Diwani Gombo kuongoza Kamati ya Mipango Miji na Mazingira

By Halmashauri ya Jiji la Dodoma

Na. Dennis Gondwe, DODOMA

Diwani wa Kata ya Ipagala, Gombo Dotto apata ushindi mnono nafasi ya Mwenyekiti wa Kamati ya kudumu ya Halmashauri ya Jiji la Dodoma ya Mipango Miji na Mazingira kwa kuibuka na kura 20 akiwaacha kwa mbali wagombea wawili.


Akitangaza matokeo ya nafasi ya Mwenyekiti, Mstahiki Meya wa Halmashauri ya Jiji la Dodoma, Alimwoni Chaula, alisema kuwa Mwenyekiti wa Kamati ya kudumu ya Halmashauri ya Jiji la Dodoma ya Mipango Miji na Mazingira ni Mheshimiwa Gombo Dotto. “Kamati ya kudumu ya Mipango Miji ilikuwa na wagombea watatu wa nafasi ya mwenyekiti. Mheshimiwa Leonard Ndama, Diwani wa Kata ya Nzuguni alipata kura moja, Mheshimiwa Theobalt Mahina, Diwani wa Kata ya Ntyuka alipata kura moja na Mheshimiwa Gombo Dotto alipata kura 20” alitangaza Mstahiki Meya Chaula.

Katika hatua nyingine, Mkuu wa Wilaya ya Dodoma, Alhaj Jabir Shekimweri aliwapongeza viongozi wote waliochaguliwa katika nafasi za kamati za kudumu na kuwaasa kutumia nafasi hizo kuhakikisha wanasimamia vizuri utekelezaji wa miradi ya maendeleo ambayo inaenda kuwagusa wananchi moja kwa moja.

Aliongeza kuwa, eneo la mipango miji na mazingira linatakiwa kuangaliwa kwa umakini mkubwa ili miundombinu na mazingira ya jiji yawe katika mpangilio unaovutia. “Tunawategemea kamati hii mtafuatilia na kushauri kwa umakani namna ‘masterplan’ ya jiji letu inavyotakiwa kuboreshwa zaidi. Tunatamani kuona jiji likipangiliwa vizuri na miundombinu ionekana kwa nafasi ili hata wanapokuja wageni, wavutiwe na mazingira rafiki watakayokutana nayo” aliongeza Alhaj Shekimweri.

Nae, Mwenyekiti wa Kamati ya kudumu ya Mipango Miji na Mazingira, Gombo Dotto alitoa shukrani zake kwa kuchaguliwa katika nafasi hiyo. “Niseme kwamba, nafasi hii nilichaguliwa ni adhimu na nitakwenda kuitumikia vema. Nawapongeza pia viongozi wenzangu waliochaguliwa katika kamati za kudumu, tukashirikiane ili kuwaletea wananchi maendeleo ya kweli” alishukuru.

MWISHO

Comments

Post a Comment

Popular Posts

Kamati ya Kudumu Uchumi, Elimu na Afya yapata Jembe!

By Halmashauri ya Jiji la Dodoma
Image
Na. Dennis Gondwe, DODOMA DIWANI wa Viti Maalum, Joan Mazanda aliibuka kidedea kwa kupata kura 15 na kuongoza Kamati ya kudumu ya Uchumi, Elimu na Afya katika Halmashauri ya Jiji la Dodoma. Mwenyekiti wa Kamati ya kudumu ya Uchumi, Elimu na Afya, Joan Mazanda Akitangaza matokeo hayo, Mstahiki Meya wa Halmashauri ya Jiji la Dodoma, Alimwoni Chaula alisema kuwa Mwenyekiti wa Kamati ya kudumu ya Halmashauri ya Jiji la Dodoma ya Uchumi, Elimu na Afya ni Joan Mazanda. “Kamati ya kudumu ya Uchumi, Elimu na Afya ilikuwa na wagombea watatu wa nafasi ya mwenyekiti. Matokeo yalikuwa ni kama ifuatavyo. Mheshimiwa Andrew Muholo, Diwani wa Ipala alipata kura tatu; Mheshimiwa Fatuma Zollo, Diwani wa Viti Maalum alipata kura nne na Mheshimiwa Joan Mazanda, Diwani wa Viti Maalum alipata kura 15. Hivyo, mshindi ni Mheshimiwa Joan Mazanda” alisema Chaula. Katika hatua nyingine, Diwani wa Kata ya Madukani, Prof. Davis Mwamfupe alitoa pongezi kwa Diwani Mazanda kwa kuchaguliwa kuwa Mwenyekiti wa Kamat...
Read more

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more