DC Shekimweri awakaribisha wananchi kushiriki maonesho ya Nanenane

By Halmashauri ya Jiji la Dodoma

Na. Tutindaga Nkwindi, DODOMA

Mkuu wa Wilaya ya Dodoma, Alhaj Jabir Shekimweri ametoa pongezi kwa Rais wa Jamhuri ya Muungano wa Tanzania, Dkt. Samia Suluhu Hassan kwa kufanya maboresho ya miundombinu katika viwanja vya maonesho ya Siku ya Wakulima Duniani.


Hayo aliyasema wakati alipokuwa akizungumza na waandishi wa habari na kuwakaribisha wananchi wote wa Jiji la Dododma na vionga vyake katika maonesho ya Siku ya Wakulima Duniani yanayohusu tasnia ya uvuvi, kilimo na mifugo yatakayofanyika katika viwanja vya Nanenane vilivyopo Kata ya Nzuguni, jijini Dodoma.

Alisema kuwa kwa maonesho ya wakulima duniani kwa mwaka 2025 katika Jiji la Dodoma yamekuwa na mabadiliko ya hali ya juu. “Kupitia maelekezo ya Rais wa Jamhuri ya Muungano wa Tanzania, Dkt. Samia Suluhu Hassan alitaka mahema yajengwe ya kisasa na ya kudumu. Hivyo, maagizo hayo tumetekeza kwa kiasi kikubwa. Pia kwa upande wa barabara tumeweka miundombinu mizuri ya barabara ili kuepusha vumbi. Hivyo, kwa wale watakaokuja katika viwanja vya maonesho hawatapata vumbi kwa kuwa miundombinu imeboreshwa” alisema Alhaj Shekimweri.

Pia aliongeza kwa kusema kuwa maonesho hayo yatakuwa ya kimataifa, kutakuwa na nchi nane kutoka ukanda wa Afrika zitakazohudhuria na kufanya maonesho katika Jiji la Dodoma. “Kumekuwa na muamko mkubwa hususani katika taasisi na wadau wa kilimo, mifugo na uvuvi ambapo wadau wa kilimo zaidi ya 640 wamejisajili kuhudhuria. Hivyo, kwa maonesho ya mwaka huu yatakuwa yamefana sana kutokana na ongezeko kubwa wadau watakaohudhuria kutoka nchi mbalimbali” alisema Alhaj Shekimweri.

Aidha, mkuu huyo wa Wilaya ya Dodoma aliwakaribisha wananchi wote wanaohitaji kujifunza mambo mbalimbali kuhudhuria katika maonesho hayo kwasababu ni bure, yatakayoanza tarehe 01.08.2025 na kufunguliwa na Makamu wa Rais, Dkt. Phillip Mpango na kufungwa tarehe 08.08.2025 na Rais, Dkt. Samia Suluhu Hassan.

 

Comments

Post a Comment

Popular Posts

Mfumo wa Ufuatiliaji na Tathmini ni nyenzo ya utendaji kazi serikalini – Dkt. Biteko

By Halmashauri ya Jiji la Dodoma
Image
Na. Mwandishi Wetu, Naibu Waziri Mkuu na Waziri wa Nishati, Dkt. Doto Biteko, amehitimisha Kongamano la Nne la Kitaifa la Ufuatiliaji, Tathmini na Kujifunza lililofanyika jijini Mwanza akiweka mkazo kuwa mfumo wa ufuatiliaji na tathmini ni nyenzo muhimu katika kuhakikisha kuwa kila taasisi inatimiza wajibu wake kwa ufanisi na hivyo kufikisha huduma bora kwa wananchi. Kutokana na hilo, Dkt. Biteko amewataka Wataalam wa Ufuatiliaji na Tathmini nchini kufanya kazi kwa uaminifu na uadilifu bila kuogopa kuchukiwa kwani taifa linawategemea ili kuweza kutoa huduma bora kwa wananchi. “Hakuna mtu au taasisi inayoweza kufanikisha majukumu yake bila kufanya tathmini, ninyi ndio mnaoweza kutambua changamoto mapema na kuzitafutia suluhisho kabla hazijawa kubwa, taasisi yoyote inayokosa mfumo huu inafanana na timu inayoingia uwanjani bila refa..” alisema Dkt. Biteko. Alitoa mfano kuwa katika sekta ya umeme, kabla ya kupeleka huduma hiyo eneo lolote lazima tathmni ifanyike ili kuepuka kurudia...
Read more

JIJI LA DODOMA KUPELEKA MIL 50 ZAHANATI YA KIKUYU

By Halmashauri ya Jiji la Dodoma
Image
Na. Dennis Gondwe, KIKUYU KASKAZINI SERIKALI kupeleka shilingi milioni 50 kukamilisha jengo la wodi ya wazazi katika Zahanati ya Kikuyu iliyopo Halmashauri ya Jiji la Dodoma kwa lengo la kuwafikishia huduma za afya wananchi. Mbunge Anthony Mavunde Kauli hiyo ilitolewa Mbunge wa Jimbo la Dodoma mjini, Anthony Mavunde alipokuwa akiongea na mamia ya wananchi wa Kata ya Kikuyu Kaskazini waliojitokeza kushiriki zoezi la usafi wa mazingira na upandaji miti kuzunguka Zahanati ya Kikuyu. Mavunde alisema “Mheshimiwa Mkuu wa Wilaya ya Dodoma jengo unaloliona kushoto kwako ni jitihada zangu mimi na diwani wa hapa. Habari njema ni kwamba kabla ya Jumatano wiki ijayo tunaingiza shilingi milioni 50 ambazo zitakwenda kukamilisha jengo hilo. Na nategemea mwezi Oktoba mwaka huu kina mama wataanza kuhudumiwa katika wodi ya wazazi”. Akiongelea historia ya jengo hilo, alisema kuwa mwaka 2020 aliwaahidi wananchi wa kata hiyo kujengewa wodi ya wazazi. “Nilikuja hapa nikiwa na Diwani Mwansasu nikakut...
Read more

WENZA WA VIONGOZI WASHAURIWA KUANZISHA BUSTANI ZA NYUMBANI

By Halmashauri ya Jiji la Dodoma
Image
Na. Dennis Gondwe, NZUGUNI WENZA wa viongozi katika Halmashauri ya Jiji la Dodoma wameshauriwa kuanzisha bustani za nyumbani ili kusaidia familia zao na wageni wanaowatembelea. Afisa Kilimo katika Halmashauri ya Jiji la Dodoma, Lucy Kway Kauli hiyo ilitolewa na Afisa Kilimo katika Halmashauri ya Jiji la Dodoma, Lucy Kway alipokuwa akiongelea umuhimu wa bustani za nyumbani kwa wenza wa viongozi wa Halmashauri ya Jiji la Dodoma alipokuwa akihamasisha kilimo cha bustani hizo kwenye Banda la Jiji la Dodoma katika viwanja vya Nanenane Nzuguni. Kway alisema “nichukue nafasi hii kuwashauri wenza wa viongozi katika Halmashauri ya Jiji la Dodoma kulima bustani za nyumbani kwa ajili ya kusaidia familia zao na wageni wanaowatembelea. Hii ni muhimu kwa sababu wenza wa viongozi ni mfano wa kuigwa katika jamii hivyo ni rahisi kwa watu kuiga mfano mzuri kutoka kwa wenza wa viongozi hapa Halmashauri ya Jiji la Dodoma”. Akiongelea kilimo hicho kwa wananchi na watumishi wanaohamia Makao Makuu Do...
Read more