Diwani Makole asema neno kwa Machinga Dodoma

By Halmashauri ya Jiji la Dodoma

Na. Shahanazi Subeti, MAKOLE

Diwani wa kata ya Makole, Halmashauri ya Jiji la Dodoma Omary Haji amewapongeza wafanyabiashara wadogo wadogo (Machinga) wa Mkoa wa Dodoma kwa kuwa na umoja na mshikamano katika utendaji wa kazi kwa lengo la kujikwamua kiuchumi.



Aliyasema hayo wakati wa makabidhiano rasmi ya Ofisi ya Viongozi wa Machinga Mkoa wa Dodoma iliyojengwa Kata ya Makole ambayo imegharimu shilingi milioni 56 zikiwa ni jitihada za Rais wa Jamhuri ya Muungano wa Tanzania, Dkt. Samia Suluhu Hassan kwa kuona umuhimu wa Machinga katika taifa.

Haji alisema “nawashukuru sana Machinga wa Mkoa wa Dodoma, wakiongozwa na wenyeviti wao na viongozi wengine kwa kuweza kuungana katika kufanikisha ujenzi wa ofisi hii na kwakuwa Dkt. Samia Suluhu Hassan ameweza kuwatambua Machinga wa Dodoma na kuwajengea ofisi katika eneo hili linaweza kuwasaidia na kuwarahisishia shughuli zenu za kibiashara. Kwahiyo, ni wazi kabisa mtalitunza na kulithamini vizuri jengo hili”.

Sambamba na hilo alimpongeza Rais wa Jamhuri ya Muungano wa Tanzania, Dkt. Samia Suluhu Hassan kuwa utu na kuthamini wafanyabiashara wadogo wadogo (Machinga) kwa kufanya mapinduzi katika Kata ya Makole. “Kwahiyo, nina imani kabisa mtalienzi vizuri jengo hili na kama mnavyoliona jengo ni la kisasa zaidi na mmewekewa 'furniture' nzuri lakini mmependezeshewa na jengo lenu ni zuri kuliko hata ofisi ya kata” alisema Haji.



Pia aliongezea kwa kuwataka Machinga kuweza kuwa makini na miundombinu ya ofisi ili iendelee kuwa imara zaidi. “Leo tunaikabidhi ofisi hii, ambayo ndani imekamilika kila kitu, sasa ni jukumu lenu kuweza kusimamia vizuri kwa umakini na kuweza kuhakikisha kwamba vitu vyote  vilivyopo hapa vipo salama. Lakini kutunza mazingira ya eneo lenu la kazi kwa kupanda miti, nina imani kabisa kwa umoja wenu hili jengo linaenda kuwa jipya siku zote. Pia muweze kushirikiana na wenzenu ambao wapo hapa, kuwepo kwenu kwenye Kata ya Makole kunaweza kuchangia haswa maendeleo katika soko letu” alisema Haji.

Mkuu wa Divsheni ya Maendeleo ya Jamii Halmashauri ya Jiji la Dodoma, Charity Sichona, alielezea kuwa ujenzi wa Ofisi ya Machinga Mkoa wa Dodoma Rais wa Jamhuri ya Muungano wa Tanzania, Dkt. Samia Suluhu Hassan alitoa agizo kwa serikali kwamba kila mkoa kujenga ofisi kwa ajili ya viongozi wa Machinga kwa lengo la kurahisisha utoaji huduma kwa wafanyabiashara hao. “Kwahiyo, mara ya kwanza alitoa shilingi milioni 10 kwa kila mkoa kwa kuanza ujenzi. Baada ya ile shilingi milioni 10 kukamilisha ujenzi wake, Halmashauri ya Jiji la Dodoma iliongezea shilingi milioni 26.2 kwa ajili ya kuendeleza ujenzi. Hadi kufikia hatua ya kukamilika kwa jengo hili jumla ya shilingi milioni 56 zimetumika” alisema Sichona.



Pia alimalizia kwa kusema kuna haja ya wafanyabiashara wadogo wadogo kuweza kupata huduma kutoka kwa viongozi wao. “Sasa tuwakibidhi viongozi waweze kutumia ofisi hii kutoa huduma kwa wafanyabiashara wao. Pia shughuli za uzinduzi rasmi zitakuja kufanyiwa na viongozi wakubwa. Lakini sasa hivi tukabidhi kwasababu kumekuwa kuna uhitaji wa wafanyabiashara wadogo wadogo kupata huduma kwa haraka zaidi” alisema Sichona.

Nae Mwenyekiti wa Christian Msumari, alimpongeza Rais wa Jamhuri ya Muungano wa Tanzania, Dkt. Samia Suluhu Hassan kwa kufanya jambo kubwa lenye kuleta tija katika maendeleo ya Machinga ya kuwa na ofisi ya kusemea kero zao. “Kwasababu hapo mwanzo tulikuwa hatuna sehemu yoyote ya kutolea huduma zetu, lakini kwasasa hivi limekuja jambo la kheri na ni jambo zuri la serikali ya awamu ya sita kwa kututambua na kutuheshimisha, kutujengea ofisi zetu na sehemu za kutolea huduma kama viongozi. Mwanzoni tulionekana kama wahuni, ila sasahivi tunaonekana ni wafanyabiashara wadogo wadogo ambao tupo kwenye mpango wa kukua kwenda kuwa wafanyabiashara wakubwa” alisema Msumari.

Aidha, Mwenyekiti wa wafanyabiashara wa matunda katika Soko la Makole, Denis Athumani, aliishukuru serikali kwa kuona mchango wa wafanyabiashara wadogo wadogo katika kuleta maendeleo. “Vilevile, tunamshukuru kwa kutuletea katika eneo letu la kata ya Makole ambapo nasisi tunaungana na wenzetu katika harakati zetu za utafutaji. Kwahiyo, tunashukuru serikali kwa kutambua umuhimu wetu na fursa hii waliyotupa ili mradi mawazo yetu ya pamoja tuungane katika eneo moja kwa lengo la kuyafikisha ndani ya serikali” alisema Athumani.

MWISHO

 

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more

DC Shekimweri apongeza Jiji la Dodoma kupandisha ufaulu

By Halmashauri ya Jiji la Dodoma
Image
Na. Aisha Ibrahim, DODOMA Mkuu wa Wilaya ya Dodoma, Alhaj Jabir Shekimweri, amewapongeza wadau na waratibu wa elimu kwa kazi nzuri wanayoifanya ya kuhakikisha ufaulu wa wanafunzi ngazi ya msingi na sekondari unazidi kupanda kila siku katika Jiji la Dodoma. Alitoa pongezi hizo katika kikao cha wadau wa elimu na kuutambulisha mfuko wa lishe shuleni wa mwaka 2025, kilichofanyika ukumbi wa Vijana uliopo Kata ya Kiwanja cha Ndege, jijini Dodoma. Akizungumza katika kikao hicho alisema kuwa, lengo la Rais wa awamu ya sita, Dkt. Samia Suluhu Hassan, kuanzisha mpango wa lishe bora shuleni ni kukuza ufaulu wa wanafunzi na kuenzi kauli za Baba wa Taifa, Mwalimu Julius Kambarage Nyerere, isemayo “Elimu tunayohitaji siyo tu ya kujua kusoma na kuandika bali ni elimu ya kujenga jamii yetu ya kufanya tuwe na uwezo wa kufanya kazi na kuleta maendeleo kwa wengine”. Aliongeza kuwa, chini ya utawala wa Rais wa awamu ya sita, Dkt. Samia Suluhu Hassan, serikali imejitahidi kuboresha na kutekeleza kw...
Read more