Serikali kuboresha viwanja vya maonesho ya Nanenane

By Halmashauri ya Jiji la Dodoma

Na. Moureen John, NANENANE

Waziri wa Kilimo, Hussein Bashe amesema serikali itaendelea kufanya maboresho katika viwanja vya maonesho ya Nanenane ikiwa ni mkakati wa kuchangia ukuaji wa uchumi nchini.


Waziri wa Kilimo, Hussein Bashe


Kauli hiyo aliitoa wakati wa uzinduzi maonesho ya kimataifa ya Nanenane kanda ya kati katika uwanja wa Nanenane Nzuguni jijini Dodoma.

Waziri Bashe alisema “Mheshimiwa Dkt. Samia Suluhu Hassan alitoa maelekezo mwaka jana jijini Mbeya kwamba serikali ianze kufanya mabadiliko ya ujenzi kwa viwanja vya maonesho ya Nanenane. Kiwanja cha kwanza ni Nzuguni, Dodoma na Mwakangale, Mbeya katika hali ya kawaida tungesema tumehairisha shughuli za Nanenane mpaka tumalize hali ya ujenzi lakini tukasema Nanenane itaendelea na ujenzi utaendelea kwa wakati mmoja. Ujenzi umeanza wa uwanja huu na ujenzi huo utakuwa ni wa awamu tatu mpaka utakapokamilika na awamu ya kwanza ndio imeanza na ilikuwa shughuli ya kuondoa watu waliokuwa wamevamia eneo hili tunawahukuru sana wao wenyewe kwa hiari yao walikubali kuondoka kwasababu wanaamini eneo hili ni mali ya serikali”, alisema Waziri Bashe.

“Serikali imeanza na ujenzi wa uzio, uwanja huu utakuwa na maeneo ya vipando, uwanja huu utakuwa na onesho la mifugo, uwanja huu utakuwa na maonesho ya shughuli za uzalishaji mwaka mzima. Lakini ndani ya uwanja huu kutakuwa na eneo la ‘conference facility’ na mikutano. Vilevile, kutakuwa na eneo la ‘incubation centre’ kwa ajili ya vijana wanaofanya teknolojia na hivi sasa shughuli za ujenzi zimeanza mpaka awamu zote zitakapokamilika. Serikali itatumia zaidi ya shilingi bilioni 40 kukamilisha miundombinu yote ya uwanja wa Nanenane Nzuguni Dodoma”, alisema Waziri Bashe.

Aidha, alimtaarifu Waziri Mkuu wa Tanzania aliyekuwa mgeni rasmi kuwa baada ya kukamilisha viwanja vya Nzuguni na Mwakangale wataenda hatua ya pili ambayo itahusisha viwanja vya Morogoro, Arusha, Lindi na Tabora.

Habari hii imehaririwa na Emmanuel Lucas kwa kushirikiana na Fadiga James

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more