Kanda Namba Mbili yang'ara kwa huduma bora kwa wateja

By Halmashauri ya Jiji la Dodoma

Na. Tutindaga Nkwindi DODOMA

Kanda Namba Mbili imeendelea kung’ara kwa kutoa huduma bora zenye tija kwa wananchi katika maadhimisho ya Wiki ya Huduma kwa Mteja yanayoendelea katika ofisi ya kanda kwa kushirikisha watumishi pamoja na wananchi kutoka maeneo mengi ya kata zinazounda kanda hiyo.



Maadhimisho hayo ni ukumbusho wa kuimarisha mawasiliano kati ya watumishi na wananchi, sambamba na kujadili changamoto na mafanikio katika utoaji wa huduma kwa umma.

 Meneja wa Kanda Namba Mbili, Abeid Msangi alisema kuwa utoaji wa huduma bora ni wajibu wa kila mtumishi wa umma na njia sahihi ya kujenga uaminifu wa wananchi kwa taasisi za serikali. “Huduma bora kwa wateja ni moyo wa utendaji. Tunapaswa kuwa wabunifu, wakarimu na kujituma ili kila mwananchi ajisikie kuthaminiwa anapohudumiwa” alisema Msangi.

Kwa upande wake, Afisa Biashara wa Kanda Namba Mbili, Ruth Kingu alisema kuwa Wiki ya Huduma kwa Mteja ni fursa muhimu ya kupokea mrejesho kutoka kwa wananchi na kuboresha zaidi mifumo ya utoaji huduma. “Tunajifunza mengi kupitia maoni ya wateja. Lengo letu ni kuhakikisha kila mwananchi anapata huduma bora, haraka na kwa ufanisi” alisema Kingu.

 Mfanyabiashara kutoka Kata ya Nzuguni, Theresia John aliipongeza kanda hiyo kwa huduma nzuri wanazotoa na utayari wa watumishi kuwahudumia wananchi kwa weledi na kwa wakati. “Tumeona mabadiliko makubwa, huduma zinapatikana kwa urahisi na watumishi wanatupokea vizuri. Hongera kwa timu nzima ya Kanda Namba Mbili kwa kazi nzuri” alisema John.

 


Katika hatua nyingine, mkazi wa Kata ya Iyumbu, Lucas Moses alieleza kuwa mfumo wa utoaji huduma kupitia kanda umeboresha upatikanaji wa huduma kwa wananchi, kwasababu wanahudumiwa karibu na makazi yao jambo lililopunguza muda na gharama. “Kupitia mfumo wa kanda, tunapata huduma karibu na haraka zaidi. Tunashauri maboresho zaidi kwenye miundombinu” alisema Moses.

 Maadhimisho ya Wiki ya Huduma kwa Mteja yanawakumbusha watumishi wote kuendeleza ubunifu, uwajibikaji na uwazi katika utendaji wao ili kuimarisha uhusiano mzuri kati ya serikali na wananchi na kuendeleza dhana ya utoaji huduma bora kwa wote.

 

Comments

Post a Comment

Popular Posts

Kanda Namba Mbili yaendelea kutoa huduma bora kwa wananchi

By Halmashauri ya Jiji la Dodoma
Image
Na. Tutindaga Nkwindi, NZUGUNI Kanda Namba Mbili inayohudumia kata tano za Nzuguni, Ipagala, Ihumwa, Mtumba na Kikombo imeendelea kutoa huduma bora kwa wananchi, ikiwa ni sehemu ya mkakati wa kuhakikisha kila mkazi wa kanda hiyo anapata huduma kwa wakati na kwa kiwango kinachostahili. Akizungumza na waandishi wa habari Meneja wa Kanda hiyo, Abeid Msangi alisema kuwa kanda imejipanga vizuri katika kusimamia utoaji wa huduma kwa kuzingatia maadili ya utumishi wa umma, ubunifu na uwajibikaji. “ Tunaendelea kuhakikisha wananchi wanapata huduma kwa haraka na kwa ubora. Tumeweka mifumo ya ufuatiliaji wa maombi ya wananchi na kuboresha mawasiliano kati ya ofisi na jamii ili kuongeza ufanisi ” alisema Msangi. Aidha, alieleza kuwa maafisa walioko katika kanda hiyo wamekuwa wakipatiwa mafunzo ya mara kwa mara kuhusu utoaji wa huduma kwa wateja na matumizi ya teknolojia katika kushughulikia maombi ya wananchi, hatua ambayo imepunguza changamoto za ucheleweshaji wa huduma. Vilevile, alisisi...
Read more

JIJI LA DODOMA KUPELEKA MIL 50 ZAHANATI YA KIKUYU

By Halmashauri ya Jiji la Dodoma
Image
Na. Dennis Gondwe, KIKUYU KASKAZINI SERIKALI kupeleka shilingi milioni 50 kukamilisha jengo la wodi ya wazazi katika Zahanati ya Kikuyu iliyopo Halmashauri ya Jiji la Dodoma kwa lengo la kuwafikishia huduma za afya wananchi. Mbunge Anthony Mavunde Kauli hiyo ilitolewa Mbunge wa Jimbo la Dodoma mjini, Anthony Mavunde alipokuwa akiongea na mamia ya wananchi wa Kata ya Kikuyu Kaskazini waliojitokeza kushiriki zoezi la usafi wa mazingira na upandaji miti kuzunguka Zahanati ya Kikuyu. Mavunde alisema “Mheshimiwa Mkuu wa Wilaya ya Dodoma jengo unaloliona kushoto kwako ni jitihada zangu mimi na diwani wa hapa. Habari njema ni kwamba kabla ya Jumatano wiki ijayo tunaingiza shilingi milioni 50 ambazo zitakwenda kukamilisha jengo hilo. Na nategemea mwezi Oktoba mwaka huu kina mama wataanza kuhudumiwa katika wodi ya wazazi”. Akiongelea historia ya jengo hilo, alisema kuwa mwaka 2020 aliwaahidi wananchi wa kata hiyo kujengewa wodi ya wazazi. “Nilikuja hapa nikiwa na Diwani Mwansasu nikakut...
Read more