Huduma bora ni msingi wa kazi Kanda Namba Tatu

By Halmashauri ya Jiji la Dodoma

Na. Mwandishi Wetu, KIZOTA

Kanda Namba Tatu yaonesha kiwango bora cha huduma kwa wateja kwa kuendelea kufanya vizuri katika kutoa huduma zinazogusa matarajio ya wananchi wakati wa maadhimisho ya Wiki ya Huduma kwa Mteja.


Kauli hiyo ilitolewa na Meneja wa Kanda Namba Tatu ya utoaji huduma katika Halmashauri ya Jiji la Dodoma, Fanuel Lawrence alipokuwa akiongelea Wiki ya Huduma kwa Mteja katika kanda hiyo. Alisema kuwa huduma bora ni wajibu wa kila mtumishi wa umma na njia ya kuj

enga imani na uaminifu wa wananchi kwa serikali yao. “Huduma bora ni msingi wa kazi yetu, tunapaswa kuwa na mbinu mpya, kuwa na adabu, na kujitolea ili wananchi wapate huduma stahiki” alisema Lawrence. Aidha, aliwakaribisha wananchi na wafanyabiashara katika ofisi ya Kanda Namba Tatu zilizopo katika pamoja na Ofisi ya Afisa Mtendaji Kata ya Kizota kupata huduma zote muhimu. Aliongeza kuwa ofisi hizo zimesogezwa karibu na wananchi ili kuwapunguzia kero ya kufuata huduma mbali na makazi na shughuli zao.

Nae, Afisa Biashara wa Kanda Namba Tatu, Steven Maufi alibainisha kuwa Wiki ya Huduma kwa Mteja ni fursa ya kuhudumia wananchi kwa namna ya tofauti ili kupata maoni na ushauri kutoka kwao ya namna ya kuboresha huduma zaidi. “Mbinu zetu za kutoa huduma bora za kiwango cha juu zinategemea pia maoni ya wateja. Lengo kuu ni kuhakikisha wananchi wanapata huduma bora na kwa haraka na serikali inapata kile kinacjostahili kwa wakati” alisema.

Kwa upande wake, Mfanyabiashara kutoka Kata ya Nala, Salehe Hamisi alitoa pongezi kwa kanda hiyo kutoa huduma nzuri. “Mabadiliko ni makubwa sana, sasa hivi ndugu mwandishi, tunahudumiwa vizuri sana. Hata lugha wanayotumia ni nzuri tofauti na kipindi cha nyuma, unamkuta mtumishi kwenye meza ya huduma, anakuhudumia kama ni vita. Sasa hivi wanatupokea vizuri na wanahakikisha unaondoka umepata kile umekifuata na ukiwa umeridhika” alisema.

Maadhimisho ya Wiki ya Huduma kwa Mteja yanayofikia kilele tarehe 10 Oktoba, 2025 yakilenga kuimarisha uhusiano mzuri kati ya taasisi na wanufaika wa huduma.

Comments

Post a Comment

Popular Posts

Kanda Namba Mbili yaendelea kutoa huduma bora kwa wananchi

By Halmashauri ya Jiji la Dodoma
Image
Na. Tutindaga Nkwindi, NZUGUNI Kanda Namba Mbili inayohudumia kata tano za Nzuguni, Ipagala, Ihumwa, Mtumba na Kikombo imeendelea kutoa huduma bora kwa wananchi, ikiwa ni sehemu ya mkakati wa kuhakikisha kila mkazi wa kanda hiyo anapata huduma kwa wakati na kwa kiwango kinachostahili. Akizungumza na waandishi wa habari Meneja wa Kanda hiyo, Abeid Msangi alisema kuwa kanda imejipanga vizuri katika kusimamia utoaji wa huduma kwa kuzingatia maadili ya utumishi wa umma, ubunifu na uwajibikaji. “ Tunaendelea kuhakikisha wananchi wanapata huduma kwa haraka na kwa ubora. Tumeweka mifumo ya ufuatiliaji wa maombi ya wananchi na kuboresha mawasiliano kati ya ofisi na jamii ili kuongeza ufanisi ” alisema Msangi. Aidha, alieleza kuwa maafisa walioko katika kanda hiyo wamekuwa wakipatiwa mafunzo ya mara kwa mara kuhusu utoaji wa huduma kwa wateja na matumizi ya teknolojia katika kushughulikia maombi ya wananchi, hatua ambayo imepunguza changamoto za ucheleweshaji wa huduma. Vilevile, alisisi...
Read more

Kanda Namba Mbili yang'ara kwa huduma bora kwa wateja

By Halmashauri ya Jiji la Dodoma
Image
Na. Tutindaga Nkwindi DODOMA Kanda Namba Mbili imeendelea kung ’ ara kwa kutoa huduma bora zenye tija kwa wananchi katika maadhimisho ya Wiki ya Huduma kwa Mteja yanayoendelea katika ofisi ya kanda kwa kushirikisha watumishi pamoja na wananchi kutoka maeneo mengi ya kata zinazounda kanda hiyo. Maadhimisho hayo ni ukumbusho wa kuimarisha mawasiliano kati ya watumishi na wananchi, sambamba na kujadili changamoto na mafanikio katika utoaji wa huduma kwa umma.   Meneja wa Kanda Namba Mbili, Abeid Msangi alisema kuwa utoaji wa huduma bora ni wajibu wa kila mtumishi wa umma na njia sahihi ya kujenga uaminifu wa wananchi kwa taasisi za serikali. “ Huduma bora kwa wateja ni moyo wa utendaji. Tunapaswa kuwa wabunifu, wakarimu na kujituma ili kila mwananchi ajisikie kuthaminiwa anapohudumiwa ” alisema Msangi. Kwa upande wake, Afisa Biashara wa Kanda Namba Mbili, Ruth Kingu alisema kuwa Wiki ya Huduma kwa Mteja ni fursa muhimu ya kupokea mrejesho kutoka kwa wananchi na kuboresha zaidi ...
Read more

JIJI LA DODOMA KUPELEKA MIL 50 ZAHANATI YA KIKUYU

By Halmashauri ya Jiji la Dodoma
Image
Na. Dennis Gondwe, KIKUYU KASKAZINI SERIKALI kupeleka shilingi milioni 50 kukamilisha jengo la wodi ya wazazi katika Zahanati ya Kikuyu iliyopo Halmashauri ya Jiji la Dodoma kwa lengo la kuwafikishia huduma za afya wananchi. Mbunge Anthony Mavunde Kauli hiyo ilitolewa Mbunge wa Jimbo la Dodoma mjini, Anthony Mavunde alipokuwa akiongea na mamia ya wananchi wa Kata ya Kikuyu Kaskazini waliojitokeza kushiriki zoezi la usafi wa mazingira na upandaji miti kuzunguka Zahanati ya Kikuyu. Mavunde alisema “Mheshimiwa Mkuu wa Wilaya ya Dodoma jengo unaloliona kushoto kwako ni jitihada zangu mimi na diwani wa hapa. Habari njema ni kwamba kabla ya Jumatano wiki ijayo tunaingiza shilingi milioni 50 ambazo zitakwenda kukamilisha jengo hilo. Na nategemea mwezi Oktoba mwaka huu kina mama wataanza kuhudumiwa katika wodi ya wazazi”. Akiongelea historia ya jengo hilo, alisema kuwa mwaka 2020 aliwaahidi wananchi wa kata hiyo kujengewa wodi ya wazazi. “Nilikuja hapa nikiwa na Diwani Mwansasu nikakut...
Read more