WINGI WA WANANCHI NZUGUNI WAMKOSHA MKIMBIZA MWENGE KITAIFA UWEKAJI JIWE LA MSINGI BARABARA YA TARURA

By Halmashauri ya Jiji la Dodoma

Na. Dennis Gondwe, NZUGUNI

KIONGOZI wa mbio za Mwenge wa Uhuru mwaka 2023, Abdalla Shaib Kaim amefurahishwa na mamia ya wananchi wa Kata ya Nzuguni waliojitokeza kwa wingi kuupokea na kuushangilia Mwenge wa Uhuru ulipofika kuweka jiwe la msingi mradi wa Barabara ya Nzuguni-Mahomanyika.



Kaim alisema “kabla sijatoa majumuisho ya Mwenge wa Uhuru kukagua barabara hii niwapongeze wananchi wa Nzuguni kwa namna mlivyojitokeza kwa wingi, haya ni mafuriko makubwa, shamrashamra na vibe la kutosha kuupokea na kuukimbiza Mwenge wa Uhuru. Hakika ninyi ni watu wema na wazalendo wakubwa”.

Aidha, alimpongeza Mbunge wa Jimbo la Dodoma, Anthony Mavunde kwa hamasa yake katika Mwenge wa Uhuru. “Pongezi kwa Mheshimiwa Mavunde tunakushukuru kwa kazi nzuri pamoja na wingi wa majukumu uliyonayo lakini umeona umuhimu wa kujumuika nasi. Hongera sana Mungu akubariki wewe ni mtu bingwa” alisema Kaim.

Akiongelea mradi wa Barabara ya Nzuguni-Mahomanyika kilometa tano alisema kuwa imejengwa kwa kiwango bora. “Mbio za Mwenge wa Uhuru tumepokea taarifa ya mradi na Mwenge wa Uhuru umefanya ukaguzi wa nyaraka mbalimbali na kukagua hatua ya ujenzi wa mradi iliyofikiwa. Mhe Mkuu wa Wilaya ukaguzi wa kina umefanywa na Mwenge wa Uhuru umejiridhisha nyaraka zote zipo vizuri, vigezo na ubora umeonekana. Hongera sana Wakala wa Barabara za Mijini na Vijijini. Mwenge wa Uhuru 2023 umeridhia uwekaji wa jiwe la msingi mradi huu” alisema Kaim.

Akisoma taarifa ya ujenzi wa Barabara ya Nzuguni-Mahomanyika Kilometa tano kwa kiongozi wa mbio za Mwenge wa Uhuru kitaifa mwaka 2023, Meneja wa Wakala wa Barabara za Vijijini na Mijini (TARURA) Wilaya ya Dodoma, Mhandisi Emmanuel Mfinanga alisema kuwa barabara hiyo imejengwa kwa lami ngumu. “Ndugu Kiongozi wa Mbio za Mwenge wa Uhuru 2023; Barabara ya Nzuguni- Mahomanyika ina Kilometa 13 kutoka Nzuguni hadi kufika Barabara ya Mzunguko wa Nje (Outer Ring road). Kutokana na umuhimu wa barabara hii, Serikali ya Jamhuri ya Muungano wa Tanzania, kwa mwaka wa fedha 2021/2022 ilitenga fedha shilingi 6,109,748,702 kwa ajili ya ujenzi wa Kilometa tano za lami ngumu” alisema Mhandisi Mfinanga. 



Akiongelea lengo la ujenzi wa barabara hiyo alisema kuwa utasaidia kupunguza msongamano kwenye barabara kuu iendayo Morogoro. “Lengo lingine ni kupunguza mafuriko, kuwezesha shughuli za Zimamoto, Mradi wa Maji Safi kufikika kiurahisi na kupanua mtandao wa barabara kwa kuunganisha barabara ya Mzunguko wa Nje (Outer ring Road)” alisema Mhandisi Mfinanga.

Alisema kuwa mradi huo ni wa manufaa kwa wananchi. ”Ndugu Kiongozi wa Mbio za Mwenge wa Uhuru 2023, kukamilika kwa mradi huu kutawezesha shughuli za kijamii kufikika kirahisi kwasababu barabara hii ni kiungo kikubwa kwenda Mji wa Serikali (Mtumba), Uwanja wa Ndege wa Kimataifa wa Msalato, Kituo kikuu cha Mabasi Dodoma na Soko kuu la Job Ndugai lakini pia wananchi wa  Kata ya Nzuguni wapatao 50,454, kufika katika maeneo yao kirahisi. Pia uwepo wa barabara utawezesha shughuli mbalimbali za kiuchumi kufanyika na hivyo kukuza uchumi wa jamii na Taifa” alisema.

Gharama za mradi huo ni shilingi 6,109,748,702, na shilingi 5,246,805,322 sawa na asilimia 86 kimelipwa.



MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more