DC Dodoma awapongeza wahitimu mafunzo ya stakabadhi

By Halmashauri ya Jiji la Dodoma

Na. Veronica Elias,

Mkuu wa Wilaya ya Dodoma, Alhaj Jabir Shekimweri amewapongeza wakufunzi wa semina ya usimamizi wa mafunzo ya stakabadhi kutoka wizarani na washiriki waliohitimu mafunzo hayo na kusema kuwa ni mafunzo muhimu.


Akizungumza na waandishi wa habari Shekimweri alisema kuwa mafunzo hayo yanaumuhimu kwa wakulima na wafanyabiashara kwasababu yanawawezesha kuona faida ya kile wanachokifanya pamoja na kupata mabalozi wengine kwaajili ya kwenda kutoa elimu kwa wakulima.

Alisema kuwa kutakuwa na mfumo rasmi wa kuratibu tasnia ya mazao mchanganyiko ilikusudi mkulima alindwe na anufaike na jasho lake kupitia nguvu na gharama alizopoteza kwenye uwekezaji huo Pamoja na wafanyabiashara kupata haki yao ya msingi kutokana na matarajio yao waliokusudia. “Najisikia furaha sana kufika katika semina hii kwasababu moja ya maoni yangu binafsi, mfumo wa stakabadhi wakati fulani unakutana na wapinzani kwa sababu ni kitu kipya ambacho hawakijui kwa muda huo. Hivyo, asilimia kubwa ya watu kukataa hayo mabadiliko ni maumbile ya kibinadamu. Moja ya ufumbuzi wa watu ambao wanapinga mfumo huu ni kutoa elimu na uhamasishaji wa mfumo wenyewe ambao ni meneja, watu wa rekodi, wasimamizi na watu wanaotunza kwenye maghala. Hapo wakipata mafunzo hata wakulima wanaokuja wanaweza kuwaelimisha na wanunuzi pia kwa namna moja ama nyingine” alisema Alhaj Shekimweri.

Mmoja wa washiriki wa mafunzo hayo, Zainabu Shomari alieleza kuhusiana na jinsi alivyonufaika na mafunzo na vitu vipya ambavyo amejifunza kupitia fursa hiyo. “Sipo kwenye kampuni ya aina yeyote bali nimekuja kwenye mafunzo kama mtu binafsi na katika msimu wa mafunzo 2025-2026 kitu kipya ambacho nimejifunza ni uingizaji wa ‘data’ kieletroniki. Pia na sheria ambazo zimewekwa zimetiliwa sana mkazo na ndizo zinatumika kurekebisha makosa maana kipindi cha nyuma watu walikuwa wanafanya makosa kwa makusudi. Wakulima watarajie mambo mazuri kupitia mazao yao na wakae wakijua yapo salama hata wanapokuwa wanatumia kuyapeleka ghalani” alisema Shomari.

 

 

Comments

Post a Comment

Popular Posts

Mfumo wa Ufuatiliaji na Tathmini ni nyenzo ya utendaji kazi serikalini – Dkt. Biteko

By Halmashauri ya Jiji la Dodoma
Image
Na. Mwandishi Wetu, Naibu Waziri Mkuu na Waziri wa Nishati, Dkt. Doto Biteko, amehitimisha Kongamano la Nne la Kitaifa la Ufuatiliaji, Tathmini na Kujifunza lililofanyika jijini Mwanza akiweka mkazo kuwa mfumo wa ufuatiliaji na tathmini ni nyenzo muhimu katika kuhakikisha kuwa kila taasisi inatimiza wajibu wake kwa ufanisi na hivyo kufikisha huduma bora kwa wananchi. Kutokana na hilo, Dkt. Biteko amewataka Wataalam wa Ufuatiliaji na Tathmini nchini kufanya kazi kwa uaminifu na uadilifu bila kuogopa kuchukiwa kwani taifa linawategemea ili kuweza kutoa huduma bora kwa wananchi. “Hakuna mtu au taasisi inayoweza kufanikisha majukumu yake bila kufanya tathmini, ninyi ndio mnaoweza kutambua changamoto mapema na kuzitafutia suluhisho kabla hazijawa kubwa, taasisi yoyote inayokosa mfumo huu inafanana na timu inayoingia uwanjani bila refa..” alisema Dkt. Biteko. Alitoa mfano kuwa katika sekta ya umeme, kabla ya kupeleka huduma hiyo eneo lolote lazima tathmni ifanyike ili kuepuka kurudia...
Read more

JIJI LA DODOMA KUPELEKA MIL 50 ZAHANATI YA KIKUYU

By Halmashauri ya Jiji la Dodoma
Image
Na. Dennis Gondwe, KIKUYU KASKAZINI SERIKALI kupeleka shilingi milioni 50 kukamilisha jengo la wodi ya wazazi katika Zahanati ya Kikuyu iliyopo Halmashauri ya Jiji la Dodoma kwa lengo la kuwafikishia huduma za afya wananchi. Mbunge Anthony Mavunde Kauli hiyo ilitolewa Mbunge wa Jimbo la Dodoma mjini, Anthony Mavunde alipokuwa akiongea na mamia ya wananchi wa Kata ya Kikuyu Kaskazini waliojitokeza kushiriki zoezi la usafi wa mazingira na upandaji miti kuzunguka Zahanati ya Kikuyu. Mavunde alisema “Mheshimiwa Mkuu wa Wilaya ya Dodoma jengo unaloliona kushoto kwako ni jitihada zangu mimi na diwani wa hapa. Habari njema ni kwamba kabla ya Jumatano wiki ijayo tunaingiza shilingi milioni 50 ambazo zitakwenda kukamilisha jengo hilo. Na nategemea mwezi Oktoba mwaka huu kina mama wataanza kuhudumiwa katika wodi ya wazazi”. Akiongelea historia ya jengo hilo, alisema kuwa mwaka 2020 aliwaahidi wananchi wa kata hiyo kujengewa wodi ya wazazi. “Nilikuja hapa nikiwa na Diwani Mwansasu nikakut...
Read more

WENZA WA VIONGOZI WASHAURIWA KUANZISHA BUSTANI ZA NYUMBANI

By Halmashauri ya Jiji la Dodoma
Image
Na. Dennis Gondwe, NZUGUNI WENZA wa viongozi katika Halmashauri ya Jiji la Dodoma wameshauriwa kuanzisha bustani za nyumbani ili kusaidia familia zao na wageni wanaowatembelea. Afisa Kilimo katika Halmashauri ya Jiji la Dodoma, Lucy Kway Kauli hiyo ilitolewa na Afisa Kilimo katika Halmashauri ya Jiji la Dodoma, Lucy Kway alipokuwa akiongelea umuhimu wa bustani za nyumbani kwa wenza wa viongozi wa Halmashauri ya Jiji la Dodoma alipokuwa akihamasisha kilimo cha bustani hizo kwenye Banda la Jiji la Dodoma katika viwanja vya Nanenane Nzuguni. Kway alisema “nichukue nafasi hii kuwashauri wenza wa viongozi katika Halmashauri ya Jiji la Dodoma kulima bustani za nyumbani kwa ajili ya kusaidia familia zao na wageni wanaowatembelea. Hii ni muhimu kwa sababu wenza wa viongozi ni mfano wa kuigwa katika jamii hivyo ni rahisi kwa watu kuiga mfano mzuri kutoka kwa wenza wa viongozi hapa Halmashauri ya Jiji la Dodoma”. Akiongelea kilimo hicho kwa wananchi na watumishi wanaohamia Makao Makuu Do...
Read more