sasa ni saa 6 mchana hadi saa 10 jioni ndio tunafunga vituo” alisema Kayombo.

Aidha, aliwataka wananchi wakimaliza kupiga kura kurudi nyumbani. "Vituo vya kupiga kura baadae vinabadilika kuwa vituo vya kuhesabia kura. Mwisho matokeo ya kila kituo yatabandikwa kwenye mbao za matangazo kwa kila kituo. Baada ya zoezi hilo, wasimamizi wote wataondoka kuja kwenye kituo cha majumuisho ya vituo vyote kwenye Ofisi ya Afisa Mtendaji Kata ya Nala. Mshindi wa kiti cha Diwani Kata ya Nala atatangazwa leo na cheti cha ushindi kitatolewa leo” alisisitiza Kayombo.

Kuhusu hali ya upigaji kura, alisema kuwa wananchi wanapiga kura katika hali ya amani na utulivu. Tume ya Taifa ya Uchaguzi imejipanga vizuri kabisa.

Kwa upande wake Mjumbe wa Tume ya Taifa ya Uchaguzi, Jaji wa Mahakama ya Rufaa, Mhe. Mwanaisha Kwariko alisema kuwa hali ya vituo vya kupigia kuwa ni nzuri na vifaa vyote vilifika mapema na watendaji wote walikuwepo na ilipofika saa 1:00 asubuhi watendaji walikuwa tayari kuwapokea wapiga kura.

“Katika vituo vingi tulivyotembelea wapiga kura wengi walikuwa wameshafika kwa ajili ya zoezi hilo na wananchi walikuwa wakifuata maelekezo ya kujipanga kwenye mistari kwa ajili ya kupiga kura kwa utaratibu. Muitikio wa watu ni mzuri wa watu kishapiga kura wanaondoka. Hata wenye mahitaji maalum wanapokelewa na kuhudumiwa kama tulivyoelekeza wanapiga kura mapema na kuondoka” alisema Mhe. Kwariko.

Nae Mratibu wa Uchaguzi, Albert Kasoga alisema kuwa walijiaandaa vizuri kwa vituo vyote 12. “Kwa upande wa wasimamizi maandalizi yalifanyika na wote walipata mafunzo na wapo vizuri na wapo vituoni kama maelekezo yalivyokuwa” alisema Kasoga.

Mkazi wa Mtaa wa Chiwondo, Samwel Kusalo alisema kuwa zoezi hilo limeratibiwa vizuri. “Tulitangaziwa leo ni siku muhimu ya kutumia haki yetu ya msingi kupiga kura kumchagua diwani wetu. Nimekuja, nimepokelewa vizuri na wamekagua wakaona jina langu na nikatumia haki yangu ya msingi kupiga kura” alisema Kusalo.

Kata ya Nala yenye jumla ya wapiga kura 3,741 na vituo 12 vya kupigia kura inafanya uchaguzi mdogo kufuatilia kifo cha aliyekuwa Diwani wa kata hiyo Julius Chimombo aliyefariki tarehe 10 Aprili, 2023 huku vyama vinavyoshiki uchaguzi huo vikiwa 11.


MWISHO


Picha za Matukio mbalimbali Msimamiz wa Uchaguzi Jimbo la Dodoma Mjini, John Kayombo akifuatilia maendeleo ya upigaji kura katika vituo







Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more