Maandalizi ya Nanenane 2024 Dodoma yapamba moto

By Halmashauri ya Jiji la Dodoma

Na. Flora Nadoo, DODOMA

Mkuu wa Wilaya ya Dodoma, Alhaj Jabir Shekimweri ampongeza Rais, Dkt. Samia Suluhu Hassan kwa kuweka alama katika maboresho ya miundombinu ya maonesho ya Nanenane Kanda ya Kati Dodoma.



Kauli hiyo aliitoa mjini Dodoma alipokuwa akiongelea maandalizi ya maadhimisho ya sherehe za Nanenane zinazofanyika katika viwanja vya Nanenane Nzuguni.

Alhaj Shekimweri alisema kuwa mwaka jana Rais wakati akiahirisha maonesho ya Nanenane Kanda ya Nyanda za Juu Kusini kwenye Uwanja wa John Mwakangale jijini Mbeya alielekeza maboresho ya viwanja vya Nanenane.

Alisema kuwa viwanja viwili vimechaguliwa kuanza kufanyiwa ukarabati. Alisema kuwa Waziri wa Kilimo, Husein Bashe na viongozi wa Wizara chini ya Katibu Mkuu wa wizara ya Kilimo Gerald Mweli wameanza ukarabati wa viwanja hivyo. “Tumeanza kufanya kazi mbalimbali, miongoni mwa kazi hizo ni pamoja na udhibiti na uendeshaji wa uwanja kwa kujenga uzio, kujenga sehemu ya upashanaji habari (Information Centre).

Shekimweri alisema kwenye maonesho hayo ya Nanenane kutakuwa na mitambo ya kuchakata kwenye kilimo kama vile trekta, pawatila na nyingine nyingi. Wazalishaji wa vifaa hivyo watakuwepo, kila anayehusika na tasnia ya kilimo atakuwepo ili wananchi aweze kuona, kujifunza, na kuchangamkia fursa zinazotokana na shughuli za maonesho.

Mkuu wa Wilaya ya Dodoma alisema kuwa anategemea kuwa na watu wengi sana watakaoshiriki maonesho hayo ikiwemo taasisi za kimataifa pamoja na nchi za jirani zisizopungua tano na taasisi 45 zimethibitisha kushiriki katika maonesho hayo.

Aliongeza kuwa Dodoma ni kanda pekee yenye paredi ya mifugo. kutokana na maonesho hayo masoko ya wakulima yanaweza yakaanza kuunganishwa nje ya nchi na kwa namna hiyo wakulima watapata thamani kubwa sana kutokana na kazi kubwa wanayoifanya na jasho wanalolitumia.

Maadhimisho ya Nanenane mwaka 2024 yanaongozwa na kaulimbiu isemayo ‘Chagua viongozi bora wa serikali za mitaa kwa maendeleo ya Kilimo, Mifugo na Uvuvi’.

 

Habari hii imehaririwa na Emmanuel Lucas akishirikiana na Janeth Gerald

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more