Dakika 5 kila Mkutano wa Baraza la Madiwani kupata dondoo za Afya Dodoma

By Halmashauri ya Jiji la Dodoma

Na. Dennis Gondwe, DODOMA

Mkutano wa Baraza la Madiwani wa Halmashauri ya Jiji la Dodoma umetenga dakika tano kwa ajili ya kupata elimu ya masuala mbalimbali ya Afya ili kuwajengea uelewa mpana madiwani.



Kauli hiyo ilitolewa na Mwenyekiti wa Mkutano wa Baraza la Madiwani, Prof. Davis Mwamfupe baada ya kuwasilishwa taarifa ya umuhimu wa siku ya Afya na Lishe ya Mtaa (SALIKI) katika mkutano wa Maraza la Madiwani uliofanyika katika ukumbi wa mikutano wa Halmashauri ya Jiji la Dodoma.

Prof. Mwamfupe alisema alipendekeza kuwa kutokana na maelezo mazuri yaliyotolewa na Mkuu wa Divisheni ya Afya, Ustawi wa Jamii na Lishe kuhusu maana na umuhimu wa siku ya afya na lishe ya mtaa na lishe kwa ujumla kuna haja ya kutenga dakika tano katika kila mkutano wa baraza la madiwani kupata dondoo muhimu za afya.

Awali akielezea maana ya Saliki, Mkuu wa Divisheni ya Afya, Ustawi wa Jamii na Lishe, Dkt. Sebastian Pima alisema kuwa Saliki ni siku ya afya na lishe ya mtaa. “Siku hii ni mjumuisho wa huduma zinazofanyika kwenye jamii nia ikiwa ni kutoa elimu ya masuala yanayohusu afya. Mafunzo ya uandaaji chakula kwa kutumia vyakula vinavyopatikana katika maeneo ya jamii husika, utoaji wa chanjo, kuandaa bustani viroba, afya ya uzazi na kukabiliana na ukatili wa kijinsia” alisema Dkt. Pima.

Katika mkutano huo, Katibu, Joseph Fungo alizitaja kata zilizofanya vizuri katika eneo la lishe kuwa ni Chamwino iliyoshika nafasi ya kwanza ikipewa zawadi ya cheti na shilingi 500,000. Kata ya Ipala mshindi wa pili ilipewa cheti na shilingi 300,000 na Kata ya Chihanga mshindi wa tatu ilipata cheti na shilingi 200,000.

Akifafanua alisema kuwa mshindi wa kwanza kigezo ni kufanya Saliki kwa ubora na kufuata mwongozo. “Mshindi wa pili kigezo ni kufanya Saliki kwa mitaa yote na mshindi wa tatu kuboresha huduma za Saliki” alisema Fungo.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more