Jiji la Dodoma lajikita kuimarisha Mawasiliano na wananchi Wiki ya Huduma kwa Mteja

By Halmashauri ya Jiji la Dodoma

Na. Leah Mabalwe,  DODOMA

Halmashauri ya Jiji la Dodoma inatumia maadhimisho ya Wiki ya Huduma kwa Mteja kutathmini mfumo wa utoaji huduma kwa wananchi na kuhamasisha mawasiliano bora ili kuwaweka wananchi karibu zaidi na halmashauri yao.


Mkuu wa Kitengo cha Mawasiliano Serikalini, Dennis Gondwe akifafanua jambo


Kauli hiyo ilitolewa na Mkuu wa Kitengo cha Mawasiliano Serikalini, Halmashauri ya Jiji la Dodoma, Dennis Gondwe, alipokuwa akijibu swali la jinsi halmashauri inavyotumia maadhimisho ya Wiki ya Huduma kwa Mteja ofisini kwake.

Gondwe alisema kuwa Wiki ya Huduma kwa Mteja ni wiki inayoikumbusha halmashauri kuwa ipo kwa ajili ya utoaji huduma kwa wananchi. “Msingi wa uwepo wa Halmashauri ya Jiji la Dodoma ni utoaji wa huduma bora na za viwango kwa wananchi. Ni kipindi ambacho tunatafakari hali ya huduma tunayotoa kwa wananchi, ni kipindi ambacho tunatafakari kule tunapolenga kufika katika viwango vya utoaji wa huduma. Menejimenti ya halmashauri inalenga kufika sehemu ambapo malalamiko ya huduma zinazotolewa kwa wananchi inakuwa ni historia. Tunataka kufika sehemu ambapo mwananchi hakumbuki mara ya mwisho ilikuwa lini kupata huduma chini ya kiwango, mara ya mwisho lini kupanga foleni kusubiri huduma” alisema Gondwe.

 

Menejimenti ya Halmashauri ya Jiji la Dodoma imeanzisha mfumo wa utoaji huduma kupitia kanda. “Jumla ya kanda saba za utoaji huduma zimeundwa kwa lengo la kuwasogezea huduma wananchi karibu na maeneo waliyopo. Halmashauri imewafuata wananchi walipo, hivyo, tunaongelea huduma karibu na wananchi, tunaongelea huduma ndani ya muda mfupi, tunaongelea huduma bila kutumia gharama na muda kuifuata, hii ndiyo Halmashauri ya Jiji la Dodoma. Tunatumia wiki hii ya huduma kwa mteja, kuboresha zaidi mawasiliano yetu na wananchi ambao tunawahudumia, kwa kuwasikiliza, kushauriana nao na kupata mrejesho wa huduma tunazotoa ili tuendelee kuwa bora zaidi. Maadhimisho haya yanafanyika hapa ofisi kuu na katika ofisi zetu zote za kanda” alisisitiza Gondwe.

Katika hatua nyingine, mkazi wa Kata ya Iyumbu, Lucas Moses alieleza kuwa mfumo wa utoaji huduma kupitia kanda umeboresha upatikanaji wa huduma kwa wananchi, kwasababu wanahudumiwa karibu na makazi yao jambo lililopunguza muda na gharama. “Kupitia mfumo wa kanda, tunapata huduma karibu na haraka zaidi. Tunashauri maboresho zaidi kwenye miundombinu” alisema Moses.

Kwa upande wake, mfanyabiashara Edmund Mngassa aliyeenda kupata huduma katika Ofisi ya Kanda Namba Moja, alipongeza huduma bora aliyopata katika Kanda Namba Moja, akisema kuwa zimekuwa chachu ya mabadiliko katika safari yake ya kibiashara. “Sikuwahi kufikiria kuwa ningeweza kupata huduma nyingi kiasi hiki sehemu moja na ndani ya muda mfupi. Zaidi ya yote nimepokelewa vizuri, lakini pia kuna baadhi ya vitu ambavyo nilikuwa sina uelewa navyo maafisa wameweza kunielewesha. Hivyo, niwasisitize wafanyabiashara wenzangu tusikae nyuma, tuje kukata leseni za biashara na huduma zingine ili tuweze kufanya biashara kwa uhalali’’ alisema Mngassa.

Comments

Post a Comment

Popular Posts

Kanda Namba Mbili yaendelea kutoa huduma bora kwa wananchi

By Halmashauri ya Jiji la Dodoma
Image
Na. Tutindaga Nkwindi, NZUGUNI Kanda Namba Mbili inayohudumia kata tano za Nzuguni, Ipagala, Ihumwa, Mtumba na Kikombo imeendelea kutoa huduma bora kwa wananchi, ikiwa ni sehemu ya mkakati wa kuhakikisha kila mkazi wa kanda hiyo anapata huduma kwa wakati na kwa kiwango kinachostahili. Akizungumza na waandishi wa habari Meneja wa Kanda hiyo, Abeid Msangi alisema kuwa kanda imejipanga vizuri katika kusimamia utoaji wa huduma kwa kuzingatia maadili ya utumishi wa umma, ubunifu na uwajibikaji. “ Tunaendelea kuhakikisha wananchi wanapata huduma kwa haraka na kwa ubora. Tumeweka mifumo ya ufuatiliaji wa maombi ya wananchi na kuboresha mawasiliano kati ya ofisi na jamii ili kuongeza ufanisi ” alisema Msangi. Aidha, alieleza kuwa maafisa walioko katika kanda hiyo wamekuwa wakipatiwa mafunzo ya mara kwa mara kuhusu utoaji wa huduma kwa wateja na matumizi ya teknolojia katika kushughulikia maombi ya wananchi, hatua ambayo imepunguza changamoto za ucheleweshaji wa huduma. Vilevile, alisisi...
Read more

Kanda Namba Mbili yang'ara kwa huduma bora kwa wateja

By Halmashauri ya Jiji la Dodoma
Image
Na. Tutindaga Nkwindi DODOMA Kanda Namba Mbili imeendelea kung ’ ara kwa kutoa huduma bora zenye tija kwa wananchi katika maadhimisho ya Wiki ya Huduma kwa Mteja yanayoendelea katika ofisi ya kanda kwa kushirikisha watumishi pamoja na wananchi kutoka maeneo mengi ya kata zinazounda kanda hiyo. Maadhimisho hayo ni ukumbusho wa kuimarisha mawasiliano kati ya watumishi na wananchi, sambamba na kujadili changamoto na mafanikio katika utoaji wa huduma kwa umma.   Meneja wa Kanda Namba Mbili, Abeid Msangi alisema kuwa utoaji wa huduma bora ni wajibu wa kila mtumishi wa umma na njia sahihi ya kujenga uaminifu wa wananchi kwa taasisi za serikali. “ Huduma bora kwa wateja ni moyo wa utendaji. Tunapaswa kuwa wabunifu, wakarimu na kujituma ili kila mwananchi ajisikie kuthaminiwa anapohudumiwa ” alisema Msangi. Kwa upande wake, Afisa Biashara wa Kanda Namba Mbili, Ruth Kingu alisema kuwa Wiki ya Huduma kwa Mteja ni fursa muhimu ya kupokea mrejesho kutoka kwa wananchi na kuboresha zaidi ...
Read more

JIJI LA DODOMA KUPELEKA MIL 50 ZAHANATI YA KIKUYU

By Halmashauri ya Jiji la Dodoma
Image
Na. Dennis Gondwe, KIKUYU KASKAZINI SERIKALI kupeleka shilingi milioni 50 kukamilisha jengo la wodi ya wazazi katika Zahanati ya Kikuyu iliyopo Halmashauri ya Jiji la Dodoma kwa lengo la kuwafikishia huduma za afya wananchi. Mbunge Anthony Mavunde Kauli hiyo ilitolewa Mbunge wa Jimbo la Dodoma mjini, Anthony Mavunde alipokuwa akiongea na mamia ya wananchi wa Kata ya Kikuyu Kaskazini waliojitokeza kushiriki zoezi la usafi wa mazingira na upandaji miti kuzunguka Zahanati ya Kikuyu. Mavunde alisema “Mheshimiwa Mkuu wa Wilaya ya Dodoma jengo unaloliona kushoto kwako ni jitihada zangu mimi na diwani wa hapa. Habari njema ni kwamba kabla ya Jumatano wiki ijayo tunaingiza shilingi milioni 50 ambazo zitakwenda kukamilisha jengo hilo. Na nategemea mwezi Oktoba mwaka huu kina mama wataanza kuhudumiwa katika wodi ya wazazi”. Akiongelea historia ya jengo hilo, alisema kuwa mwaka 2020 aliwaahidi wananchi wa kata hiyo kujengewa wodi ya wazazi. “Nilikuja hapa nikiwa na Diwani Mwansasu nikakut...
Read more