Serikali awamu ya sita yaipaisha Mnadani

By Halmashauri ya Jiji la Dodoma

 Na. Dennis Gondwe, MNADANI

SERIKALI ya awamu ya sita inayoongozwa na Rais, Dkt. Samia Suluhu Hassan imetoa fedha nyingi za kutekeleza miradi ya maendeleo katika sekta ya elimu kwenye Kata ya Mnadani ikiwa ni pamoja na ujenzi wa shule mpya za msingi zinazojengwa kwenye Kata ya Mnadani hii imesaidia kuboresha miundombinu ya kujifunzia na kufundishia.

Dkt. Samia Suluhu Hassan,
Rais wa Jamhuri ya Muungano wa Tanzania


Kauli hiyo ilitolewa na Afisa Mtendaji Kata ya Mnadani, Caroline Massawe alipokuwa akielezea mafanikio ya serikali ya awamu ya sita katika mkutano wa hadhara wa wananchi wa Mtaa wa Mnadani uliofanyika katika ofisi ya kata hiyo.

Massawe alisema kuwa kwa asilimia kubwa mafanikio mengi ya sekta ya elimu katika Kata ya Mnadani yametokana na serikali ya awamu ya sita chini ya uongozi wa Rais, Dkt. Samia Suluhu Hassan. Mafanikio katika sekta ya elimu ni uongezekaji wa miundombinu shuleni, idadi ya wanafunzi imeongezeka, shule mpya kuanzishwa, mafunzo ya walimu kazini, aliongeza. “kupitia serikali ya awamu ya sita inayoongozwa na Mheshimiwa Dkt. Samia Suluhu Hassan, Kata ya Mnadani kupitia Shule ya Msingi Mbwanga tumepokea fedha shilingi 318,800,000 kwa ajili ya ujenzi wa shule mpya ya msingi Jitegemee yenye vyumba tisa vya madarasa, jengo la utawala na matundu 18 ya vyoo, ujenzi umekamilika na sasa wanafunzi wanaendelea na masomo na hii imetokana na ongezeko kubwa la wanafunzi Shule ya Msingi Mbwanga kutokana na ongezeko hilo serikali ya awamu ya sita imeona ni vema ikapatikana shule mpya ili iweze kusaidia wanafunzi. Ujenzi huu wa shule mpya umesaidia kuodoa msongamano Shule ya Msingi Mbwanga, imesaidia kupunguza kutembea kwa umbali mrefu kwa watoto kwenda Shule ya Msingi Mbwanga, shule mpya imesaidia watoto wa kata jirani kuja kusoma pale kama Chang’ombe na Miyuji na shule hii ya mpya ya Jitegemee imechukua watoto kutoka mtaa jirani wa Ndachi, Mnadani, Miyuji na Chang’ombe B. Kwa ambao hamjafika Shule mpya ya Jitegemee mfike shuleni pale muone jinsi serikali yenu inavyowajali wananchi wake kwa kuwasogezea huduma ya elimu kwa watoto wetu” alisema Massawe.

Pia Shule ya Msingi Ndachi tokea mwaka 2021 mpaka 2023 imepokea shilingi 125,000,000 kwa ajili ya ujenzi wa vyumba vitano vya madarasa ambavyo vimekamilika na vinatumika. “Madawati 50 yametolewa na matundu 12 ya vyoo na chumba kimoja cha ofisi. Shule ya msingi Ndachi ilikua na changamoto ya vyoo hadi kuna kipindi tulihisi shule inaweza kufungwa hivyo, napenda kumshukuru Mkurugenzi wa Halmashauri ya Jiji la Dodoma kufanikisha ujenzi wa matundu 12 ya vyoo kupitia mapato ya ndani” alisema Massawe.

Kwa Shule ya Msingi Mnadani, alisema kuanzia mwaka 2021-2023 imepokea shilingi 57,000,000 kwa ajili ya ujenzi wa vyumba viwili vya madarasa ambavyo vimekamilika na vinatumika hivi sasa. “Kukamilisha darasa moja lililojengwa kwa nguvu ya wananchi, niwapongeze sana wananchi wa Mtaa wa Mnadani mkiongozwa na Mwenyekiti wenu wa Serikali ya Mtaa, Ndugu Wawa kwa kujenga darasa moja na sasa serikali imetoa fedha kwa ajili ya kulikamilisha ujenzi huo, hongerani sana wananchi wa mtaa wa mnadani. Pia, Madawati 50 ya wanafunzi yalitolewa” aliongeza.

Shule ya Msingi Mbwanga kuanzia mwaka 2021 hadi sasa fedha zilizotolewa ni shilingi 95,000,000. “Vyumba sita vya madarasa vimejengwa na vinatumika, matundu 12 ya vyoo yamejengwa na yanatumika. Mtakumbuka tulikuwa na changamoto ya vyoo, lakini serikali ya mama Samia Suluhu Hassan imetujengea vyoo vipya na vizuri. Pia tunaishukuru serikali kwa kutujengea shule mpya shikizi inayojengwa eneo la Matuli kwa kutuletea shilingi 40,000,000 mapato ya ndani ya halmashauri na jengo hivi sasa lipo hatua ya upauaji. Shule hii itasaidia sana kwasababu Matuli hakuna shule hivyo, watoto wanaokaa huko hutembea umbali mrefu kufuata shule ambayo ni Shule ya Msingi Ndachi, shule hii itawasaidia watoto wanaokaa Matuli kutembea umbali mfupi na itachochea muamko wa wazazi kupeleka watoto shule” alisema.

Alisema kuwa kata hiyo inajivunia ongezeko la miundombinu ya Shule ya Sekondari Miyuji kuanzia mwaka 2021 mpaka 2023. Alisema kuwa walipokea shilingi 227,000,000 kwa ajili ya kujenga vyumba vya madarasa 10, maabara moja ya sayansi, matundu sita ya vyoo na karo la maji taka. “Serikali inawekeza sana katika sekta ya elimu ikiamini elimu ni msingi wa maendeleo. Na matarajio yetu mwakani mwezi Januari uandikishaji wa watoto darasa la awali kuongezeka tunapenda watoto wote wenye umri wa kuanza shule wawe shuleni kwa sababu shule tunazo za kutosha” alisema Massawe.

Ikumbukwe kuwa Kata ya Mnadani kwa mujibu wa Sensa ya watu na makazi ya mwaka 2022 ina jumla ya wakazi 44,311, kati yao wanawake ni 21,586 na wanaume ni 22,725.

MWISHO


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more