Elimu Sekondari Jiji yawalaza chali Maafisa Watendaji Mchezo wa Pete

By Halmashauri ya Jiji la Dodoma

Na. Halima Majidi, DODOMA

Katika mchezo uliovuta hisia za mashabiki wengi, Timu ya Mchezo wa Pete ya Elimu Sekondari ya Jiji la Dodoma imeibuka kidedea kwa kuishinda Timu ya Maafisa Watendaji wa Kata na Mitaa Jiji la Dodoma goli 3-2.



Mchezo huo uliochezwa kwenye Uwanja wa Jamhuri jijini Dodoma ulidhihirisha ushindani mkali kati ya timu hizo mbili.

Mchezo ulianza kwa kasi huku wachezaji wa Elimu Sekondari wakionesha umahiri wa hali ya juu katika kurusha mpira kwa haraka na ukabaji imara. Katika robo ya kwanza, timu hiyo iliongoza kwa alama 2 dhidi ya 0 za Maafisa Watendaji.  

Kocha wa Timu ya Elimu Sekondari, Mwl. Zainabu Abdallah, alisema amefanya yake katika kuhakikisha wanachukua ushindi japokuwa mvua imekuwa kikwazo, na aliwapongeza vijana wake kwa kujituma uwanjani na kutumia mbinu walizofanyia mazoezi, na pia alisisitiza wachezaji wawe na tabia ya kufanya mazoezi sio tu mpaka wakti wa michezo au bonanza bali iwe ni tabia endelevu. “Ushindi huu ni matokeo ya nidhamu, mazoezi makali na mshikamano wa timu yetu, na mazoezi ni afya tunashukuru Mungu" alisema Mwl. Abdallah.

Nae Nahodha wa Timu ya Elimu Sekondari, Tulamwona Kihaka, alisema anashukuru Mungu kwa ushindi wa kishindo japo kuwa mtanange ulikuwa mgumu. Hivyo, amewasisitiza wachezaji wenzie kuendeleza ushirikiano. “Nawaasa wachezaji kufanya mazoezi kwa sababu changamoto ni nyingi ila kwa kifupi tumewafunga Maafisa Watendaji Jiji” alisema Kihaka.

Kwa upande wake, Kocha wa Timu ya Maafisa Watendaji, Mafuru Buriro, alisema kuwa mechi ilikuwa nzuri licha ya kuwa hali ya hewa haikuwa vizuri kwa sababu haikuwa rafiki hasa kukimbia. Ushindani ulikuwepo, hata hivyo, timu yake imejifunza mengi na itaendelea kujiandaa kwa michezo mingine. “Leo tumepata changamoto ikiwemo mvua, hivyo, tunajipanga bonanza lijalo Timu ya Elimu Sekondari wajipange” alisema Buriro. 

Nahodha, wa Timu ya Maafisa Watendaji, Getruda Katyega, alisema Mchezo ulikuwa mgumu japo kuwa wamepambana na aliahidi kuwa watajiandaa kufanya vizuri zaidi awamu ijayo kwa sababu hawakuwa na mazoezi ya kutosha awamu hii.

Ikiwa ni katika shauku za kuuwaga mwaka 2024 na kuukaribisha mwaka 2025 ambapo Halmashauri ya Jiji la Dodoma iliandaa bonanza hilo ambapo ilikuwepo michezo mbalimbali.




MWISHO

 

 

 

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more