MWENGE WA UHURU WAZINDUA KITUO CHA AFYA NKUHUNGU- DODOMA

By Halmashauri ya Jiji la Dodoma

Na. Dennis Gondwe, NKUHUNGU

MWENGE wa Uhuru mwaka 2023 umezindua Kituo cha Afya Nkuhungu ili kiweze kuwahudumia watanzania baada ya kujiridhisha na ujenzi wa kituo hicho na nyaraka kufuatia ukaguzi uliofanyika.



Kauli hiyo ilitolewa na Kiongozi wa mbio za Mwenge wa Uhuru mwaka 2023, Abdalla Shaib Kaim alipoongoza Mwenge wa Uhuru kutembelea na kukagua ujenzi wa Kituo cha Afya Nkuhungu kilichopo jijini Dodoma.

Kaim alisema kuwa Mwenge wa Uhuru umepita kwenye Kituo cha Afya Nkuhungu na kusema kuwa ujenzi wake umefanyika vizuri. “Mheshimiwa Mkuu wa Wilaya pamoja na maelekezo ambayo nimetoa kwa dhati kabisa na kwa heshima ya Mheshimiwa Rais na wananchi hawa niseme Mwenge wa Uhuru mwaka huu tumeridhia uzinduzi wa kituo hiki cha afya” alisema Kaim.

Akisoma taarifa ya ujenzi wa Kituo cha Afya Nkuhungu kwa kiongozi wa mbio za Mwenge wa Uhuru kitaifa, Mkuu wa Divisheni ya Afya, Ustawi wa Jamii na Lishe, Dkt. Andrew Method alisema kuwa halmashauri inatekeleza mradi huo kupitia mapato ya ndani ikiwa ni utekelezaji wa maagizo ya Tamisemi ya kujenga vituo vitatu vya afya kupitia mapato ya ndani. ”Vituo vingine vinavyojengwa kupitia mapato ya ndani ni Zuzu na Kizota ambavyo vipo katika hatua ya umaliziaji. Lengo la mradi huu ni kusogeza huduma za Afya karibu na wananchi wa Kata ya Nkuhungu yenye wakazi 49, 337. Vilevile, kituo hiki kinahudumia wananchi wa kata za jirani za Kizota yenye wakazi 30,632 na Mnadani yenye wakazi 44,311 pamoja na kutoa huduma za rufaa kwa Kata za Chigongwe yenye wakazi 8,933, Nala yenye wakazi 11,715 na Mbalawala yenye wakazi 11,370” alisema Dkt. Method.



Akiongelea mafanikio ya mradi huu aliyataja kuwa ni kuhudumia wakazi 49,337 wa Kata ya Nkuhungu. “Vilevile, wakazi 106,961 wa Kata jirani za Kizota, Mnadani, Chigongwe, Nala na Mbalawala wananufaika na huduma za Afya kupitia kituo hiki. Wajawazito 5,470 na watoto 20,786 wenye umri chini ya miaka mitano wanatarajiwa kunufaika na huduma za Afya ya uzazi na mtoto” alisema Dkt. Method.

Kuhusu gharama za mradi, alisema kuwa hadi kukamilika awamu ya kwanza shilingi 382,996,246 zimetumika zikihusisha ujenzi wa majengo ya kutolea huduma, kichomea taka na ununuzi wa vifaa. “Ujenzi wa majengo shilingi 322,996,246.00 na ununuzi wa vifaa na samani shilingi 60,000,000” alisema.

Ikumbukwe kuwa huduma zinazotolewa baada ya kufunguliwa kwa kituo cha Afya Nkuhungu ni Afya ya uzazi na mtoto (RCH Clinic) kwa wajawazito na watoto wenye umri chini ya miaka mitano, huduma za matibabu ya Wagonjwa wa Nje (OPD) na huduma za Maabara.

Mkazi wa Nkuhungu, Mwaimvua Abdallah alisema kuwa uzinduzi wa kituo hicho cha afya ni ukombozi kwa wanawake waliokuwa wakilazimika kutembea umbali mrefu kufuata huduma za tiba mjini.

 


MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more