WAFANYABIASHARA SOKO LA SABASABA WAHAKIKISHIWA KUFANYABIASHARA HADI MWISHO MWAKA WA FEDHA 2023/2024

By Halmashauri ya Jiji la Dodoma

Na. Dennis Gondwe, DODOMA

CHAMA Cha Mapinduzi (CCM) Mkoa wa Dodoma kimewahakikishia wafanyabiashara wa Soko la Sabasaba kuwa hawataondolewa katika soko hilo hadi Mwezi Julai mwakani ili waendelee kutekeleza majukumu yao bila wasiwasi.

Mwenyekiti wa CCM Mkoa wa Dodoma, Adam Kimbisa


Kauli hiyo ilitolewa na Mwenyekiti wa CCM Mkoa wa Dodoma, Adam Kimbisa katika mkutano wa hadhara na wafanyabiashara wa Soko la Sabasaba jijini Dodoma.

Kimbisa alisema “napenda kuwafahamisha kuwa hadi mwezi Julai mwakani hakuna mfanyabiashara atakayebughudhiwa hadi halmashauri itakapopata fedha za kuendeleza soko hilo. Halmashauri wakipata fedha hizo lazima tukae pamoja na kukubaliana wanaanza na jambo gani na kuendelea na jambo gani. Tunafahamu jiji mtajenga kwa awamu, mtashirikiana na uongozi wa soko ili kuhakikisha huduma zinakuwa bora”.

Akiongelea daladala kuingia katika Soko la Sabasaba, alisema kuwa soko hilo siyo stendi ya daladala. “Daladala zinapopaki kwa sasa si sawa. Daladala zilipo zitaua watoto wa shule na wagonjwa. Fanyeni haraka daladala zipite na kushusha na kupakia abiria katika Soko la Sabasaba hii siyo stendi. Latra kaeni na uongozi wa soko kuhakikisha daladala zinapita hapa”.

Aidha, aliutaka uongozi wa soko kuwaondoa wafanyabiashara wanaofanya biashara kwa kutandaza hadi eneo ambalo daladala zinapita. Alimtaka Mkuu wa Wilaya ya Dodoma kuhakikisha Askari Polisi wanakuwepo muda wote ili daladala zisitumie muda mrefu kusubiria abiria.

Kwa upande wa mfanyabiashara katika Soko la Sabasaba, Madimilo Mbogoni alisema kuwa walikuwa na hofu ya kuondolewa katika soko hilo. “Tunamshukuru Mwenyekiti wa CCM kwa kufika kuongea na sisi wafanyabiashara wa Soko la Sabasaba. Sasa tulikuwa na hofu kubwa kuhusu kuondolewa katika maeneo haya tumeteseka kwa muda mrefu kujua hatima yetu. Lakini leo tumepata ufumbuzi na kweli tunawashukuru viongozi wote walioshiriki mpaka kuhakikisha tumefikia hapa. Hofu yetu imetutoka na tunamshukuru Mungu” alisema Mbogoni.




MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more