Wananchi wahamasishwa kujitokeza kuapata huduma Kanda ya Viwandani, Dodoma

By Halmashauri ya Jiji la Dodoma

Na. Veronica John, DODOMA  

Mkuu wa Kanda ya utoaji huduma ya Viwandani katika Halmashauri ya Jiji la Dodoma, Lucas Nkelege amewataka maafisa waliopangwa katika kanda hiyo kuhamasisha wananchi wote wanaojitokeza kupata huduma wanapatiwa huduma kwa viwango vya juu ili waweze kujivunia utendaji kazi wa wafanyakazi hao wa serikali.



Kauli hiyo aliitoa alipokuwa akiongea na wafanyakazi waliopangwa katika kanda hiyo na viongozi wa serikali za mitaa katika kuitambulisha kanda ya utoaji huduma ya Viwandani iliyopo katika jengo la Soko la wazi la Machinga, eneo la Bahi road jijini Dodoma.

Alisema kuwa moja ya jambo muhimu ni kuhakikisha wananchi wa kata zote wanapata huduma kwa urahisi. “Katika kanda hii ya Viwandani, tuna kata saba ambazo tutazihudumia. Hivyo, nitumie nafasi hii kuwasisitiza tu utoaji huduma bora na za viwango ili wananchi wafurahie utumishi wetu. Huduma zote zitatolewa hapa, ila nisisitize zaidi eneo la utoaji wa leseni za biashara na ushuru wa huduma. Nimeamua kutaja huduma hizi mbili ambazo ilikuwa lazima kuzifuata ofisi kuu ya halmashauri. Kwa mapenzi mema ya serikali kwa wananchi wake ikaona iwasogezee huduma kwa ukaribu katika maeneo yenu” alisema Nkelege.

Kwa upande wake Afisa Biashara wa Halmashauri ya Jiji la Dodoma, Evodius Nkyabonaki alisema kuwa kupitia kikao hicho alitoa elimu ya masuala ya biashara na uendeshaji wake. “Kupitia kikao hiki pia tumepata nafasi ya kutoa mafunzo na elimu kwa maafisa na viongozi wa serikali za mitaa jinsi malipo ya leseni za biashara pamoja na ushuru wa huduma unavyotolewa na gharama ambazo kila aina ya biashara inapaswa kulipiwa. Hivyo, niwasisitize na maafisa wote kwenda katika kata zao na mitaa yao kutoa elimu hii kwa wananchi wote wanaojishughulisha na biashara. Pia, nawakumbusha maafisa watendaji wote wa kata na mitaa wawe wanapita kwenye mitaa yao na kufanya ukaguzi kuhakikisha wafanyabiashara wana leseni za biashara kwa mujibu wa sheria” alisema Nkyabonaki.



Alisema kuwa wafanyabiashara wanatakiwa kuwa na vitambulisho ambavyo watavitumia kufanya maombi ya leseni za biashara. Pia alitoa rai kwa wafanyabiashara wote katika kanda hiyo kufika katika ofisi ya kanda ya huduma kwa ajili ya kukata leseni ya biashara.

Kwa upande wake, Afisa Afya wa Kata ya Kilimani, Loveness Lyimo alisema kuwa kupitia kikao hicho wamejifunza vitu vingi kutoka kwa afisa biashara na kuwahamasisha wananchi kujitokeza kupata huduma katika Kanda ya Viwandani. “Kwa kweli tunaishukuru sana Halmashauri ya Jiji la Dodoma kwa kusogeza huduma hizi karibu zaidi na wananchi kwasababu hapo awali wananchi wakihitaji huduma ilikuwa lazima waende hadi ofisi kuu ya jiji. Lakini kwa kupitia kanda tunaweza kupata huduma kwa urahisi tofauti na awali” alisema Lyimo.

Kanda ya utoaji huduma ya Viwandani inahudumia kata saba ambazo ni Viwandani, Majengo, Makole, Kilimani, Hazina, Uhuru pamoja na Madukani.




MWISHO

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more