Wananchi 2,700 Kunufaika, Mradi wa Ukarabati Maji Taka

By Halmashauri ya Jiji la Dodoma

Na. Faraja Mbise, KIWANJA CHA NDEGE

Takribani wakazi 2,700 wanatariwa kunufaika na mradi wa ukarabati wa mtandao wa maji taka unaotekelezwa na Mamlaka ya Maji safi na Usafi wa Mazingira Dodoma (DUWASA) katika Mtaa wa Area C na D, Kata ya Kiwanja cha Ndege, jijini Dodoma.


Hayo yalisemwa na Mhandisi wa Maji taka DUWASA, Mhandisi Yohana Koroso alipokuwa anawasilisha taarifa ya mradi wa ukarabati wa mtandao wa Maji taka katika eneo la Area C na D wakati wa ziara ya Kamati ya Siasa ya Chama Cha Mapinduzi (CCM) Wilaya ya Dodoma.

Mhandisi Koroso alisema “mradi unagharimu jumla ya shilingi bilioni 4.9 ambao utawezesha jumla ya watu 2,700 kunufaika na mradi huo katika uondoaji wa Maji taka”.

Akizungumza wakati wa ziara ya Kamati ya Siasa ya Chama Cha Mapinduzi (CCM) Wilaya ya Dodoma, alisema ukarabati wa miundombinu ya Maji taka una urefu wa Kilomita 19 za mabomba ya plastiki (PVC). Mhandisi Koroso alisema “ukarabati wa miundombinu ya maji taka maeneo ya Area C na D wenye urefu wa Kilomita 19 za mabomba ya plastiki (PVC) kuanzia kipenyo cha 160mm hadi 315mm”.

Sambamba na hilo, alisema utekelezaji wa kazi za mradi na hatua zilizofikiwa kwa kiwango cha ukamilifu wa mradi huo ni jumla ya asilimia 96. “Kazi za mradi na hatua zilizofikiwa kwa sasa ni ulazaji wa mabomba mapya ya plastiki daraja B na viungio vyake, yenye kipenyo kuanzia 160mm mpaka 315mm ambao umefikia jumla ya mita 19,159 za mabomba kati ya mita 20,274 zimelazwa na ukamilifu wake ni asilimia 94.5. Ujenzi wa jumla ya chemba 936 kati ya 962 zimejengwa na kazi inaendelea ambapo imekamilika kwa asilimia 97.3” alisema Mhandisi Koroso.

Hata hivyo, alisema kuwa kutokana na changamoto kadha wa kadha hasa kuchelewa kwa malipo ya hati mbalimbali za madai ya Mkandarasi, imepelekea mradi kutokukamiliaka ndani ya muda uliopangwa.

Mradi huo wa Maji taka uliandaliwa na DUWASA kwa kushirikiana na Wizara ya Maji, utekelezaji wake unafanywa na Mkandarasi Shanxi Constructions Engineering Corporation and Mineral Company chini ya usimamizi wa DUWASA.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more

DC Shekimweri apongeza Jiji la Dodoma kupandisha ufaulu

By Halmashauri ya Jiji la Dodoma
Image
Na. Aisha Ibrahim, DODOMA Mkuu wa Wilaya ya Dodoma, Alhaj Jabir Shekimweri, amewapongeza wadau na waratibu wa elimu kwa kazi nzuri wanayoifanya ya kuhakikisha ufaulu wa wanafunzi ngazi ya msingi na sekondari unazidi kupanda kila siku katika Jiji la Dodoma. Alitoa pongezi hizo katika kikao cha wadau wa elimu na kuutambulisha mfuko wa lishe shuleni wa mwaka 2025, kilichofanyika ukumbi wa Vijana uliopo Kata ya Kiwanja cha Ndege, jijini Dodoma. Akizungumza katika kikao hicho alisema kuwa, lengo la Rais wa awamu ya sita, Dkt. Samia Suluhu Hassan, kuanzisha mpango wa lishe bora shuleni ni kukuza ufaulu wa wanafunzi na kuenzi kauli za Baba wa Taifa, Mwalimu Julius Kambarage Nyerere, isemayo “Elimu tunayohitaji siyo tu ya kujua kusoma na kuandika bali ni elimu ya kujenga jamii yetu ya kufanya tuwe na uwezo wa kufanya kazi na kuleta maendeleo kwa wengine”. Aliongeza kuwa, chini ya utawala wa Rais wa awamu ya sita, Dkt. Samia Suluhu Hassan, serikali imejitahidi kuboresha na kutekeleza kw...
Read more