Ofisi ya Rais Ikulu haishikiki kuvuta Kamba

By Halmashauri ya Jiji la Dodoma

Na. Aisha Ibrahim, DODOMA

Timu ya Ofisi ya Rais Ikulu kuvuta Kamba (wanaume) imeibuka na ushindi wa alama 2-0 dhidi ya Timu ya Ofisi ya Rais Jiji Dodoma kuvuta Kamba (wanaume) katika upande wa wanawake Timu ya Ofisi ya Rais Ikulu ikiibuka na ushindi wa alama 2-0 dhidi Timu ya Ofisi ya Rais Jiji Dodoma katika mchezo huo.



Mchezo huo ulifanyika ndani ya Uwanja wa Jamhuri katika Bonanza la Watumishi wa Halmashauri ya Jiji la Dodoma lililohusisha michezo mbalimbali ikiwemo mpira wa miguu, mpira wa pete, michezo ya jadi na tamasha la sanaa.

Kwa upande wake Mkuu wa Kitengo cha Michezo, Utamaduni na Sanaa Jiji la Dodoma, Patrick Moshi, aliwataka washiriki wa michezo mbalimbali kujiamini zaidi wawapo uwanjani ikiwa ni njia kufanikiwa na kupata ushindi katika michezo yao. “Siri ni kufanya mazoezi mapema na wakati wa mchezo ni kujiamini zaidi na hiyo ndio siri ya mafanikio” alisema Moshi.

Mwamuzi wa mchezo wa kuvuta kamba, Idrisa Shabani aliwaomba washiriki wa michezo mbalimbali kuwa na tabia ya kufanya mazoezi mara kwa mara ili kuwajengea uwezo wa kukabiriana ipasavyo pindi wanapokuwa kwenye michuano na timu pinzani. “Watu waje kufanya mazoezi, kama tunavyoona Timu ya Ofisi ya Rais Ikulu ilikuwa imejipanga kwa kufanya mazoezi lakini Timu ya Ofisi ya Rais Jiji Dodoma ilikuwa haijajipanga na ndio maana wamefungwa” alisema Shabani.

Akizungumzia kuhusu mchezo huo wa kuvuta kamba, mmoja kati ya washiriki kutoka Timu ya Ofisi ya Rais Jiji Dodoma, Devotha Selufara, alisema amefurahishwa na kuwepo kwa michuano hiyo na kuomba michezo hiyo iwe endelevu ili kuendelea kuimarisha afya kimwili na kiakili. “Ninaomba zoezi hili lisiishie hapa, lijirudie ili tuwe tunafanya mazoezi mara kwa mara kwasababu ina imarisha viungo vyetu lakini pia afya zetu zinakuwa salama” alisema Selufara.

Nae, shabiki na mpenzi wa mchezo wa kuvuta kamba, Perpetua Mtega, aliwaasa washiriki wa michezo mbalimbali kutokuwa na tabia ya kukata tamaa hasa pale wanapopoteza katika michuano hiyo kwasababu katika mchezo wowote lazima apatikane mshindi na asiyekubari kushindwa siyo mshindani. “Nimefurahi kwa sababu wachezaji wote wamejiamini, wamejitoa na walikuwa tayari kupokea ushindi hivyo sina budi kusema kwamba popote kunapokuwa na ushindani lazima apatikane mshindi mmoja” alisema Mtega.

Ushindi wa wachezaji katika michezo mbalimbali hutegemea sana maandalizi mazuri ya awali, uthubutu, kujiamini na bidii ya kutosha ili kuepuka kuteteleka ndani ya mchezo.

MWISHO


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more