Kanda Namba Tatu yajifagilia utoaji huduma bora kwa mteja

By Halmashauri ya Jiji la Dodoma

Na. mwandishi Wetu, KIZOTA

Kanda Namba Tatu katika Halmashauri ya Jiji la Dodoma inaadhimisha Wiki ya Huduma kwa Mteja kwa kuhakikisha huduma muhimu kwa wananchi na wafanyabiashara zinapatikana muda wote na kwa wakati.



Huduma muhimu zinazotolewa ni pamoja na ukataji wa leseni ya biashara, malipo ya ushuru, malipo ya kodi za majengo, huduma ya elimu ya msingi na sekondari, huduma za ustawi wa jamii, usajili wa vikundi na asasi za kiraia, vibali vya ujenzi, vibali vya sherehe, upatikanaji wa hati na ushuru wa mabango.

Meneja wa Kanda Namba Tatu, Fanuel Lawrence, alisema kuwa muitikio wa wananchi ni mkubwa na umeonesha dhamira ya wazi ya wananchi kupata huduma stahiki. “Wiki ya Huduma kwa Mteja ni muhimu sana kwetu, inatuonesha namna tunavyowahudumia wananchi na mapokeo ya huduma walizopata. Pia inatupa mwanga wa kuboresha zaidi huduma zetu. Kwa ujumla tunafanya kazi kwa weledi na kwa kuzingatia utaratibu lakini katika yote hayo tunatanguliza huduma bora kwa wateja wetu” alisema Lawrence.

Nae, Afisa Biashara katika Halmashauri ya Jiji la Dodoma, Steven Maufi, alisema kuwa maadhimisho hayo ni ukumbusho kwa watumishi kutoa huduma bora na kujenga mahusiano mazuri na wananchi. “Huduma nzuri huleta furaha na mshikamano. Niwahimize watumishi wenzangu kuzingatia lugha za staha, kusikiliza kwa makini wateja na kutoa maamuzi yenye busara kwa mustakabali wa pande zote mbili yaani kwa mteja na halmashauri” alisema.

Kwa upande wake mkazi wa Kata ya Kizota, James Wamalya alieleza kuridhishwa na uwepo wa ofisi hizo karibu na maeneo yao. “Tunashukuru sana ofisi hizi za kanda kuletwa karibu. Zimetusaidia kuokoa muda mwingi na gharama za kufuata huduma mjini. Hongera kwa halmashauri kwa kutujali sisi wananchi” alieleza.

Maadhimisho ya Wiki ya Huduma kwa Mteja yanathibitisha dhamira ya Halmashauri ya Jiji la Dodoma katika kuhakikisha wananchi wanapata huduma bora, haraka na kwa ukaribu.

MWISHO

Comments

Post a Comment

Popular Posts

Kanda Namba Mbili yaendelea kutoa huduma bora kwa wananchi

By Halmashauri ya Jiji la Dodoma
Image
Na. Tutindaga Nkwindi, NZUGUNI Kanda Namba Mbili inayohudumia kata tano za Nzuguni, Ipagala, Ihumwa, Mtumba na Kikombo imeendelea kutoa huduma bora kwa wananchi, ikiwa ni sehemu ya mkakati wa kuhakikisha kila mkazi wa kanda hiyo anapata huduma kwa wakati na kwa kiwango kinachostahili. Akizungumza na waandishi wa habari Meneja wa Kanda hiyo, Abeid Msangi alisema kuwa kanda imejipanga vizuri katika kusimamia utoaji wa huduma kwa kuzingatia maadili ya utumishi wa umma, ubunifu na uwajibikaji. “ Tunaendelea kuhakikisha wananchi wanapata huduma kwa haraka na kwa ubora. Tumeweka mifumo ya ufuatiliaji wa maombi ya wananchi na kuboresha mawasiliano kati ya ofisi na jamii ili kuongeza ufanisi ” alisema Msangi. Aidha, alieleza kuwa maafisa walioko katika kanda hiyo wamekuwa wakipatiwa mafunzo ya mara kwa mara kuhusu utoaji wa huduma kwa wateja na matumizi ya teknolojia katika kushughulikia maombi ya wananchi, hatua ambayo imepunguza changamoto za ucheleweshaji wa huduma. Vilevile, alisisi...
Read more

Kanda Namba Mbili yang'ara kwa huduma bora kwa wateja

By Halmashauri ya Jiji la Dodoma
Image
Na. Tutindaga Nkwindi DODOMA Kanda Namba Mbili imeendelea kung ’ ara kwa kutoa huduma bora zenye tija kwa wananchi katika maadhimisho ya Wiki ya Huduma kwa Mteja yanayoendelea katika ofisi ya kanda kwa kushirikisha watumishi pamoja na wananchi kutoka maeneo mengi ya kata zinazounda kanda hiyo. Maadhimisho hayo ni ukumbusho wa kuimarisha mawasiliano kati ya watumishi na wananchi, sambamba na kujadili changamoto na mafanikio katika utoaji wa huduma kwa umma.   Meneja wa Kanda Namba Mbili, Abeid Msangi alisema kuwa utoaji wa huduma bora ni wajibu wa kila mtumishi wa umma na njia sahihi ya kujenga uaminifu wa wananchi kwa taasisi za serikali. “ Huduma bora kwa wateja ni moyo wa utendaji. Tunapaswa kuwa wabunifu, wakarimu na kujituma ili kila mwananchi ajisikie kuthaminiwa anapohudumiwa ” alisema Msangi. Kwa upande wake, Afisa Biashara wa Kanda Namba Mbili, Ruth Kingu alisema kuwa Wiki ya Huduma kwa Mteja ni fursa muhimu ya kupokea mrejesho kutoka kwa wananchi na kuboresha zaidi ...
Read more