Viongozi wamshukuru Rais, Dkt. Samia Suluhu Hassan kukuza sekta za Mifugo na Uvuvi

By Halmashauri ya Jiji la Dodoma

Na. Flora Nadoo, NANENANE

Naibu Waziri wa Mifugo na Uvuvi, Alexander Mnyeti amshukuru Rais, Dkt. Samia Suluhu Hassan kwa namna ambavyo ameendelea kuzipa kipaumbele sekta za mifugo na uvuvi ili zichangie katika uchumi wa taifa.

 

 

Rais, Dkt. Samia Suluhu Hassan (picha na maktaba)

Shukrani hizo alizitoa wakati akitoa salamu za Wizara ya Mifugo na Uvuvi katika uzinduzi wa maonesho ya Nanenane yanayofanyika katika viwanja vya Nanenane Nzuguni Dodoma.

Mnyeti alisema "Mheshimiwa Rais ameongeza bajeti ya wizara yangu yangu kutoka shilingi bilioni 295.9 mwaka 2023/2024 hadi shilingi bilioni 460.3 kwa mwaka 2024/2025 sawa na nyongeza ya 50.5%. Fedha hizi zitatumika katika kuimarisha sekta ya mifugo na uvuvi na kuongeza mchango wake katika pato la Taifa.

Pia Waziri wa Kilimo Mh.Husein Bashe alianza kwa kumshukuru mgeni rasmi Waziri mkuu Mh.Kasim Majaliwa Kasim kwa kutenga muda wake na kuifanya kazi hiyo.Awashukuru kwa mchango wao mkubwa sana kwenye kilimo.

Hivyo basi, Husein Bashe alimshukuru Rais, Dkt. Samia Suluhu Hassan kwa kuongeza bajeti ya kilimo kutoka shilingi bilioni 294.97 mwaka 2021/2022 hadi kufikia bajeti iliyopitishwa tarehe 7/6/2024 shilingi trilioni 1.2. Fedha hizo zilizoongezeka zitatumika kwenye kilimo. Pia aliishukuru serikali kutenga fedha kwenye kilimo cha umwagiliaji.

 

Kutokana na mchango wa serikali kwenye kilimo, imepelekea uzalishaji mkubwa sana wa mazao. Aidha, mchango huo umewezesha kufanikisha kupeleka mahindi nchini Zambia kama ilivyokuwa imesainiwa. Mahindi hayo ni jumla ya tani 600,000. Pia kwa mara ya kwanza NFRA imeuza mahindi kwa dola ambayo ni historia ya nchi yetu. NFRA imefungua vituo vya kununua mahindi. Vivyo hivyo, serikali inatoa ruzuku kwenye pembejeo na kwenye bei ya kununua mazao, ili kuwasaidia wakulima na kuwawekea mazingira bora, aliongeza.

 

Alimalizia kwa kusema kuwa serikari yaahidi kwamba hakuna mkulima yeyote wa mahindi ambaye atakosa sehemu ya kuuza mahindi yake. Serikali itanunua mahindi yote yaliyo mikononi mwa wakulima.

 

Habari hii imehaririwa na Emmanuel Lucas kwa kushirikiana na Janeth Gerald

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more