Bilioni 9.1 yanufaisha vikundi kwa Mwaka 2020-2023

By Halmashauri ya Jiji la Dodoma

Na. Faraja Mbise, IPAGALA

Halmashauri ya Jiji la Dodoma ilitoa takribani ya shilingi bilioni 9.1 kwa ajili ya kuwezesha vikundi vya wanawake, vijana na watu wenye ulemavu ndani ya kipindi cha Mwaka 2020 hadi 2023.



Hayo yalisemwa na Kaimu Afisa Maendeleo ya Jamii, Halmashauri ya Jiji la Dodoma, Patrick Sebyiga alipofanyiwa mahojiano na waandishi wa habari, mara baada ya kumalizika kwa ziara ya Kamati ya Siasa ya Chama Cha Mapinduzi Wilaya ya Dodoma kukagua miradi ya maendeleo inayotekelezwa katika Jiji la Dodoma.

“Kwa mikopo ya asilimia 10 kwa ajili ya wanawake, vijana na watu wenye ulemavu, kuanzia Mwaka 2020 hadi 2023, Halmashauri ya Jiji la Dodoma imetoa kiasi cha shilingi bilioni 9.1 ikiwa na maana vikundi 767 vimepata mkopo. Vikundi vya akina mama 407, vijana 279 na watu wenye ulemavu 81 hii ni sawa na watu 4,883 wamenufaika na mkopo wa asilimia 10” alisema Sebyiga.

Akizungumzia kuhusu faida za mkopo wa asilimia 10, alisema kuwa mkopo huo una faida kubwa sana na unawawezesha kuongeza kipato chao na kuboresha maisha yao kwa ujumla. “Mikopo ya asilimia 10 kwakweli imewasaidia watu wengi, mfano kikundi tulichotembelea leo, umeona ufugaji unaoendelea pale pamoja na wao kuweka nguvu yao na serikali imeweka nguvu pale kwa kiasi walichopata kimewasaidia sana takribani shilingi milioni 20. Hivyo, imewasaidia maisha yao na hata kipato chao kinakua” alisema Sebyiga.

Sambamba na hilo alisema kuwa kuna changamoto katika kufanya marejesho hasa kwa vikundi vya vijana kutokana na kufanya vitu ambavyo ni tofauti na walivyovikusudia kufanya pindi walipoomba mkopo huo. “Wenye changamoto kubwa ya kurudisha mikopo ni vijana, kwasababu wanapochukua hii mikopo muda mwingine wanafanya shughuli ambazo wanakuwa hawajaandika kwenye andiko lao. Natoa ushauri kwamba, wanapochukua hii mikopo basi wafanye kile ambacho wamekipanga” alisema Sebyiga.

Pia alitoa rai kwa wananchi wenye vigezo vya kupata mikopo hiyo kuchangamkia fursa kwasababu mikopo hiyo imeletwa kwa ajili yao. Sebyiga alisema “tunawahamasisha wananchi waende kwenye kata zao watume maombi na waombe, hii pesa ipo kwa ajili yao waweze kupata hii mikopo ili iweze kuwasaidia katika shughuli zao za kimaendeleo”.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more