Maziwa ya Mama ni kinga kamili kwa Mtoto

By Halmashauri ya Jiji la Dodoma

 Na. Leah Mabalwe, DODOMA

Wazazi wametakiwa kuhakikisha wanawanyonyesha watoto wao maziwa ya mama kwa kipindi kinachopaswa ili kuwajengea afya bora na kusaidia ukuwaji wa akili zao, hasa katika miaka ya awali.



Wito huo ulitolewa na Afisa Lishe wa Jiji la Dodoma, Alfa Fanuel wakati wa uzinduzi wa maadhimisho ya Wiki ya Unyonyeshaji Maziwa ya Mama Duniani, yanayofanyika kuanzia tarehe 1-7 Agosti, 2025 uliofanyika katika Kituo cha Afya Ilazo, katika Halmashauri ya Jiji la Dodoma.

Alisema kuwa unyonyeshaji wa maziwa ya mama pekee kwa miezi sita ya mwanzo ni msingi muhimu wa afya ya mtoto, na huchangia kwa kiasi kikubwa katika ukuwaji wa ubongo na kinga dhidi ya magonjwa mbalimbali. “Utafiti unaonesha kuwa watoto wanaonyonyeshwa ipasavyo huwa na uwezo mzuri wa kiakili, kuwa na kinga thabiti ya mwili, huwa na nafasi kubwa ya kuepuka utapiamlo na maradhi ya mara kwa mara” alisema Fanuel.

Aidha, alihimiza jamii kuondoa mila na desturi zinazokatisha unyonyeshaji wa maziwa ya mama kwa mtoto. “Wajibu wa baba pamoja na jamii kwa ujumla kuwapa wanawake msaada wa kihisia na kimazingira ili waweze kunyonyesha kwa ufanisi, na kuepukana na mila potofu kuhusu kumnyonyesha mtoto” alisema Fanuel.



Kwa upande wake mwananchi wa Kata ya Nzuguni, Amina Juma alitoa wito kwa akina mama kuhakikisha wanawanyonyesha watoto wao kwa kipindi kilichopendekezwa na wataalamu wa afya na kuwapongeza watumishi wa Kituo cha Afya Ilazo kwa kuwapatia elimu hiyo. “Ni wajibu wa kila mama kuhakikisha mtoto ananyonyeshwa kwa miezi sita ya mwanzo bila kupewa chakula kingine chochote. Hii ni kinga ya asili inayosaidia mtoto kuwa mwenye afya bora na akili kwa ujumla na niwapongeze watumishi kwa kutupatia elimu hii na sisi tutakuwa wajumbe wazuri kwa kuwaelimisha akina mama wengine” alisema Juma.

Maadhimisho hayo yameambatana na elimu kwa wazazi kuhusu lishe bora, unyonyeshaji na umuhimu wa huduma za afya za mara kwa mara kwa watoto wachanga.

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more

IAA Tawi la Dodoma kuendelea kulea wataalam kwa vitendo

By Halmashauri ya Jiji la Dodoma
Image
Na. Alex Sonna, DODOMA CHUO cha Uhasibu Arusha (IAA) – Tawi la Dodoma, kimeendelea kuwa kinara katika kutoa elimu ya vitendo kwa vijana nchini, tangu kuanzishwa kwake mwaka 2021 kwa kuanza na programu tatu za diploma. Akizungumza katika banda la Chuo hicho katika Maonesho ya Kitaifa ya Wakulima (NaneNane) yanayoendelea katika Uwanja wa Nzuguni, jijini Dodoma, Meneja wa tawi hilo, Dkt. Grace Temba, alisema kuwa chuo hicho ni sehemu ya mtandao wa kitaaluma unaojumuisha kampasi mama iliyopo Dar es Salaam, pamoja na matawi mengine yaliyopo Babati, Songea, Bukombe, Arusha, na Dodoma yenyewe. “Tunapokea wanafunzi kuanzia ngazi ya kidato cha nne ambao husoma kwa miaka mitatu, wakijifunza kupitia mitalaa ya kisasa inayolenga kuwaandaa kwa soko la ajira la sasa na la baadaye,” alisema, Dkt. Temba. Kwa sasa, IAA inatoa jumla ya programu 38 katika nyanja mbalimbali ikiwa ni pamoja na Uhasibu, Usimamizi wa Fedha, Uhasibu wa Kodi, Uongozi na Utawala wa Biashara, Masoko, na Usimamizi wa Ununuz...
Read more