Kata ya Mnadani kuwatambua watoto wenye mahitaji maalum

By Halmashauri ya Jiji la Dodoma

Na. Dennis Gondwe, MNADANI

JAMII imetakiwa kuhakikisha watoto wenye umri wa kuandikishwa shule za msingi wanaandikishwa kwa wakati waweze kupata elimu kwa mujibu wa sheria.

Afisa Elimu Kata ya Mnadani, Robert Tesha akiongea na wananchi


Kauli hiyo ilitolewa na Afisa Elimu Kata ya Mnadani, Robert Tesha alipokuwa akiongea kwenye mkutano wa hadhara wa wananchi wa Mtaa wa Mnadani katika Kata ya Mnadani jijini Dodoma.

Tesha alisema “zoezi la uandikishaji kwa shule za msingi limeanza tangu mwezi Oktoba mwaka huu. Watoto wanaoandikishwa ni darasa la awali kuanzia miaka minne hadi mitano na darasa la kwanza miaka sita hadi nane na uandikishaji hauna gharama yoyote. Mzazi unapokwenda unatakiwa kwenda na cheti cha mtoto cha kuzaliwa na kama hauna unapitia kwa Afisa Mtendaji wa Mtaa anakuandikia barua na majina kamili ya mwanafunzi kwa sababu majina yanaingizwa kwenye mfumo na hilo jina halitabadilika mpaka chuo kikuu. Niombe sana waleteni watoto tuwaandikishe shule, madarasa yameshajengwa na mama Dkt. Samia Suluhu Hassan sasa hivi tunahitaji watoto tuwaandikishwe na mwisho wa kuandikisha ni tarehe 31 Desemba, 2023 tunapofungua shule tarehe 8 Januari, 2024 ni kusoma tu” alisisitiza Tesha.

Wakati huohuo, alikemea uanzishaji wa shule kiholela katika mitaa ya Kata ya Mnadani. “Niombe huku mtaani katika Kata ya Mnadani kuna vishule vidogo vidogo. Hivyo, haviruhusiwi, lazima uwe na kibali na kusajiliwa, kuna wengine wakiniona wanakimbia, shule za awali kata nzima ya Mnadani zilizosajiliwa ni tano tu, wengine wote hawajasajiliwa. “Naomba tuwaandikishe watoto kwenye shule rasmi. Shule zetu zote za serikali za msingi zina madarasa ya awali, tuwapeleke watoto huko, kwenye shule hizo zenye usajili rasmi, watoto wanapokwenda darasa la kwanza wanajua kusoma na kuandika.” alisema Tesha.

MWISHO

 


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more